1 Yohana 4:6 - Eriiraghano Eriihë

⁶ Amare itu n‑abhaato bha Ryobha toonyi. Wowoose uno aryeche Eryobha, naghotutëghëërëra, amare uno ataanyi o Ryobha, taaghotutëghëërëra. Hangʼu niho tokumënya obhwahukani bho bhaato bhano bhaghukangatu na Akörö e hëënë, na bhano bhaghukangatu na akörö e bhuröngö.

1 Yohana 4:6 ပူးပေါင်းရင်းမြစ်များ

Ruuka 10:22

Akamara akabhabhoorera, “Taata waane, namariri ghotoora ghoose mo‑mabhökö ghaane. Wiiki taanyi‑ho uno amweche Omoona, n‑Ishe omwene. Koru taanyi‑ho uno amweche Ishe, n‑Omoona omwene, na wowoose uno Omoona akwënda komohunyurera.”

Yohana 10:16

Eni neenyi na changʼöndu echende chino chetaanyi che mo‑mowaara uno, choose nekwëndëru nechirëëtë. Changʼöndu chiyo choose nchekorimënya eriiraka reene. Gho nchëra iyo, ndeekubha erikinda rimu, no omoriishi umu.

Yohana 10:27

Changʼöndu cheene nchehooghu eriiraka reene. Eni necheeche bhoheene, nacho cheghuntambana.

Yohana 10:3

Omochongi o mowaara nahaamoshokorera ekehita na changʼöndu nchehooghu eriiraka reeche. Omoriishi nahaachebherekera changʼöndu cheeche kwo mariina ghaabho na ghochikangata ghuye anche.

Yohana 13:20

Mahëënë ˆnekabhabhoorera, omooto wowoose uno akomosongʼaana uno netomiri, nasongʼaaniri na neeni. Hangʼu hangʼu, uno aghonsongʼaana eni, namosongʼaaniri Taata uno antomiri.”

Yohana 14:17

Akörö iyo nekobhahunyurera abhaato obhuhëënë. Abhaato bhano bhakwanga Eryobha bhataaghotora ghosongʼaana Akörö iyo, gho kubha bhataakoyerighi, wiiki bhatayeeche. Amare inyu moyeeche Akörö iyo gho kubha neghwikara haghirohamu na niinyu, wiiki neekubha moose yaanyu.

Yohana 15:26

“Hano akuucha ghokoonyu Omotoorereri, uno nekomotoma ghokoonyu koru o‑Taata, niyo Akörö Ahörëëru e hëënë ino ekoru o‑Taata, neghungambëra obhuhëënë ighoro yaane.

Yohana 16:13

Amare Akörö e bhuhëënë, hano ekuucha ghokoonyu, nekobhakangata kobhumënya obhuhëënë bhoose. Teekobhugha kwo bhotoro bhooche ayeene, amare nekobhugha ghano yoghwire na kobhabhoorera ghano ghakuucha.

Yohana 18:37

Mbe, Bhiraato akamobhoori akabhugha, “Kana, m‑mahëënë kubha iye n‑omutëmi?” Yesu akamugharokeri akabhugha, “N‑iye ˆokabhugha kubha eni n‑omutëmi. Eni niibhwiru mo‑se ino, wiiki niichiri kubha nebheeghi abhaato obhuhëënë. Omooto wowoose uno aghutambana obhuhëënë, naghoghooghu amangʼana ghaane.”

Yohana 20:21

Yesu akabhabhoorera wiiki akabhugha, “Omurëmbë ubhe na niinyu. Kinya bhuno Eryobha rentomiri eni, hangʼu hangʼu na neeni ˆnekabhatoma inyu mo‑se ino.”

Yohana 8:19

Niho Amabharisaayo bhakamobhoori Yesu bhakabhugha, “Kana, Iso hayi anyi?” Yesu akabhagharokeri akabhugha, “Inyu motanyeche eni, koru Taata waane motamweche. Erabha mongamënyiri eni, mongamumënyiri na Taata waane woose.”

Yohana 8:23

Yesu akëëndërëra kobhabhoorera akabhugha, “Inyu m‑bha hano haase moonyi, amare eni neruure ighoro. Inyu m‑bha mo‑se ino, amare eni taanyi o mo‑se ino.

Abharuumi 1:1

Anyaarubha ino neyandëkiri eni Bhawuro, omutamishi o Kirisito Yesu. Eni nebherekiiru nibhe omotomu waache, nyahwiru ne Eryobha nibhe neraraghani Angʼana yaache Anchömu.

Abharuumi 11:8

N‑kinya bhuno Amandëkö Amatööbhiyu ghakobhugha kubha, “Eryobha ndebhaköriri bhabhe ne metema miköngʼu, ndebhahunyiri amiisho kubha bhatarighi, wiiki ˆrekabharibha amatu kubha bhatooghu. Hangʼu bhaanyi mbagha reero ino.”

1 Abhakorinto 14:37

Aribha omooto akwirighi kubha naanyi ne ekihaano ghe koruusi obhurööti, hamu kubha naanyi ne ekihaano ekende ghe Körö Ahörëëru, amënyë kubha, ghano ˆnekabhaandëkëra, n‑amaraghereri koru kwo Mutëmi.

2 Abhakorinto 10:7

Mumööhërëri amangʼana ghano ghaanyi ambërë e miisho ghaanyu. Omooto wowoose uno akwirighi kubha iwe n‑o Kirisito, amënyë kubha itu bhoose n‑abhaato bha Kirisito toonyi, kinya iwe.

2 Abhatesaronike 1:8

Yesu niwe akobharööna bhoose bhano bhakoryanga Eryobha na bhano bhataaghosooka Angʼana yaache Anchömu.

1 Timotewo 4:1

Ibheere, Akörö Ahörëëru neghosiikëra kyono kubha, mo‑rosiko ro ntenero, abhande mbaghotigha obhokumi bho hëënë, na ghutambana chaakörö che bhuröngö, na ameeghi gha misambu.

2 Bheetero 3:2

Nekwënda mohiite amangʼana ghano ꞉ghaaghamburu kare na abharööti abhatööbhiyu, no omoghiro o Mutëmi no Omotoori uno abhatomu bhaache ꞉bhaabharëëtiire.

1 Yohana 4:1

Abhasiighani bhaane, motamokumi omooto woose uno akobhugha naanyi na Akörö e Ryobha. Amare mumööhi bhoheene aribha omooto uyo naghukangatu na Akörö e Ryobha hamu tiyaanyi. Nekwëndëru mumööhi gho kubha abharööti bhaaru bha bhuröngö mbarweriire mo‑se.

1 Yohana 4:4

Amare abhaana bhaane abhasiighani, inyu n‑abhaato bha Ryobha moonyi na mobhakindiri abhaato bhayo bha bhuröngö. Motoriri kobhakinda gho kubha, Akörö e Ryobha neenyi moose yaanyu. Iyo neenyi no obhotoro ghokera akörö e Rishambu, ino eghukangata abhaato bhano bhataakorekumi Eryobha.

1 Yohana 4:8

Amare wowoose uno atasiighiri mughëndi waache, taryeche Eryobha, gho kubha Eryobha n‑obhosiighi.

1 Yohana 5:19

Ntweche kubha itu n‑abhaana bha Ryobha toonyi, na abhaato bha se bhano bhataaghokumi Eryobha mbaghukangatu ne Erishambu.

Yuuta 1:17

Amare inyu abhasiighani, mohiite amangʼana ghano abhatomu bha Mutëmi wiito Yesu Kirisito ꞉bhaabhughiri.