1 Yohana 2:1 - Eriiraghano Eriihë

¹ Abhaana bhaane abhasiighani, ˆnekabhaandëkëra amangʼana ghayo, kubha motaköra amasari. Amare koru aribha omooto wowoose araköra amasari, ntughöötë uno aghotusabhera o‑Taata Waryobha, uyo niwe Yesu Kirisito, uno anyi obhuhëënë.

1 Yohana 2:1 ပူးပေါင်းရင်းမြစ်များ

Ruuka 10:22

Akamara akabhabhoorera, “Taata waane, namariri ghotoora ghoose mo‑mabhökö ghaane. Wiiki taanyi‑ho uno amweche Omoona, n‑Ishe omwene. Koru taanyi‑ho uno amweche Ishe, n‑Omoona omwene, na wowoose uno Omoona akwënda komohunyurera.”

Yohana 10:15

kinya bhuno Taata anyeche eni, na neeni nemweche. Na neeni nekobhoruusi obhuhöru bhoone, gho ghiri e changʼöndu cheene.

Yohana 13:33

“Inyu abhaana bhaane, neekubha na niinyu kwo riibhagha ighuhe hangʼu. Kinya bhuno neere nebhabhooriire abhakangati bha Bhayahuuti, hangʼu hangʼu ˆnekabhabhoorera na niinyu ibheere kubha, hano neeghuye, motaaghotora kuucha.

Yohana 14:16

Mbe, na neeni nekomusabha Taata kubha abhahë Omotoorereri owonde, kubha ikare na niinyu emiishe ghyose.

Yohana 14:6

Yesu akamugharokeri akabhugha, “Eni n‑anchëra, no obhuhëënë, no obhuhöru. Taanyi‑ho uno aghotora kuucha o‑Taata aribha atahetiire ghokoone.

Yohana 21:5

Mbe, Yesu akabhabherekera akabhabhoori akabhugha, “Inyu bhasaani bhaane, mobhwine ekereero?” Ibho bhakamugharokeri bhakabhugha, “Tiyaanyi.”

Yohana 5:14

Ghayo ghaache koheta, Yesu akamubhöna omooto uyo Mwisëngërö, akamobhoorera akabhugha, “Tëghëërëra, ibheere nuhöriri. Otaköra amasari wiiki, gho kubha oraköra amasari, nokunyaaka chwee ghokera hayo ekimbërë.”

Yohana 5:36

Amare eni neenyi no obhwibhateri bhokoro chwee ghokera bhuure bho Yohana. Gho ghayo, emeremo ghino Taata aheere ghuköra nighyo ghino gheghungambëra kubha Waryobha Taata niwe antomiri.

Yohana 6:27

Motakörëra emeremo ebhiinyakurë bhino bheghusarëka, amare mubhe moraköra gho ghiri e kubhöna ebhiinyakurë bhino bhetaaghusarëka, bhino bhekobhaha abhaato obhuhöru bho miishe ghyose. Eni Omoona o Mooto nekobhaha abhaato ebhiinyakurë bhiyo, gho kubha Taata Waryobha naaheere obhotoro ghuköra ghayo.”

Yohana 8:11

Akamugharokeri akabhugha, “Oo Omutëmi, taanyi‑ho koru umu.” Niho Yesu akamobhoorera akabhugha, “Na neeni nteeghoghotenera ekiina. Nooghi, amare korwera reero, otaköra amasari wiiki.”]

Amaköri gha Bhatomu 7:52

Kana, naanyi‑ho omurööti koru umu uno bhasookoro bhaanyu bhataamunyaakiri? Mbaare bharabhiita koru abharööti bhano ꞉bhaare bhararuusi obhurööti ighoro e kuucha kwo wuure Omuhëënë o Ryobha! Uyo niwe uno inyu ꞉moomwigharuriini, mokamwita.

Abharuumi 5:10

Hano itu toore tokeere abhabhisa bhaache, Eryobha reghatutëmëërani itu naryo gho kohetera oroko ro Moona waache. Gho ghayo, gho kubha ntumariri ghutëmëëranibhu ne Eryobha gho kohetera oroko rooche, m‑mahëënë ntoghotooribhu koru mo‑nchagho e Ryobha kohetera obhuhöru bhooche.

Abharuumi 6:15

Ibheere tobhughe bhu? Tobhughe kubha twëndërërë ghuköra amasari, gho kubha totaaghukangatu na changuru che meghiro, na gho kubha Eryobha ndetoheere aghareeya yaache? Naabha!

Abharuumi 8:34

Wiiki taanyi‑ho uno aghotora kobhatenera ekiina kubha m‑bha masari moonyi, gho kubha Kirisito Yesu, niwe akuure na koryoka koru mo‑bhaku. Wiiki niikeere eribhaara re kwiro re Ryobha, niwe aghotusabhera.

1 Abhakorinto 15:34

Musëëmë kuhökëri obhongo bhoonyu wiiki kinya bhuno mokwëndëru, na ghotigha ghuköra amasari, gho kubha abhamu ghate yaanyu bhataryeche Eryobha. Neghosiikëra ghayo, kubha nebhasooki.

2 Abhakorinto 5:21

Kirisito taare na amasari ghoghoose, amare Eryobha ꞉ndeemubhariire amasari gho ghiri yiito, kubha itu tubhareru obhuhëënë ambërë e Ryobha gho kohetera ghokooche.

Abhagharatiya 4:19

Abhaana bhaane, rino n‑eriibhagha erende wiiki ghokoone kooghu obhororo gho ghiri yaanyu, kinya bhuno obhosongo bhohaamure omukari uno anyi inda, eriibhagha re kwibhora. Nekwiyoghu hangʼu hangʼu, mbagha atëëmö e Kirisito erighibhu mo‑tëëmö yaanyu.

Abhaebheeso 2:18

Gho ghayo, gho kohetera iwe, itu bhoose Abhayahuuti na abhaato bha matöngö ntoghotora komwishukerera Taata gho nchëra imu, gho kohetera Akörö Ahörëëru.

Abhaebheeso 4:26

Aribha morakarara, motiishereri oghukarara koonyu ghughëri mukörë amasari, na koru hangʼu eryobha retasikera mokeere mukariire,

1 Timotewo 2:5

Ndeenyi‑ho Eryobha rimu hangʼu, no omorwachi ghate e bhaato ne Eryobha woose n‑umu. Uyo niwe omooto Kirisito Yesu.

1 Timotewo 3:14

ˆNeghakwandëkëra amangʼana ghayo, nangabha neghwitëngʼëra kuucha iyo ghano matiko.

Abheebhuraaniya 9:24

Kirisito taasöhiri Ahaghiro Ahatööbhiyu ha Hatööbhiyu hano habhëkuru na abhaato, ahaghiro hayo n‑eghetuubhaani ke ahaghiro ha hëënë hano haanyi Mwishaaro. Iwe ꞉naasöhiri Mwishaaro aheene, kwo riibhagha rino naghotusabhera ambërë e Ryobha.

Yakobho 1:27

Amaköri ghano ghakomotegheri Waryobha Taata wiito na ghano ghataanyi ni isörö, nigho ghano, kobhatoori abhaana abhahabhe na abhasino kurëngʼaana na chanyaako cheebho, na gho ghwisacha amasari gha mo‑se ino.

Yakobho 3:9

Kwo roreme ntokomoghongi Taata Omutëmi wiito, na kwo roreme ruyo ruyo ntokwihiima abhaato bhano bhabhomburu ne Eryobha gho ghisösö keeche.

1 Bheetero 2:22

Iwe taaköriri amasari ghoghoose, koru ghosiikëra obhuröngö bhobhoose.

1 Bheetero 3:18

Kirisito woose nanyaakiru mara rimu hangʼu gho ghiri e masari, omooto omuhëënë gho ghiri e bhaato bhano bhataanyi abhahëënë, kubha atughöötani ne Eryobha. Omobhere ꞉wiituru, amare kwo bhotoro bho Akörö Ahörëëru ꞉naabhwine wiiki obhuhöru.

1 Yohana 3:18

Abhaana bhaane abhasiighani, totabhasiigha bhaghëndi bhiito kwo mangʼana agheene, amare tosiighane kwo bhuhëënë gho nchëra e ghukörërana amachömu.

1 Yohana 3:5

Mweche kubha Kirisito ꞉niichiri koruusi amasari ghiito. Wiiki iwe taaghuköra amasari ghoghoose.

1 Yohana 3:7

Ibheere abhaana bhaane abhasiighani, motiishereri kubha omooto wowoose abharumeeri. Wowoose uno aghuköra gha bhuhëënë naanyi no obhuhëënë ambërë e Ryobha, kinya bhuno Kirisito anyi no obhuhëënë.

1 Yohana 4:4

Amare abhaana bhaane abhasiighani, inyu n‑abhaato bha Ryobha moonyi na mobhakindiri abhaato bhayo bha bhuröngö. Motoriri kobhakinda gho kubha, Akörö e Ryobha neenyi moose yaanyu. Iyo neenyi no obhotoro ghokera akörö e Rishambu, ino eghukangata abhaato bhano bhataakorekumi Eryobha.

1 Yohana 5:17

Ghuköra angʼana yoyoose ino etaakurëngʼaanera ambërë e Ryobha, n‑ghuköra amasari. Ngaanyi‑ho amasari ghano ghataaghutaani omooto ne Eryobha emiishe ghyose.

1 Yohana 5:21

Abhaana bhaane abhasiighani, mubhe miisho motasëngëra chasanaamu.

3 Yohana 1:4

Ghetaanyi‑ho egheghiro kino gheghotegheri ghokera hano nekooghu kubha, abhaana bhaane mbakwëndërëra kumanya mo‑bhuhëënë.