1 Yohana 3:18 - Eriiraghano Eriihë

¹⁸ Abhaana bhaane abhasiighani, totabhasiigha bhaghëndi bhiito kwo mangʼana agheene, amare tosiighane kwo bhuhëënë gho nchëra e ghukörërana amachömu.

1 Yohana 3:18 ပူးပေါင်းရင်းမြစ်များ

Ruuka 7:5

gho kubha nasiighiri ase yiito. Niwe atwabhëkiire ne erisinaghooghi.”

Yohana 17:19

ˆNeghiitoora ghokuhökëri iye gho ghiri yaabho, kubha nabho bhatooru ghokoocho mo‑bhuhëënë.

Abharuumi 12:9

Mobhasiighe abhaghëndi kwo mukörö mwero. Motighe kimu ghuköra amabhe, amare mukörë amachömu eriibhagha ryose.

Abhagharatiya 5:13

Abhahiiri bhaane, Eryobha ndebhabherekiire kubha mubhe no obhohuuru. Amare motahökëri obhohuuru bhoonyu kinya omweya o ghutambana amiigha ghaanyu amabhe, amare musakerani kwo bhosiighi.

Abhaebheeso 4:15

Amare torabhoorerana obhuhëënë kwo bhosiighi, ntoghuköngʼa mo‑mangʼana ghoose na kohikera kubha kinya Kirisito, uno anyi omutu o riikanisa.

1 Abhatesaronike 1:3

Hano tookubha torabhasabhera o‑Taata wiito Waryobha, ntokohiita emeremo ghino muköriri kwo bhokumi. Ntokohiita ghwiköngʼi koonyu kuno ghokorwera mo‑bhosiighi bhoonyu, na kebhuno mwimeeriire mo‑bhokumi na kwo miitëngʼërö ghaanyu gha ghugharuka kwo Mutëmi wiito Yesu Kirisito.

1 Bheetero 1:22

Inyu mumanyiri kurëngʼaana na ameeghi gha hëënë ighoro e Yesu. Gho ghayo, emetema gheenyu ngyeghuru ni ibheere moghotora ghosiigha abhaghëndi bhaanyu kwo bhuhëënë. Mbe, mosiighane kwo mukörö mwero,

1 Yohana 2:1

Abhaana bhaane abhasiighani, ˆnekabhaandëkëra amangʼana ghayo, kubha motaköra amasari. Amare koru aribha omooto wowoose araköra amasari, ntughöötë uno aghotusabhera o‑Taata Waryobha, uyo niwe Yesu Kirisito, uno anyi obhuhëënë.

1 Yohana 3:7

Ibheere abhaana bhaane abhasiighani, motiishereri kubha omooto wowoose abharumeeri. Wowoose uno aghuköra gha bhuhëënë naanyi no obhuhëënë ambërë e Ryobha, kinya bhuno Kirisito anyi no obhuhëënë.

2 Yohana 1:1

Eni omugharuka o riikanisa, neghokwandëkëra iye omosubhaati omwahöru, haghirohamu na abhaana bhaacho bhano nesiighiri kwo bhuhëënë. Taanyi eni mwene hangʼu nebhasiighiri, koru na abhande bhano bheeche obhuhëënë, ibho bhoose mbabhasiighiri kwo hëënë.

3 Yohana 1:1

Eni omugharuka o riikanisa, neghokwandëkëra iye Ghaayo omosiighani waane, uno neghosiighiri kwo bhuhëënë.