1 Yohana 2:6 - Eriiraghano Eriihë

⁶ Omooto uno akobhugha naanyi no obhumu ne Eryobha, nakwëndëru amanye kinya bhuure Yesu amanyiri.

1 Yohana 2:6 ပူးပေါင်းရင်းမြစ်များ

Mataayo 11:29

Mwibhöhërë achooki yaane, mweghe ghokoone mbagha hano nekobhasakeri kubha no omurëmbë mo‑metema gheenyu, gho kubha eni m‑muhörëëru wiiki m‑munyööhu neenyi mo‑körö.

Yohana 13:15

Nëbhëërëkiri eghetuubhaani kubha na niinyu mukörërane kinya eni nebhaköriire inyu.

Yohana 15:10

Aribha moraghööta amaraghereri ghaane, mokwëndërëra ghwikara mo‑bhosiighi bhoone, kinya bhuure eni nighöötiri amaraghereri gha Taata waane na ghwikara mo‑bhosiighi bhooche.

1 Abhakorinto 11:1

Mbe, moonyeghe eni, kinya bhuno eni nemweghiri Kirisito.

Abhaebheeso 5:2

Mumanye eriimanya re bhosiighi, kinya bhuure Kirisito ꞉atosiighiri itu, akiiruusi aghaku gho ghiri yiito, akabha kinya eriruusi re keneeso ghichömu kino ghekoretegheri Eryobha.

1 Bheetero 2:21

Eryobha ndebhabherekiire kwo bhoghumereri bhuyo, gho kubha koru Kirisito omwene nanyaakiru gho ghiri yaanyu. Gho ghuköra hangʼu, akabhatighera eghetuubhaani, kubha mubhe moramwegha.

1 Yohana 2:28

Ibheere abhaana bhaane abhasiighani, mwëndërërë kubha no obhumu na Kirisito, kubha araacha korighibhu wiiki, tubhe no obhosubhesubhe ambërë yaache, totiibhisa gho chaasoni.

1 Yohana 2:4

Wowoose uno akobhugha naanyi no obhumu ne Eryobha, ino taaghosooka emeghiro gheeche, m‑muröngö, tabhweche obhuhëënë.

1 Yohana 3:24

Omooto wowoose uno aghosooka emeghiro ghe Ryobha, naanyi no obhumu naryo. Eryobha ryose ndeenyi haghirohamu nawe. Ntweche kubha Eryobha ndeenyi haghirohamu na niitu, gho kubha ntoonyi na Akörö Ahörëëru ino retoheere.

1 Yohana 3:6

Ibheere uno akwëndërëra kubha no obhumu na Kirisito, taakwëndërëra ghuköra amasari. Uno akwëndërëra ghuköra amasari, teeche kubha Kirisito n‑niwe.

1 Yohana 4:17

Gho nchëra iyo, obhosiighi bhooche mbohikeriine ghokwito, kubha tubhe no obhosubhesubhe orosiko ro ghoteneru ekiina. Ntookubha nabho gho kubha, eriimanya riito re mo‑se ino, ndetuubhiine ne eriimanya re Yesu.