1 Yohana 4:12 - Eriiraghano Eriihë

¹² Taanyi‑ho wowoose uno arerooche Eryobha naabha. Amare torasiighana, nekwërëki kubha Eryobha ndeenyi no obhumu na niitu, obhosiighi bhooche mbohikeriine ghokwito.

1 Yohana 4:12 ပူးပေါင်းရင်းမြစ်များ

Yohana 1:18

Taanyi‑ho omooto wowoose uno arerooche Eryobha. Amare n‑Omoona omwene chiri, uno anyi Eryobha, wiiki naanyi haghirohamu na Taata Waryobha, niwe atohunyuriire Eryobha kinya reenyi.

1 Abhakorinto 13:13

Mbe, ibheere, ebheghiro bhino bhitato bhetaaghosira, obhokumi, na amiitëngʼërö no obhosiighi. Na mo‑bhino, egheghiro eghekoro ghokera bhyose n‑obhosiighi.

1 Timotewo 1:17

Eryobha niryo Omutëmi o miishe ghyose, retaaghoku, koru retaakorighibhu, na retaanyi‑ho erende kinya iryo. Eryobha resongʼaane asooko na ghoghongibhu, emiishe ne emiishe. Hawubhaabha.

1 Timotewo 6:16

Eryobha eryene chiri niryo retaaghoku, ndikeere mo‑bhwero bhuno omooto taaghotora kobhwishukerera. Wiiki taanyi‑ho omooto uno arerooche, koru uno aghotora korerighi. Iryo resongʼaane asooko na changuru emiishe ghyose. Hawubhaabha.

Abheebhuraaniya 11:27

Obhokumi ꞉mbuuköriri Musa akaru mo‑se e Miisiri, ino ataaghotiina ghukarara kwo mutëmi. ꞉Naaghumeriiri gho kubha naare kinya akorerighi Eryobha rino retaakorighibhu.

1 Yohana 2:5

Amare uno aghosooka angʼana yaache, hëënë nasiighiri Eryobha. Hangʼu nibhu tokumënya kubha ntoonyi no obhumu ne Eryobha.

1 Yohana 3:24

Omooto wowoose uno aghosooka emeghiro ghe Ryobha, naanyi no obhumu naryo. Eryobha ryose ndeenyi haghirohamu nawe. Ntweche kubha Eryobha ndeenyi haghirohamu na niitu, gho kubha ntoonyi na Akörö Ahörëëru ino retoheere.

1 Yohana 4:16

Ibheere, itu ntweche na ghokumi kubha Eryobha ndetosiighiri. Eryobha n‑obhosiighi. Wowoose uno anyi no obhosiighi, niwe anyi no obhumu ne Eryobha, Eryobha ryose ndeenyi no obhumu nawe.

1 Yohana 4:20

Aribha omooto wowoose aghosiikëra kubha nasiighiri Eryobha ino amurëghiri mughëndi waache, m‑mobhiihi. Ntweche m‑mobhiihi gho kubha, omooto uno atasiighiri mughëndi waache uno akomorighi kwo miisho, taaghotora koresiigha Eryobha rino ataakorerighi.

1 Yohana 4:6

Amare itu n‑abhaato bha Ryobha toonyi. Wowoose uno aryeche Eryobha, naghotutëghëërëra, amare uno ataanyi o Ryobha, taaghotutëghëërëra. Hangʼu niho tokumënya obhwahukani bho bhaato bhano bhaghukangatu na Akörö e hëënë, na bhano bhaghukangatu na akörö e bhuröngö.