1 Yohana 2:16 - Eriiraghano Eriihë

¹⁶ Amabhe gha mo‑se ino nigho ghano, amiigha amabhe gha mobhere, ne eriihari re ghwighomba ghyokyose kino okorighi, na kwihachera obhwame. Chatëëmö chino chetaakoru o‑Taata Waryobha, amare nchekorwera mo‑se ino.

1 Yohana 2:16 ပူးပေါင်းရင်းမြစ်များ

Mataayo 4:8

Rekamara, Erishambu rekamwimoki Yesu reeghaye nawe ighoro arososooni ro gheghoro kire, rekamwërëki obhutëmi bhoose bho chaase choose no obhwame bhooche,

Mataayo 5:28

Amare eni ˆnekabhabhoorera kubha, omooto wowoose uno akomumööhërëri omukari gho komwighomba, namariri ghutaara nawe mo‑körö yaache.

Ruuka 4:5

Rekamara, Erishambu rekamohira Yesu ahaghiro hano haanyi ighoro chwee. Hayo hayo rekamwërëki obhutëmi bhoose bho chaase choose.

Abharuumi 13:14

Amare ibheere, mo‑riimanya reenyu ryose, mubhe morakangatu no Omutëmi Yesu Kirisito. Motiishereri koru hasuuhu ghukangatu na simoka yaanyu e masari moratambana amiigha ghaanyu amabhe.

1 Abhakorinto 10:6

Mbe, amangʼana ghayo ghoose n‑ebhetuubhaani ghokwito, kubha totabha toriighomba amabhe, kinya bhuno ibho ꞉bhaare bhariighomba amabhe.

Abhagharatiya 5:17

Nekobhabhoorera hangʼu, gho kubha bhyose bhino amiigha ghaanyu amabhe ghaghwighomba, bhetaanyi kinya bhuno Akörö Ahörëëru ekwënda, na bhuno ekwënda, taanyi kinya bhuno amiigha ghaanyu ghaghwighomba. Akörö Ahörëëru na amiigha amabhe bhetaaghukangatani haghirohamu, gho ghiri iyo motaaghotora ghuköra ghyokyose kino mokwënda.

Abhagharatiya 5:24

Abhaato bhano bhaghöötiine na Kirisito Yesu, bhatahakangatu na simoka yaabho e masari haghirohamu na amiigha ghaabho amabhe. N‑kinya bhamambiri simoka yaabho e masari mo‑musarabha o Yesu.

Abhaebheeso 2:3

Hayo kare koru itu bhoose ntoore kinya ibho, ntumanyiri gho ghutambana amiigha gha simoka yiito e masari, na ghuköra amangʼana ghano ꞉ghaare gharachömëri omobhere na amiihëëbhö ghiito. ꞉Ntwibhwiru na atëëmö e masari kinya abhaato abhande, gho ghayo, Eryobha ndeere retukarariire na nturëngʼaaniire kuhaabhu anchagho.

Tiito 2:12

Aghareeya iyo, neghotweghi kwanga amabhe na amiigha gha mo‑se. Gho ghayo, eriibhagha tokeere mo‑se ino, tubhe ne ekirëngërë, na abhahëënë, na tubhe abhaato bhano bhamanyiri eriimanya rino Eryobha rekwënda.

Tiito 3:3

Koru itu bheene eriibhagha riire toore tokeere komokumi Yesu, ntoore bharaghaanu, na abhiigharori, wiiki ntongʼiinuru chwee. Ntoore abhasësë bha miigha amabhe gha manga maaru gha se ino. Eriimanya riito ndeere re bhobhe ne eriihari. Abhaato mbaare bhaturëghiri, na niitu ntoore tobharëghiri.

Yakobho 3:15

Amangʼiini ghanga ghayo, ghataakoru kwo Waryobha, amare n‑amangʼiini amabhe ghano ghakorwera mo‑se, na mo‑chaasughara che bhaato na mo‑Rishambu.

Yakobho 4:16

Amare inyu ibheere, mokwihacha na kwirighi kubha moonyi no obhotoro. Okwihacha konga kuyo, n‑kobhe.

1 Bheetero 1:14

Inyu n‑abhaana bha Ryobha moonyi. Ibheere moresooke, motiishereri ghutambana wiiki amiigha ghano moore nagho hayo ekeenyuma, eriibhagha riire moore mokeere korimënya Eryobha.

1 Bheetero 2:11

Abhasiighani bhaane, inyu m‑bhaghëni moonyi na abhaheti mo‑se ino. Gho ghayo nekobhasasaama kubha, motiishereri amiigha ghaanyu amabhe, ghano ghaghokindana na niinyu, ghabhakinde.

2 Bheetero 2:10

ahanene mo‑bhano bhaghutambana amiigha amabhe gha mobhere na ghutaraaha obhotoro bho Ryobha. Abhaato bhayo mbaanyi na atëëmö e rihakaana no obhwihachi, koru bhataaghotiina ghotoka bhamarayika.

2 Bheetero 2:18

Mbaghosiikëra amangʼana gha bhwihachi na ghano ghataanyi ne ekebhune, na gho ghutambana amiigha ghaabho amabhe gha mobhere mbahaatëgha abhaato bhano bhakumiri kwo riibhagha ighuhe, na ghutaana na abhaato bhano bhikareriire obhobhiihi.