1 Yohana 2:5 - Eriiraghano Eriihë

⁵ Amare uno aghosooka angʼana yaache, hëënë nasiighiri Eryobha. Hangʼu nibhu tokumënya kubha ntoonyi no obhumu ne Eryobha.

1 Yohana 2:5 ပူးပေါင်းရင်းမြစ်များ

Ruuka 11:28

Amare Yesu akabhugha, “Mbiitabhiiru chwee bhano bhakooghu angʼana e Ryobha na koyesooka!”

Yohana 14:21

Omooto wowoose uno aghosongʼaana amaraghereri ghaane na ghoghaghööta, uyo niwe ansiighiri. Omooto uno aghonsiigha, Taata nakomosiigha, na neeni nekomosiigha na kwiyërëkani ghokooche.”

Yohana 14:23

Yesu akamugharokeri akabhugha, “Omooto wowoose uno ansiighiri, naghughööta angʼana yaane. Taata waane nakomosiigha, wiiki eni na Taata ntookuucha ghokooche na ghwikara haghirohamu nawe.

Yohana 15:5

“Eni n‑omusabhiibhu, na niinyu n‑ebhihaghe. Omooto uno aghwikara moose yaane, na neeni moose yaache, uyo naakubha arasönga amakorobhese maaru, gho kubha aribha taanyi eni motaaghotora ghuköra ngʼana yoyoose.

Yohana 6:56

Omooto wowoose uno akurë omobhere waane na kunyo amasaahë ghaane naakubha arëëndërëra ghwikara moose yaane na neeni neghwikara moose yaache.

Abharuumi 8:1

Mbe, ibheere Eryobha retaakobharööna abhaato bhano bhaghöötiine na Kirisito Yesu.

1 Abhakorinto 1:30

Eryobha niryo rekobhaghöötani inyu na Kirisito Yesu. Iryo ndiköriri Kirisito abhe amangʼiini ghiito. Niko kobhugha kubha gho nchëra e Yesu ntobheere bha hëënë ambërë e Ryobha, na ntobheere abhatööbhiyu, wiiki ntoghotingoribhu.

2 Abhakorinto 5:17

Omooto wowoose uno akubha aghöötiine na Kirisito, naakubha omooto omuhë, gha kare ngahetiri, ibheere ngabheere amahë!

2 Abhakorinto 5:21

Kirisito taare na amasari ghoghoose, amare Eryobha ꞉ndeemubhariire amasari gho ghiri yiito, kubha itu tubhareru obhuhëënë ambërë e Ryobha gho kohetera ghokooche.

Yakobho 2:22

Nokorighi obhokumi bho Abhurahamu, mboore bhoraghe haghirohamu na amaköri ghaache, no obhokumi bhooche mbohikeriinu kwo maköri ghaache.

1 Yohana 3:24

Omooto wowoose uno aghosooka emeghiro ghe Ryobha, naanyi no obhumu naryo. Eryobha ryose ndeenyi haghirohamu nawe. Ntweche kubha Eryobha ndeenyi haghirohamu na niitu, gho kubha ntoonyi na Akörö Ahörëëru ino retoheere.

1 Yohana 4:17

Gho nchëra iyo, obhosiighi bhooche mbohikeriine ghokwito, kubha tubhe no obhosubhesubhe orosiko ro ghoteneru ekiina. Ntookubha nabho gho kubha, eriimanya riito re mo‑se ino, ndetuubhiine ne eriimanya re Yesu.

1 Yohana 4:18

Omooto uno anyi no obhosiighi taanyi na ahaho. Amare obhosiighi bho hëënë mbohaaruusi ahaho yoose, gho kubha ghoteneru ekiina niko ghokobhaköra abhaato bhahahe. Omooto uno anyi na ahaho, obhosiighi bho Ryobha bhotahikeriine moose yaache.

1 Yohana 5:2

Ntweche kubha ntobhasiighiri abhaana bha Ryobha, hano tokoresiigha Eryobha, na ghosooka emeghiro gheeche.

1 Yohana 5:20

Wiiki ntweche kubha Omoona o Ryobha namariri kuucha, natoheere obhongʼiini, kubha torimënyë Eryobha re hëënë. Ntoonyi no obhumu ne Eryobha re hëënë, gho nchëra e kubha no obhumu no Omoona waache Yesu Kirisito. Rino niryo Eryobha re hëënë, no obhuhöru bho emiishe ghyose.

2 Yohana 1:6

Ghosiighana n‑kwëndërëra ghosooka emeghiro ghe Ryobha. Omoghiro uno ꞉mooghwire korwera hano mokumiri n‑kubha, mumanye kwo bhosiighi.

Obhohunyurëru 12:17

Oghuchöka ghuyo ghokamukararera chwee omukari uyo, ghooghaye kurööna na abhaana bhaache abhande bhano bhasaaghiri mo‑se. Abhaana bhayo nibho bhano bhaghosooka emeghiro ghe Ryobha na koruusi obhwibhateri ighoro Yesu.

Obhohunyurëru 14:12

Ibheere abhatööbhiyu mbakwëndëru bhaghumereri. Bhayo nibho bhaghöötiri emeghiro ghe Ryobha na komokumi Yesu.