1 Yohana 1:9 - Eriiraghano Eriihë

⁹ Torabhugha kubha ntuköriri amasari, Eryobha ndeghotwabhëra na ghotweri amabhe ghoose, gho kubha iryo n‑de hëënë wiiki n‑de bhuhëënë.

1 Yohana 1:9 ပူးပေါင်းရင်းမြစ်များ

Mataayo 3:6

Bhaakabha bharatuukuuna amasari ghaabho, nawe akabha arabhabhatiisa mo‑rooche ro Yorotaani.

Maariko 1:5

Abhaato bhaaru koru mo‑moghya o Yerusareemu na mo‑mukööwa woose o Yuteya mbaare bharamutambana Yohana. Abhaato bhayo bhaghatuukuunera amasari ghaabho, akabhabhatiisa mo‑rooche ro Yorotaani.

Ruuka 22:57

Amare Bheetero akaanga akabhugha, “Aa, omukari uno! Ntemweche eni!”

Yohana 17:25

Oo Taata uno onyi no obhuhëënë, abhaato bha se ino bhatakweche. Amare eni nekweche, wiiki abhaanabheegha bhaane mbeeche kubha n‑iye ontomiri.

Amaköri gha Bhatomu 19:18

Niho abhaato bhaaru bhano ꞉bhaare bhamokumiri Yesu bhakaacha bhaghatuukuuna ambërë e bhaato kwo mabhe ghaabho ghano ꞉bhaare bhaköriri.

Abharuumi 3:26

Wiiki ꞉ndiiköriri hangʼu, kubha ryërëki obhuhëënë bhooche mo‑riibhagha rino, iryo n‑ihëënë hano reemurööniri Omutëmi Yesu kwo masari gha bhano bhakomokumi, na hano rekobhabharera kubha m‑bha bhuhëënë ambërë yaache.

1 Abhakorinto 1:9

Eryobha ndeghuköra ghayo gho kubha n‑ihëënë. Iryo niryo rebhabherekiire inyu, mubhe no obhumu no Omoona waache Yesu Kirisito, Omutëmi wiito.

1 Abhakorinto 6:11

Abhande ghate yaanyu hangʼu moore. Amare ibheere, gho kohetera kwo Mutëmi wiito Yesu Kirisito, na gho changuru che Körö e Ryobha, obhobhe bhoonyu mbweghuru, mbomusuru, na kubhareru obhuhëënë ambërë e Ryobha.

Abhaebheeso 5:26

꞉Naaköriri hangʼu, kubha amuse eriikanisa, gho koryeghi kwo manche gha bhubhatiiso, na kwo ngʼana e Ryobha.

1 Timotewo 1:15

Angʼana e hëënë ino ekwëndëru abhaato bhayiishereri n‑kubha, “Kirisito Yesu ꞉niichiri mo‑se, kubha atoori abhaato bha masari.” Ghate e bhaato bha masari, eni niköriri amasari ghokera bhoose.

Tiito 2:14

꞉Niiruusiri gho ghiri yiito, kubha atotoori koru mo‑mabhe ghoose. ꞉Nëëndiri ghotomusa, kubha hëënë tubhe abhaato bhaache, bhano bhiiruusiri ghuköra amachömu.

Abheebhuraaniya 10:23

Twiköngʼi chwee ghoghaghööta ghano toghoghakumi na ghoghitëngʼëra totighe kohombahoomba, gho kubha Eryobha n‑ihëënë mo‑ghano riraghiri.

Abheebhuraaniya 11:11

Obhokumi ꞉mbuuköriri Saara, nangabha are akunguhiri, akabhöna obhotoro bho ghughëgha anda, gho kubha naare arakumi kubha Eryobha ndekohikeerani eriiraghano reeche.

Abheebhuraaniya 6:10

Mbe, gho kubha Eryobha n‑ihëënë, retaaghotora ghogheebhu amaköri amachömu ghano muköriri. Wiiki retaaghotora kwebhu obhosiighi bhuure mwërëkiri ghokooche gho nchëra e kobhatoori abhakumi abhaghëndi bhaanyu korwera hano musëëmiri mbagha ibheere.

1 Yohana 1:7

Aribha toghwikara mo‑bhwero, kinya bhuure Eryobha reghwikara, niho tookubha no obhumu itu bheene kwo bheene. Wiiki masaahë gha Moona waache Yesu ngaghotweri amasari ghiito ghoose.

Obhohunyurëru 15:3

Mbaare bhareemba omwembo o Musa omusësë o Ryobha, no o Moona o Ngʼöndu, bharabhugha, “Omutëmi Waryobha o Bhotoro Bhoose, amaköri ghaacho m‑makoro na gha koroghoori. Iye niiye Omutëmi o matöngö ghoose, na chanchëra cheecho n‑che hëënë, na che bhuhëënë.