1 Timotewo 4:3 - Eriiraghano Eriihë

³ Bhayo mbaheeghi abhaato kubha bhatighe ghokwira, na kobhahatëka bhatarë ebhiinyakurë nyarebhe. Amare Eryobha ꞉ndiitëëmiri ebhiinyakurë, kubha bhesongʼaanibhu gho ghwitabheri na bhano bhaghokumi na kumënya obhuhëënë.

1 Timotewo 4:3 ပူးပေါင်းရင်းမြစ်များ

Mataayo 14:19

Niho akahatëka abhaato bhayo kubha, bhiikare haase mo‑manyaaki. Akiimoki emighaate ghiire etaano na chaasu chiire ibhere, aghagharaamereri Mwishaaro, akariitabheri Eryobha. Akamara aghaghesuura emighaate, akabhaha abhaanabheegha bhaache haghirohamu na chaasu, nabho bhakabhahööhi abhaato.

Mataayo 15:11

Egheghiro kino omooto akurë ghetaakomuköra abhe moghonchu. Amare, amangʼana ghano ghaakoru mo‑monu waache, nigho ghakomuköra omooto abhe moghonchu.”

Mataayo 15:36

Akiimoki emighaate ghiire mohungate ne ebhesu bhiire, aghiitabheri Eryobha, aghasuura, akabha arabhaha abhaanabheegha bhaache, nabho bhakabhahööhi abhaato bhayo.

Ruuka 24:30

Ibheere hano bhiikeere kuraaghëra, Yesu akiimoki omughaate, akawiitabheri, akawosuura, akabhaha.

Yohana 6:23

Abhaato abhande bhakaacha na amaato aghande koru mo‑moghya o Tibheeriya, bhakahika hano erikinda re bhaato ꞉bhaare bhariire emighaate, hano Omutëmi Yesu aritabhiiri Eryobha.]

Amaköri gha Bhatomu 27:35

Hano Bhawuro amariri ghosiikëra ghayo, akiimoki omughaate ambërë yaabho bhoose akabhugha, ˆoghachömi Waryobha, akawosuura aghasëëma kurë.

Abharuumi 14:17

Amangʼana amachömu mo‑bhaato bha bhutëmi bho Ryobha taanyi ighoro e kurë hamu kunyo, amare n‑ghuköra ghano Eryobha rekwënda, kubha no omurëmbë na kumanya gho ghuchömëru. Ghayo ghoose ngaakubha kwo bhotoorereri bho Körö Ahörëëru.

Abharuumi 14:3

Omooto uno akurë ghyokyose kiire, atamutaraaha uno akurë chaanyi. Omooto uno akurë chaanyi, atamotenera ekiina uno akurë ghyokyose kiire, gho kubha Eryobha ndemwisheriiri kebhuno anyi.

Abharuumi 14:6

Omooto uno akorighi kubha orosiko nyarebhe ndoonyi no obhwëra ghokera chaasiko echende, naghuköra hangʼu kubha amuchömëri Omutëmi Yesu. Omooto uno akurë ghyokyose kiire, naghuköra hangʼu kubha amuchömëri Omutëmi Yesu, gho kubha naakurë gho koriitabheri Eryobha. Owonde uno akurë chaanyi echeene, naghuköra hangʼu gho kubha nakwënda ghuchömëri Omutëmi Yesu. Uyo woose nakoriitabheri Eryobha.

1 Abhakorinto 6:13

Abhande ghate yaanyu mbakobhugha kubha, “Hano tookubha na anchëra ntokwëndëru kuraaghëra, gho kubha emebhere ghiito ngekwënda ebhiinyakurë.” Hangʼu keenyi, amare eriibhagha ndekuucha rino Eryobha reghugharura emebhere ghiito ghibhe ghetaakwënda ebhiinyakurë. Motabhugha kubha nturëngʼaaniire ghuköra obhutaari, kinya bhuno tokwëndëru kuraaghëra eriibhagha toonyi na anchëra. Nekobhugha hangʼu, gho kubha Eryobha retatëëmiri emebhere ghiito gho ghiri e bhutaari, amare ꞉ndeeghitëëmiri gho ghiri e komuhökëri Omutëmi, nawe Omutëmi naghoghetugha bhoheene emebhere ghiito.

1 Abhakorinto 7:28

Amare aribha orakwira, tookubha uköriri amasari. No omuukë woose, aribha arakwiru, taakubha aköriri amasari. Amare bhayo bhaakubha bhakwiriine mbaakubha na anyaako mo‑riimanya re mo‑se ino, na neeni nengasiighiri anyaako iyo, etaacha kobhabhöna.

1 Abhakorinto 8:8

Ibheere, ekiinyakurë ghetaaghototoora kubha haghuhe ne Eryobha, gho kubha toratigha kurë, totaaghosuuheru ne egheghiro, wiiki ntongarë, totaakwëngëra egheghiro.

Abhakorosaayi 2:16

Mbe, omooto wowoose atabhatenera ekiina ighoro e ebhiinyakurë, hamu ebhinywebhu, hamu anyangi e tiini, hamu anyangi e kurörana kwo mwëri, hamu orosiko ro Riikane.

Abhakorosaayi 3:17

Gho ghoose ghano moghosiikëra, hamu ghuköra, mukörë kwo riina re Mutëmi Yesu, na komwitabheri Taata Waryobha kohetera ghokooche.

1 Timotewo 2:4

Eryobha ndëhëënda abhaato bhoose bhatooribhu na kumënya obhuhëënë.

1 Timotewo 4:4

Ebhetyenyi bhyose bhino bhitëëmuru ne Eryobha m‑bhimangi, koru ghetaanyi‑ho ghe kwangu. Amare bhyose bhesongʼaanibhu gho ghwitabheri,

1 Timotewo 5:14

Ibheere, nekwënda abhasino bhano bhakeere abhasubhaati, bhabhe bharakwiru, bhiibhore abhaana na kumööhi chaaka cheebho, kubha abhabhisa bhiito bhatighe ghotughamba kobhe.

Abheebhuraaniya 13:4

Obhokwiri mbokwëndëru ghosooku na abhaato bhoose, wiiki omosubhe no omukari bhiikabhaahane no obhutaari gho kubha Eryobha ndekobhatenera ekiina abhaato bhoose bhano bhaghuköra obhutaari.

Abheebhuraaniya 13:9

Motangʼiinu na ameeghi aghande amahë gha ghighëni, gho kubha changuru che metema gheenyu nchekoru mo‑ghareeya e Ryobha, taanyi mo‑meghiro ghe bhiinyakurë. Emeghiro ghiyo ghetaakobhatoori ghyokyose bhano bhaghoghitambana.