1 Yohana 4:16 - Eriiraghano Eriihë

¹⁶ Ibheere, itu ntweche na ghokumi kubha Eryobha ndetosiighiri. Eryobha n‑obhosiighi. Wowoose uno anyi no obhosiighi, niwe anyi no obhumu ne Eryobha, Eryobha ryose ndeenyi no obhumu nawe.

1 Yohana 4:16 ပူးပေါင်းရင်းမြစ်များ

Yohana 6:69

Itu ntoghokumi, wiiki ntweche kubha iye n‑Omutööbhiyu koru kwo Ryobha.”

Yohana 9:3

Yesu akabhagharokeri akabhugha, “Uno tabheere omohuku gho ghiri e masari ghaache, hamu amasari gha bhiibhori bhaache. Amare ꞉niibhwiru omohuku, kubha changuru che Ryobha cherighibhu cheraköra emeremo mo‑riimanya reeche.

1 Abhakorinto 2:9

Amare n‑kinya bhuno yandëkuru mo‑Mandëkö Amatööbhiyu kubha, “Ghano Eryobha ꞉reebhasëëmiire bhano bharesiighiri, taanyi‑ho omooto uno are ashamiri ghogharighi koru ghoghooghu, taanyi‑ho omooto uno are ashamiri ghoghatoora mo‑motema waache.”

1 Yohana 3:1

Mbe, morighi kebhuno Taata Waryobha atosiighiri chwee, kubha itu tobherekeru abhaana bhaache! Mahëënë hangʼu toonyi. Abhaato bhano bhataakoresooka Eryobha bhateeche kubha itu n‑abhaana bha Ryobha toonyi, gho kubha bhataryeche iryo.

1 Yohana 3:16

Mbe, Kirisito hano abhoruusiri obhuhöru bhooche gho ghiri yiito, natwërëkiri obhosiighi bho bhuhëënë n‑ghento ke. Wiiki na niitu hangʼu hangʼu, ntokwëndëru toruusi obhuhöru bhwito gho ghiri e bhaghëndi bhiito.

1 Yohana 3:24

Omooto wowoose uno aghosooka emeghiro ghe Ryobha, naanyi no obhumu naryo. Eryobha ryose ndeenyi haghirohamu nawe. Ntweche kubha Eryobha ndeenyi haghirohamu na niitu, gho kubha ntoonyi na Akörö Ahörëëru ino retoheere.

1 Yohana 4:7

Abhasiighani bhaane, tosiighane, gho kubha obhosiighi mbookoru kwo Waryobha. Omooto wowoose uno asiighiri mughëndi waache, n‑omoona o Ryobha, wiiki niwe aryeche Eryobha.