1 Yohana 2:10 - Eriiraghano Eriihë

¹⁰ Ibheere wowoose uno asiighiri mughëndi waache, namanyiri mo‑bhwero. Ghetaanyi‑ho ghyokyose moose yaache kino gheghughëri akörë amasari.

1 Yohana 2:10 ပူးပေါင်းရင်းမြစ်များ

Mataayo 13:21

Amare gho kubha taanyi ne emerya moose yaache, angʼana iyo nekubhamu kwo riibhagha isuuhu. Aribha anyaako hamu anyööri eramubhöna gho ghiri e ngʼana iyo, hayo hayo ayetigha.

Mataayo 18:7

“Horeera mokorighi inyu abhaato bha se ino, gho ghiri e ghuköra amangʼana ghano ghaghughëri abhaato bharaköra amasari! Amasaki ghayo ngakwëndëru ghabhe‑ho, amare horeera nakorighi omooto uno aghogharëëta masaki ghayo!

Yohana 11:9

Yesu akabhagharokeri akabhugha, “Kana, omwishe taanyi amasa ikomi na abhere? Omooto araghënda omwishe, taaghotora ghwituuratuura oghoghoro kooche gho kubha nakorighi obhwero bho mo‑se ino.

Yohana 12:35

Yesu akabhabhoorera akabhugha, “Obhwero mboonyi haghirohamu na niinyu kwo riibhagha ighuhe hangʼu. Mughëndë mo‑bhwero bhuyo eriibhagha bhokeere bhoonyi‑ho, kubha ekengʼuuri ghetaacha kobhakinda. Omooto uno aghughënda mo‑kengʼuuri teeche hano aghuye.

Yohana 8:31

Mbe, Yesu akabhabhoorera Abhayahuuti bhaare bhamokumiri akabhugha, “Erabha moghutambana ameeghi ghaane, mahëënë inyu n‑abhaanabheegha bhaane moonyi.

Abharuumi 14:13

Gho ghayo, totighe ghotenerana ekiina. Twishererani ghotigha ghuköra ghyokyose kino gheghughëri omokumi mughëndi wiito oghu kobhe hamu ghuköra amasari.

Abhabhiribhi 1:10

kubha mubhönë ghoghiishereri ghaare ghaanyi gha hëënë. Hayo niho mookubha bheero, na motaanyi ni isörö mbagha orosiko ruure Kirisito aghugharuka.

2 Bheetero 1:10

Mbe, abhahiiri bhaane, mwiköngʼi chwee kwërëki kubha Eryobha ndebhabherekiire na kobhaahura. Aribha eriimanya reenyu hangʼu reenyi, motaakobhora naabha.

1 Yohana 2:11

Uno amurëghiri mughëndi waache, namanyiri mo‑kengʼuuri. Wiiki naghughënda mo‑kengʼuuri, naghuköra egheghiro ghyokyose amare ateeche amabhe na amachömu, gho kubha ekengʼuuri ngekundekiiri amiisho ghaache.

1 Yohana 3:14

Itu ntweche kubha ntoruure mo‑changuru che roko, na ghusöha mo‑bhuhöru bho miishe ghyose. Ntweche hangʼu gho kubha ntobhasiighiri abhaghëndi bhiito. Omooto wowoose uno ataghöötë obhosiighi naanyi mo‑roko.