1 Yohana 2:13 - Eriiraghano Eriihë

¹³ Nabhaandëkiire bhataata, gho kubha momweche Yesu Kirisito, uno are‑ho korwera simoka. ˆNekabhaandëkëra abhabhureni, gho kubha morekindiri Erishambu. Nabhaandëkiire inyu abhaana, gho kubha momweche Taata Waryobha.

1 Yohana 2:13 ပူးပေါင်းရင်းမြစ်များ

Mataayo 11:27

Yesu akëëndërëra kweghi abhaato bhayo arabhugha, “Taata waane, namariri ghotoora ghoose mo‑mabhökö ghaane. Wiiki taanyi‑ho uno amweche Omoona, n‑Ishe omwene. Koru taanyi‑ho uno amweche Ishe, n‑Omoona omwene, na wowoose uno Omoona akwënda komohunyurera.

Mataayo 13:19

Omooto wowoose uno akooghu angʼana e bhutëmi bho Ryobha amare atayimënya, Erishambu ndekuucha na koyisara angʼana ino Eryobha ryemiri mo‑motema waache. Omooto uyo natuubhiine na chambusuro chino ꞉cheeghweriire mo‑nchëra.

Mataayo 13:38

Omoghondo wuure notuubhiine na ase, chambusuro inchömu chiire nchetuubhiine na abhaato bha bhutëmi bho Ryobha. Amare eghetoki kiire ngetuubhiine na abhaato bha mobhisa wuure.

Mataayo 5:37

Aribha angʼana enyi hëënë ibhe hëënë. Hamu aribha tiyaanyi ibhe tiyaanyi, gho kubha ghano ghaghokera ghayo, ngakoru kwo Rishambu, omobhisa wuure.

Ruuka 10:22

Akamara akabhabhoorera, “Taata waane, namariri ghotoora ghoose mo‑mabhökö ghaane. Wiiki taanyi‑ho uno amweche Omoona, n‑Ishe omwene. Koru taanyi‑ho uno amweche Ishe, n‑Omoona omwene, na wowoose uno Omoona akwënda komohunyurera.”

Yohana 14:7

Erabha mongamënyiri eni, mongamumënyiri na Taata waane. Korwera ibheere, momweche, wiiki momorooche.”

Yohana 14:9

Yesu akamugharokeri akabhugha, “Bhiiribho, nibheere haghirohamu na niinyu chaasiko chino choose, iye okeere kuumënya eni? Omooto wowoose uno andooche eni, namorooche Taata. Mbe, ngwake okomboori kubha, ‘Otwërëki Taata’?

Yohana 16:3

Mbakobhakörëra hangʼu, gho kubha bhatamweche Taata, wiiki bhatanyeche eni.

Yohana 16:33

Nebhughiri ghayo ghoose kubha mubhe no omurëmbë mo‑metema gheenyu, gho kubha moonyi moose yaane. Mo‑se muno mokubhöna anyaako yaaru, amare mwitoore omukörö gho kubha eni neyekindiri ase.”

Yohana 17:21

Neghusabha kubha bhayo bhabhe egheghiro kimu. Taata, neghusabha bhabhe moose yiito, kinya bhuno iye onyi moose yaane, na neeni neenyi moose yaacho. Neghusabha kubha bhabhe egheghiro kimu, kubha abhaato bha mo‑se bhatore ghwishereri kubha n‑iye ontomiri.

Yohana 17:3

Obhuhöru bho miishe ghyose nibho bhuno, abhaato bhakumënyë iye mwene uno onyi Eryobha re hëënë, wiiki bhamënyë eni Yesu Kirisito, uno ontomiri.

Yohana 8:19

Niho Amabharisaayo bhakamobhoori Yesu bhakabhugha, “Kana, Iso hayi anyi?” Yesu akabhagharokeri akabhugha, “Inyu motanyeche eni, koru Taata waane motamweche. Erabha mongamënyiri eni, mongamumënyiri na Taata waane woose.”

2 Abhakorinto 4:6

Eryobha rino ꞉reebhughiri kubha, “Obhwero bhurëngaari mo‑kengʼuuri,” niryo riyo rirëngaariri mo‑metema ghiito, na ghotuköra tumënyë obhokumi bhooche obhokoro bhuno bhokurëngaari mo‑bhosho bho Yesu Kirisito.

1 Timotewo 5:1

Otareghesi abhagharuka, amare obharwache kinya okorwacha iso. Abhabhureni obharwache kinya bhaömöönyu,

Tiito 2:6

Koru abhabhureni, obhatöngërë bhabhe ne ekirëngërë.

1 Yohana 1:1

Ntokobhaandëkëra angʼana ighoro e uno anyi Angʼana e bhuhöru, uno are‑ho korwera simoka. Itu ꞉ntoomooghwire na komorighi kwo miisho ghiito abheene, ꞉ntoomorooche na komoturi na amabhökö ghiito.

1 Yohana 2:1

Abhaana bhaane abhasiighani, ˆnekabhaandëkëra amangʼana ghayo, kubha motaköra amasari. Amare koru aribha omooto wowoose araköra amasari, ntughöötë uno aghotusabhera o‑Taata Waryobha, uyo niwe Yesu Kirisito, uno anyi obhuhëënë.

1 Yohana 2:12

Nabhaandëkiire abhaana bhaane abhasiighani, gho kubha amasari ghaanyu ngaabhiiru gho kohetera Yesu Kirisito.

1 Yohana 2:14

Nabhaandëkiire bhataata, gho kubha momweche Taata Waryobha uno are‑ho korwera simoka. Nabhaandëkiire abhabhureni, gho kubha moonyi na changuru, na mokwëndërëra ghughööta angʼana e Ryobha, na morekindiri Erishambu.

1 Yohana 3:12

Totabha kinya Kaayini, iwe n‑omoona o Rishambu are, akamwita omonyi waache. Ngwake amwitiri? Namwitiri gho kubha amaköri gha Kaayini ngaare mabhe, amare gha monyi waache ngaare gha bhuhëënë.

1 Yohana 4:4

Amare abhaana bhaane abhasiighani, inyu n‑abhaato bha Ryobha moonyi na mobhakindiri abhaato bhayo bha bhuröngö. Motoriri kobhakinda gho kubha, Akörö e Ryobha neenyi moose yaanyu. Iyo neenyi no obhotoro ghokera akörö e Rishambu, ino eghukangata abhaato bhano bhataakorekumi Eryobha.

1 Yohana 5:18

Ntweche kubha omoona wowoose o Ryobha, taakwëndërëra ghuköra amasari, gho kubha Omoona o Ryobha nakomochonga, Erishambu retaaghotora komoturi.

1 Yohana 5:20

Wiiki ntweche kubha Omoona o Ryobha namariri kuucha, natoheere obhongʼiini, kubha torimënyë Eryobha re hëënë. Ntoonyi no obhumu ne Eryobha re hëënë, gho nchëra e kubha no obhumu no Omoona waache Yesu Kirisito. Rino niryo Eryobha re hëënë, no obhuhöru bho emiishe ghyose.

Obhohunyurëru 12:11

Ibheere abhakumi bhaghëndi bhiito mbamohichiri kwo masaahë gha Moona o Ngʼöndu, na kwo ngʼana e bhwibhateri bhoobho, mbamohichiri. Bhatatereeriri eriimanya reebho, mbaare bhiisëëmiri ghoku gho ghiri e komokumi Omoona o Ngʼöndu.

Obhohunyurëru 2:7

Uno anyi na amatu atëghëërërë amangʼana ghano Akörö Ahörëëru eghoghabhoorera amakanisa. Omooto wowoose uno aghokinda amasaki, nekomwisherereri kurë amakorobhese gha mote o kobhaha abhaato obhuhöru. Omote uyo noonyi Mwishaaro mo‑kinyaweera ke Ryobha.’”