1 Yohana 3:16 - Eriiraghano Eriihë

¹⁶ Mbe, Kirisito hano abhoruusiri obhuhöru bhooche gho ghiri yiito, natwërëkiri obhosiighi bho bhuhëënë n‑ghento ke. Wiiki na niitu hangʼu hangʼu, ntokwëndëru toruusi obhuhöru bhwito gho ghiri e bhaghëndi bhiito.

1 Yohana 3:16 ပူးပေါင်းရင်းမြစ်များ

Mataayo 20:28

Gho nchëra iyo iyo, eni uno neenyi Omoona o Mooto ntiichiri kuhökëru, amare niichiri nebhahökëri abhaato na koruusi obhuhöru bhoone kubha nebhatingori abhaato bhaaru.”

Yohana 10:11

“Eni n‑omoriishi omuhöriicho. Omoriishi omuhöriicho nakobhoruusi obhuhöru bhooche gho ghiri e changʼöndu cheeche.

Yohana 10:15

kinya bhuno Taata anyeche eni, na neeni nemweche. Na neeni nekobhoruusi obhuhöru bhoone, gho ghiri e changʼöndu cheene.

Yohana 13:34

Ibheere nekobhaha omoghiro omuhë, ‘Mosiighane. Kinya bhuno eni nebhasiighiri inyu, hangʼu hangʼu na niinyu mosiighane.’

Yohana 3:16

Mbe, gho kubha Eryobha ꞉ndeebhasiighiri abhaato bhoose bha mo‑se ino, koru rekamoruusi Omoona waache omwene chiri, kubha omooto wowoose uno akomokumi atarumëëra, amare abhe no obhuhöru bho miishe ghyose.

Amaköri gha Bhatomu 20:28

Akörö Ahörëëru nebhatooriri mubhe abhiimeerereri bha bhaato bhaache. Gho ghayo, mubhe moriichonga inyu bheene, mubhe morachonga ne eriikanisa reeche, gho kubha eriikanisa riyo, Eryobha ndereghoriri kwo masaahë gha Moona waache kobhatoori.

Abharuumi 16:4

Abhaato bhayo ꞉mbiiruusiri ghoku gho ghiri yaane. Mbarëngʼaaniire ghwitabheru, taanyi eni mwene uno nekobhiitabheri, koru abhaato bhoose bha matöngö mo‑makanisa ghoose, mbakobhiitabheri chwee.

Abharuumi 5:8

Amare Eryobha ndetwërëkiri kubha ndetosiighiri chwee, gho komoruusi Kirisito aku gho ghiri yiito, hano itu toore tokeere abhaköri bha masari.

2 Abhakorinto 4:12

Mbe, itu ntoonyi mo‑tabhaaribhaari e roko, amare gho kohetera ghayo inyu mokubhöna obhuhöru.

Abhaebheeso 5:2

Mumanye eriimanya re bhosiighi, kinya bhuure Kirisito ꞉atosiighiri itu, akiiruusi aghaku gho ghiri yiito, akabha kinya eriruusi re keneeso ghichömu kino ghekoretegheri Eryobha.

Abhaebheeso 5:25

Na niinyu abhasubhe, mubhe morabhasiigha abhakari bhaanyu, kinya Kirisito ꞉aresiighiri eriikanisa, akiiruusi omwene gho ghiri e riikanisa.

Abhabhiribhi 2:17

Koru erabha obhuhöru bhoone bhoraruusibhu kinya amaruusi gha kunywebhu, haghirohamu no obhokumi bhoonyu bhuno bhoghuköru amaruusi ambërë e Ryobha, eni neghuchömëru, oghuchömëru kuyo ngoghusanga haghirohamu na niinyu bhoose.

Abhabhiribhi 2:30

gho kubha ꞉naatingʼiri ghoku gho ghiri e meremo ghe Kirisito. Wiiki ꞉naatingʼiri kwirëëtëra atabhaaribhaari mo‑bhuhöru bhooche kubha ahiki obhotoorereri bhuno inyu motaatoriri kobhohiki ghokoone gho kubha n‑kurë neere na niinyu.

1 Abhatesaronike 2:8

꞉Ntoobhasiighiri inyu chwee. Niho gho ghiri iyo, ꞉ntuuchömiiru teenyi gho kobhabhoorera Angʼana Anchömu e Ryobha okwene, amare wiiki na kwiruusi ghuköra ghoose ghano gharëngʼaaniire kobhasakeri, gho kubha mahëënë m‑bhasiighani bhiito moonyi.

Tiito 2:13

Tughöötë amangʼana ghano, toraghanya na ghwitëngʼëra orosiko ruure oruchömu ro ghugharuka kwo Kirisito Yesu. Orosiko ruyo nakorighibhu mo‑bhokumi bhooche obhokoro. Iwe niwe Eryobha riito Eriikoro no Omotoori wiito.

1 Bheetero 1:18

Inyu, moore mumanyiri kurëngʼaana na amaköri ghaanyu amabhe, kinya bhuno ꞉muughabhiri koru kwo bhasookoro bhaanyu. Ibheere mumënyë kubha, Eryobha retabhatooriri inyu koru mo‑ghano moore moraköra, gho kuhökëri ebheghiro bhino bhehaasarëka, kinya chambiiri na chasahaabhu.

1 Bheetero 2:24

Kirisito omwene ꞉niimokiri amasari ghiito mo‑mobhere waache ighoro e musarabha. ꞉Naaköriri hangʼu, kubha itu toku mo‑mangʼana gha amasari, amare tubhe abhahöru mo‑mangʼana gha bhuhëënë. Na gho ghutëmu kooche, inyu muhöruru.

1 Bheetero 3:18

Kirisito woose nanyaakiru mara rimu hangʼu gho ghiri e masari, omooto omuhëënë gho ghiri e bhaato bhano bhataanyi abhahëënë, kubha atughöötani ne Eryobha. Omobhere ꞉wiituru, amare kwo bhotoro bho Akörö Ahörëëru ꞉naabhwine wiiki obhuhöru.

1 Yohana 2:6

Omooto uno akobhugha naanyi no obhumu ne Eryobha, nakwëndëru amanye kinya bhuure Yesu amanyiri.

1 Yohana 2:9

Omooto wowoose uno akobhugha kubha namanyiri mo‑bhwero, ino amurëghiri omokumi mughëndi waache, akeere amanyiri mo‑kengʼuuri.

Obhohunyurëru 1:5

na koru kwo Yesu Kirisito, ghibhe haghirohamu na niinyu. Uyo niwe omwibhateri omuhëënë. Niwe o mumbërë koryoka koru mo‑bhaku, kubha abhe omukangati o bhatëmi bhoose mo‑se. Yesu niwe atosiighiri aghatusaasura koru mo‑masari ghiito gho nchëra e masaahë ghaache.

Obhohunyurëru 5:9

Bhakamwembera Omoona o Ngʼöndu omwembo omuhë uno ore orabhugha, “Iye nokurëngʼaanera kwimoki eghitabhu kiyo, na kunaanura emehuuri gheeche ghe nyaghame, gho kubha iye ꞉noosinchuru. Amasaahë ghaacho, ghakareghorera Eryobha abhaato bha matöngö ghoose, na bha bhighambo bhyose, na abhahiiri bhoose na chaase choose.