1 Yohana 2:8 - Eriiraghano Eriihë

⁸ Wiiki omoghiro uno nekobhaandëkëra m‑muhë. Obhuhëënë bhooche mboroochiibhu mo‑tëëmö e Yesu Kirisito, na mo‑chatëëmö cheenyu, gho kubha ekengʼuuri ngekoheta, no obhwero bho bhuhëënë mbumariri kurëngaari.

1 Yohana 2:8 ပူးပေါင်းရင်းမြစ်များ

Mataayo 4:16

Abhaato bhano bhaare bhamanyiri mo‑kengʼuuri, mbarooche emirëngaari mekoro, na bhano bhamanyiri mo‑kiriiri ke roko, emirëngaari ngebharëngaariri.”

Ruuka 1:79

na ghotomorekera bhano tumanyiri mo‑kengʼuuri, na bhano twangiire mo‑kiriiri ke roko. Ndeghotukangata, tubhe toraheta mo‑nchëra e murëmbë.”

Yohana 1:9

Uyo niwe obhwero bho hëënë, nakurëngaareri omooto woose, naare ichiri mo‑se.

Yohana 12:35

Yesu akabhabhoorera akabhugha, “Obhwero mboonyi haghirohamu na niinyu kwo riibhagha ighuhe hangʼu. Mughëndë mo‑bhwero bhuyo eriibhagha bhokeere bhoonyi‑ho, kubha ekengʼuuri ghetaacha kobhakinda. Omooto uno aghughënda mo‑kengʼuuri teeche hano aghuye.

Yohana 12:46

Eni niichiri mo‑se ino kinya obhwero, kubha omooto woose uno aghonkumi atighe kubha mo‑kengʼuuri.

Yohana 13:34

Ibheere nekobhaha omoghiro omuhë, ‘Mosiighane. Kinya bhuno eni nebhasiighiri inyu, hangʼu hangʼu na niinyu mosiighane.’

Yohana 8:12

Mbe, Yesu akëëndërëra ghosiikëra wiiki ne erikinda riire akabhugha, “Eni neeni obhwero bho se. Omooto wowoose uno aghuntambana eni, taaghughënda mo‑kengʼuuri naabha, amare naakubha no obhwero bhuno bhokomukangata mo‑bhuhöru bho miishe ghyose.”

Amaköri gha Bhatomu 17:30

Hayo kare, abhaato mbaare bharaköra ghayo kwo bhuraghaanu, Eryobha ndeere reriiköri kinya retaaghogharighi, amare ibheere, ndekobhabhoorera abhaato bhoose bha ahaghiro hoose kubha bhatuukuune.

Amaköri gha Bhatomu 26:18

gho ghiri obhahunyure amiisho, mbagha bharu mo‑kengʼuuri bhiigharurere obhwero, na bharu mo‑bhukangati bho Rishambu, bhiigharurere Eryobha. Hangʼu niho bhakwabhëru amasari ghaabho, mbaakubha haghirohamu na abhande bhoose bhano bhamusuru gho nchëra e ghonkumi.’

Abharuumi 13:12

Ibheere, obhotiko ˆbhokiihereekerera na amake ˆghaghatingʼi. Gho ghayo, totighe amaköri amabhe ghano ghahaaköru mo‑kengʼuuri, na tughöötë ebhiröönërö bhe bhwero.

2 Abhakorinto 8:9

Ghokera ghayo, mweche kinya bhuno Omutëmi wiito Yesu Kirisito abhaheere aghareeya yaache. Nangabha are omwame, aghiiköri kubha muhabhe gho ghiri yaanyu, kubha gho nchëra e bhuhabhe bhooche, inyu mubhe abhaame.

Abhaebheeso 5:8

Ekeenyuma hayo, inyu moore mo‑kengʼuuri, amare ibheere, gho ghughöötana koonyu no Omutëmi Yesu mumanyiri mo‑bhwero. Mbe, ibheere, mumanye kinya abhaato bhano bhaanyi mo‑bhwero!

2 Timotewo 1:10

Amare ibheere, ndyërëkiri aghareeya yaache ghokwito, gho kuucha gho Kirisito Yesu Omotoori wiito. Iwe nakindiri changuru che roko, na nëërëkiri obhuhöru bho miishe ghyose gho nchëra e Ngʼana Anchömu.

1 Bheetero 1:21

Kohetera gho Kirisito, mokorekumi Eryobha, rino remoryokiri koru mo‑bhaku na komuha obhokumi obhokoro. Gho ghayo, mokomokumi na koriitëngʼëra Eryobha.

1 Yohana 3:23

Omoghiro waache niwe uno, kubha tomokumi Omoona waache, Yesu Kirisito, na ghosiighana, kinya bhuno ꞉aturagheriiri.

1 Yohana 4:11

Abhasiighani bhaane, aribha Eryobha ndetosiighiri itu hangʼu, nekwëndëru na niitu tosiighane.

1 Yohana 4:21

Mbe, Eryobha ndetoheere omoghiro kubha wowoose uno asiighiri Eryobha, nakwëndëru komosiigha mughëndi waache.