1 Yohana 3:10 - Eriiraghano Eriihë

¹⁰ Amare omooto uno ataaghuköra gha hëënë, hamu uno atamosiighiri mughëndi waache, uyo taanyi omoona o Ryobha. Hangʼu niho tokumënya obhwahukani bho bhaana bha Ryobha, na abhaana bha Rishambu.

1 Yohana 3:10 ပူးပေါင်းရင်းမြစ်များ

Mataayo 13:38

Omoghondo wuure notuubhiine na ase, chambusuro inchömu chiire nchetuubhiine na abhaato bha bhutëmi bho Ryobha. Amare eghetoki kiire ngetuubhiine na abhaato bha mobhisa wuure.

Ruuka 6:35

“Amare inyu, mobhasiighe abhabhisa bhaanyu, mobhatoori, mobhahë asiire, motiitëngʼëra kubha mbakobhagharokeri. Moraköra hangʼu niho mokubhöna atuho inkoro, na kubha abhaana bha hëënë bha Waryobha Omokoro o Bhyose. Gho kubha, Eryobha ndeghusakëri koru bhaare bhataakoriitabheri, na abhaköri bha mabhe.

Yohana 1:12

Amare bhoose bhano ꞉bhaamosongʼaaniri na komokumi, ꞉naabhaheere obhotoro bho kubha abhaana bha Ryobha.

Yohana 11:52

Wiiki Yesu taaghoku gho ghiri e ritöngö riyo eryene chiri, amare kubha abhakome abhaana bha Ryobha bhano bhasanchiri, kubha bhabhe haghirohamu.

Yohana 8:44

Inyu n‑abhaana bhi iso waanyu Erishambu, wiiki mokwënda ghuköra ghano taata waanyu aghwighomba. Erishambu n‑diiti korwera kare, wiiki retasiighiri kwimeerera mo‑bhuhëënë gho kubha, obhuhëënë bhotaanyi mo‑motema waache. Aribha Erishambu rekobhugha obhuröngö, iyo n‑atëëmö yaache gho kubha iryo n‑iröngö wiiki n‑taata o bharöngö bhoose.

Yohana 8:47

Uno anyi o Ryobha nahaatëghëërëra amangʼana ghaache. Inyu motaaghutëghëërëra ghano Eryobha rekobhugha gho kubha inyu taanyi abhaato bha Ryobha moonyi.”

Amaköri gha Bhatomu 13:10

“Iye omoona o Rishambu! Iye n‑omobhisa o ghoose ghano ghaanyi gha hëënë ambërë e Ryobha! Wichwire obhuröngö, nubheere orangʼiina abhaato kwo bhongʼiini na totighiri kobhusa amangʼana gha Mutëmi gha hëënë kubha obhuröngö!

Abharuumi 13:8

Motabha na asiire yoyoose no omooto, amare asiire ino moonyi nayo n‑e ghosiighana okwene. Uno amosiighiri omughëndi waache, uyo niwe akohikeerani emeghiro ghe Ryobha.

Abhaebheeso 5:1

Mbe, gho kubha inyu n‑abhaana bha Ryobha moonyi bhano resiighiri, mweghe asughara na amaköri ghaache.

Abhakorosaayi 3:14

Ghokera ghayo ghoose mosiighane, gho kubha, obhosiighi nibho bhokobhaghöötani inyu mo‑bhumu bhuno bhohikeriine.

1 Timotewo 1:5

Ekebhune ke meeghi ghiito n‑kubha, abhakumi bhasiighane kwo mukörö mwero, na kwo mënda machömu no obhokumi bho hëënë.

1 Yohana 2:29

Mweche kubha Kirisito n‑o bhuhëënë, gho ghayo, mumënyë kubha wowoose uno aghuköra gha bhuhëënë, niwe omoona o Ryobha.

1 Yohana 3:1

Mbe, morighi kebhuno Taata Waryobha atosiighiri chwee, kubha itu tobherekeru abhaana bhaache! Mahëënë hangʼu toonyi. Abhaato bhano bhataakoresooka Eryobha bhateeche kubha itu n‑abhaana bha Ryobha toonyi, gho kubha bhataryeche iryo.

1 Yohana 3:2

Abhasiighani bhaane, ibheere itu n‑abhaana bha Ryobha, amare timënyuru haheero bhuno tookubha. Koru hangʼu ntweche kubha eriibhagha rino Kirisito aghugharuka wiiki, ntoghotuubhaana nawe, gho kubha ntokomorighi kinya anyi.

1 Yohana 4:21

Mbe, Eryobha ndetoheere omoghiro kubha wowoose uno asiighiri Eryobha, nakwëndëru komosiigha mughëndi waache.

1 Yohana 4:6

Amare itu n‑abhaato bha Ryobha toonyi. Wowoose uno aryeche Eryobha, naghotutëghëërëra, amare uno ataanyi o Ryobha, taaghotutëghëërëra. Hangʼu niho tokumënya obhwahukani bho bhaato bhano bhaghukangatu na Akörö e hëënë, na bhano bhaghukangatu na akörö e bhuröngö.

1 Yohana 4:8

Amare wowoose uno atasiighiri mughëndi waache, taryeche Eryobha, gho kubha Eryobha n‑obhosiighi.

1 Yohana 5:19

Ntweche kubha itu n‑abhaana bha Ryobha toonyi, na abhaato bha se bhano bhataaghokumi Eryobha mbaghukangatu ne Erishambu.

1 Yohana 5:2

Ntweche kubha ntobhasiighiri abhaana bha Ryobha, hano tokoresiigha Eryobha, na ghosooka emeghiro gheeche.

3 Yohana 1:11

Ibheere Ghaayo, omosiighani waane, oteegha amabhe, amare weeghe amachömu. Wowoose uno aghuköra amachömu, uyo n‑omoona o Ryobha. Amare uno aghuköra amabhe, uyo taryeche Eryobha.