1 Timotewo 4:2 - Eriiraghano Eriihë

² Ameeghi ghayo, ngaakubha ghareeghibhu na chaghughuuti, wiiki m‑bharöngö bhano amiihëëbhö gha chaakörö cheebho ghateeche amachömu na amabhe, n‑kinya gheekuru no omororo.

1 Timotewo 4:2 ပူးပေါင်းရင်းမြစ်များ

Mataayo 24:24

Mbakuucha abharööti bha bhuröngö na abhaato bhano bhakwibherekera Kirisito. Mbaakubha bharaköra ebhyërëkërëri bhekoro ne ebhiraghe bhekoro, kubha bhasaki kobhangʼiina koru bhano bhaahwiru ne Eryobha.

Mataayo 7:15

“Mubhe miisho na abharööti bha bhuröngö. Ibho hano bhakobhatambana, mbaghwiköri kubha kinya changʼöndu. Amare mo‑metema gheebho n‑chasuuche ihaari.

Amaköri gha Bhatomu 20:30

Wiiki koru ghate yaanyu inyu bheene, mbakorwera‑mu abhaato bhano bhakobhugha amangʼana ghano ghataanyi gha bhuhëënë gho kobhangʼiina abhaanabheegha, kubha bhabhatambane ibho.

Abharuumi 1:28

Mbe, gho kubha abhaato mbaangiri korimënya Eryobha, ryose ndebhatighiri bhabhe bharatambana amiihëëbhö ghaabho ghano ghakobharumeeri. Ibheere mbaghuköra amangʼana ghano ghataakurëngʼaanera ghuköru.

Abharuumi 16:18

Abhaato kinya bhayo bhataakomuhökëri Kirisito, Omutëmi wiito, amare mbaghukörëra chanda cheebho abheene. Mbaghosiikëra amangʼana amachömu gha ghotegheri, amare bharangʼiina abhakumi bhano bhakeere bhataamara bhaköngʼëri mo‑bhokumi.

Abhaebheeso 4:14

Mbe, totaakubha wiiki ke bhaana, torarëkëru na kohiru ino na ino no obhukama bho meeghi ghano ghakurëëtu na abhaato abhabhiihi, kubha bhatongʼiine tutambane chanchëra cheebho.

Abhaebheeso 4:19

Mbataasiri na bhataanyi na chaasoni, mbiisöhiri mo‑mangʼana amabhe gha chaasoni. Wiiki mbaghwighomba kwëndërëra ghuköra amangʼana ghayo ghoose.

2 Timotewo 3:5

Abhaato bhayo, gho nche mbakorighibhu kinya abhaato bhano bhakorisëngëra Eryobha, amare mo‑metema gheebho mbakwanga changuru cheeche. Abhaato bha atëëmö iyo, wikabhaahe nabho.

Obhohunyurëru 16:14

Emisambu ghiyo ngeere no obhotoro bho ghuköra ebhyërëkërëri, ne emeremo gheebho n‑ghuye kobhakoma abhatëmi bhoose bha mo‑se bhakörë eriihë mo‑rosiko orokoro ro Ryobha re Bhotoro Bhoose.