1 Yohana 3:3 - Eriiraghano Eriihë

³ Omooto wowoose uno aghwitëngʼëra kubha naghotuubhaana na Kirisito, iyeri abhe mutööbhiyu, kinya bhuno Kirisito omwene anyi mutööbhiyu.

1 Yohana 3:3 ပူးပေါင်းရင်းမြစ်များ

Mataayo 5:48

Mbe, mubhe bhaghöröröku kinya bhuure Taata waanyu uno anyi Mwishaaro anyi mughöröröku.

Ruuka 6:36

“Moghwere bheghongi abhande, kinya Taata wiito ahaaghwera bheghongi abhaato.

Yohana 17:19

ˆNeghiitoora ghokuhökëri iye gho ghiri yaabho, kubha nabho bhatooru ghokoocho mo‑bhuhëënë.

Amaköri gha Bhatomu 15:9

Mbe, Eryobha retaaköriri obhwahukani ghate yaabho na niitu, gho kubha bhoose n‑gho nchëra iyo iyo e komokumi Yesu niyo yeeriri emetema gheebho.

Abharuumi 15:12

Koru omurööti Isaaya woose ꞉naabhughiri kubha, “Omooto umu, koru mo‑rwibhoro ro Yeese nakuucha, nawe naghukangata amatöngö ghoose. Na abhaato bha matöngö ghoose, mbakomwitëngʼëra kubha iwe nakobhatoori.”

2 Abhakorinto 7:1

Ibheere, abhasiighani bhaane, Eryobha ndeturaghiri amangʼana ghayo ghoose, gho ghayo twiyeri mo‑ghoose ghano ghaghotuköra kubha abhaghonchu mo‑mebhere na mo‑metema ghiito. Tubhe abhatööbhiyu kwo mangʼana ghoose gho nchëra e koresooka Eryobha.

Abhakorosaayi 1:5

Obhokumi no obhosiighi bhoonyu, mbookoru mo‑riitëngʼërö reenyu kubha moghosongʼaana orubhango runo Eryobha retotooriire Mwishaaro. ꞉Mooghwire amangʼana gha riitëngʼërö riyo ekimbërë eriibhagha ꞉muuraghaniiru angʼana e hëënë e Ngʼana Anchömu.

2 Abhatesaronike 2:16

Taata wiito Waryobha natosiighiri, na gho ghareeya yaache aghatughambisani emiishe ghyose na ghotuha amiitëngʼërö amachömu. Iwe ntokomusabha, haghirohamu no Omutëmi wiito Yesu Kirisito kubha,

Tiito 3:7

꞉Ndiiköriri hangʼu, na ghotubhara kubha m‑bha bhuhëënë gho nchëra e ghareeya yaache, kubha tubhönë ghughabha obhuhöru bho miishe ghyose, kebhuno toghwitëngʼëra.

Abheebhuraaniya 12:14

Mbe, mwiköngʼi kumanya kwo murëmbë na abhaato bhoose. Wiiki mwiköngʼi kubha abhatööbhiyu mo‑riimanya reenyu gho kubha taanyi‑ho omooto uno aghotora komorighi Omutëmi ino ataanyi omutööbhiyu.

Abheebhuraaniya 6:18

Erabha Eryobha ndirahiiri na komuraghera, retaaghugharura naabha gho kubha iryo retaanyi ibhiihi. Iryo ꞉ndiiköriri ebheghiro bhibhere hangʼu, kuraheri na kuragha, kubha retuhë omukörö itu bhano tungʼösiire ghokooche, tubhe na amiitëngʼërö gho ghaare ghakuucha ambërë yiito.

Abheebhuraaniya 7:26

Omuchaama Omokoro anga uyo nakwëndëru chwee ghokwito gho kubha iwe m‑Mutööbhiyu, na taanyi ni isörö, wiiki taaköriri amasari ghoghoose ghaare. Eryobha ndemwahwire koru mo‑bhaköri bha masari, rekamotiiri ghuye Mwishaaro.

Yakobho 4:8

Mubhe morariishukerera Eryobha, niho ryose, rekobhiishukerera inyu. Inyu bhano moonyi bha masari, motighe amasari ghaanyu na ghuköra amachömu, inyu bhano moonyi na amiihëëbhö abhere, ghate e Ryobha na ase, moritambane gho chaakörö cheenyu choose.

1 Bheetero 1:15

Eryobha rino ꞉reebhabherekiire, n‑itööbhiyu. Ibheere inyu bhoose mokwëndëru mubhe abhatööbhiyu mo‑ghoose ghano moghuköra,

1 Bheetero 1:3

Aghongibhu Waryobha, Taata o Mutëmi wiito Yesu Kirisito. Kurëngʼaana na changori cheeche chaaru, natwibhwire mara e kabhere gho nchëra e komoryoki Yesu Kirisito koru mo‑bhaku. Gho ghayo, ntobhwine eriitëngʼërö re bhuhöru.

2 Bheetero 1:4

Gho nchëra iyo, ndetoheere ebhihaano ebhekoro na bhe riighori, bhino ꞉reeturaghiire. Ebhihaano bhiyo, mbeghototoori koru mo‑bhobhe bho ghusari abhaato bhuno bhoonyi mo‑se, gho ghiri e miighombo amabhe. Wiiki mbeghototoori tubhe no obhughöötani bho simoka e Ryobha.

2 Bheetero 3:14

Gho ghayo abhasiighani bhaane, eriibhagha moghughanya orosiko ruure, mukörë ghwiköngʼi araacha kuucha abhönë moonyi no omukörö mwero motaanyi ne eriisari ambërë e Ryobha, na mubhe no omurëmbë.

1 Yohana 2:6

Omooto uno akobhugha naanyi no obhumu ne Eryobha, nakwëndëru amanye kinya bhuure Yesu amanyiri.

1 Yohana 4:17

Gho nchëra iyo, obhosiighi bhooche mbohikeriine ghokwito, kubha tubhe no obhosubhesubhe orosiko ro ghoteneru ekiina. Ntookubha nabho gho kubha, eriimanya riito re mo‑se ino, ndetuubhiine ne eriimanya re Yesu.