1 Timotewo 1:3 - Eriiraghano Eriihë

³ Eriibhagha rino ꞉niitanwire ghuye mo‑mukööwa o Maketoniya, ꞉neeghusabhiri wiikare mo‑moghya o Ebheeso, obhashaangʼi abhaato bhano bhakweghi iyo, kubha bhatëëndërëra kweghi ameeghi gha bhuröngö.

1 Timotewo 1:3 ပူးပေါင်းရင်းမြစ်များ

1 Timotewo 6:3

Mbaanyi‑ho abhaato bhano bhakweghi ameeghi gha bhuröngö. Mbakweghi ghano ghataaghwishererani na ameeghi gha bhuhëënë gha Mutëmi wiito Yesu Kirisito, wiiki ghataaghwishererani na ameeghi ghano ghakwërëkërëri abhaato korisëngëra Eryobha.

2 Yohana 1:7

Nekobhugha hangʼu gho kubha abharöngö bhaaru mbarweriire mo‑se ino, bhano bhataaghwishereri kubha Yesu Kirisito ꞉niichiri akabha no omobhere kinya omooto. Omooto wowoose uno aghosiikëra ghayo n‑omuröngö, wiiki n‑omobhisa o Kirisito.

1 Timotewo 4:11

Amangʼana ghayo, ogheeghi na ghogharaghereri.

1 Timotewo 4:6

Orabheeghi abhahiiri bhiito bhoose amangʼana ghayo, niho okubha omutamishi omuhöriicho o Kirisito Yesu. Wiiki nookubha orarëru bhoheene mo‑bhuhëënë bho bhokumi bhwito na mo‑meeghi amachömu ghano iye oghutambana.

Obhohunyurëru 2:20

Amare neenyi na angʼana imu ino ekunyaaki ighoro yaanyu. Inyu motaaghoghanga amangʼana gha mukari wuure Yesebheeri. Iwe nakwibherekera kubha m‑murööti, amare tiyaanyi. Mokomwisherereri angʼiine abhatamishi bhaane gho kobheeghi bhakörë obhutaari, na kurë ebhiinyakurë bhino ꞉bhiihëriinu amaruusi gho sanaamu.

Obhohunyurëru 2:14

Amare moonyi na amangʼana marëngʼaaneru ghano ghakunyaaki ighoro yaanyu. Ghate yaanyu, abhande mbaghutambana ameeghi gha Bharaamu. Bharaamu uyo ꞉neeghiri Bharaki ghutëgha Abhiisiraeri kubha bhakörë amasari gha kurë ebhiinyakurë bhino ꞉bhiihëriinu amaruusi gho sanaamu, na ghuköra obhutaari.

1 Timotewo 6:17

Obhabhoorere abhaame bha mo‑se ino bhatighe kwihacha na ghwitëngʼëra obhwame bhoobho. Obhwame bhuyo m‑bho riibhagha ighuhe hangʼu. Amare, bhariitëngʼërë Eryobha rino reghotuha ebheghiro bhyose gho ghusambaaruka kooche, kubha tobhihökëri gho ghuchömëru.

1 Timotewo 6:10

gho kubha ghosiigha chambiiri niko simoka e bhobhe bhoose. Abhande ꞉mbaasiighiri obhwame bhoghaghëri bhangʼiinu, na mbatighiri obhokumi. Ibheere bhayo mbaanyi no obhororo bhwaru kinya omooto uno ingʼuutiri ne eghighësö.

1 Timotewo 5:7

Amangʼana ghayo ghoose, obhabhoorere abhakumi, kubha bhataacha ghutëmu amasörö.

Abhabhiribhi 2:24

Wiiki neghwitëngʼëra kubha Omutëmi Yesu nakonyisherereri niiche bhowaanyu ghano matiko.

Abhaebheeso 4:14

Mbe, totaakubha wiiki ke bhaana, torarëkëru na kohiru ino na ino no obhukama bho meeghi ghano ghakurëëtu na abhaato abhabhiihi, kubha bhatongʼiine tutambane chanchëra cheebho.

Amaköri gha Bhatomu 18:19

Hano bhahikiri mo‑moghya o Ebheeso, Bhawuro bhaghataana na Bhirisira na Akiira. Iwe aghasöha mo‑risinaghooghi re Bhayahuuti, akabha arasiikëra nabho Angʼana Anchömu.

Amaköri gha Bhatomu 18:21

Hano are araraghana nabho akabhabhoorera, “Neghugharuka hano, Eryobha rerasiigha.” Niho akaru hayo Ebheeso no obhwato.

Abharuumi 15:26

Abhakumi bhano bhaanyi Maketoniya na Akaaya, mbarooche n‑ghuchömu koruusi omusörörö, bhabhatoori abhahabhe mo‑bhakumi bhano bhaanyi iyo Yerusareemu.

Abharuumi 16:17

Ibheere, abhahiiri bhaane, ˆnekabhasasaama kubha, mubhe miisho na abhaato bhano bhakurëëta obhwahukani ghate yaanyu, abhaato bhayo mbakwënda ghusari obhokumi bhoonyu, na mbakwanga ameeghi ghano ꞉mweeghuru. Mwikare kurë nabho, gho kubha ameeghi ghaabho ghataaghuye haghirohamu na ghano ꞉mweeghuru!

2 Abhakorinto 11:4

Neghosiikëra hangʼu gho kubha inyu m‑bhango moonyi ghosongʼaana omooto uno akuucha kuraghani amangʼana ighoro e Yesu ghano ghaanyi mahaghare na ghaare itu tobharaghaniiri. Wiiki, moghosongʼaana akörö na angʼana ayende kwo bhwango, ino motaasongʼaaniri koru ghokwito.

2 Timotewo 1:18

Na niiye weeche bhoheene, amangʼana maaru ghano anköriire mo‑moghya o Ebheeso. Omutëmi Yesu amusabhere Onesibhooro ebheghongi kwo Mutëmi Waryobha orosiko ro ghoteneru ekiina.