1 Bheetero 5:12 - Eriiraghano Eriihë

¹² ˆNekabhaandëkëra anyaarubha ino inguhe, kwo bhotoorereri bho Sirwano. Eni nyeeche bhoheene kubha, n‑omokumi omuhëënë. Kino nekwënda, n‑kobhatoora omukörö na kobhahëënëhëri kubha amangʼana ghano mahëënë n‑aghareeya e Ryobha. Kurëngʼaana na aghareeya iyo, mwimeerere muköngʼiiri!

1 Bheetero 5:12 ပူးပေါင်းရင်းမြစ်များ

Yohana 21:21

Hano Bheetero amorooche omoonamwegha uyo, akamobhoori Yesu akabhugha, “Oo Omutëmi, neke ghekuucha korwera kwo moonamwegha uno?”

Amaköri gha Bhatomu 11:23

Hano ahikiri iyo, akarighi kebhuno aghareeya e Ryobha ebhiitabhiiri abhaato bhayo. Aghachömëru chwee, akabhatoora omukörö bhaköngʼëri komosooka Omutëmi kwo metema gheebho ghyose.

Amaköri gha Bhatomu 15:22

Niho abhatomu bha Yesu na abhagharuka bhayo bha riikanisa, haghirohamu na Abhakirisito abhande bha hayo Yerusareemu, bhaghiishererani haghirohamu kubha, bhaahure ghate yaabho abhaato bhano bhaaghuye haghirohamu na Bhawuro na Bharinaabha mo‑moghya o Antiyokiya. Mbe, bhakaahura abhakangati bhabhere, umu Yuuta (uno akobherekeru Bharisaabha), na owonde Siira.

Amaköri gha Bhatomu 20:24

Koru neraku, taanyi gheghiro ghokoone. Kino nekwënda nehikeerani omoremo uno Omutëmi Yesu aheere nikörë. Omoremo uyo, n‑kuraghaneri abhaato Angʼana Anchömu e ghareeya e Ryobha.

Abharuumi 5:2

Gho nchëra e komokumi Omutëmi Yesu, Eryobha ꞉ndeetoheere aghareeya yaache. Koru ibheere ntokwëndërëra ghosongʼaana aghareeya iyo. Ntoghuchömëru chwee, gho kubha ntoghwitëngʼëra kubha ntoghusanga haghirohamu ne Eryobha mo‑bhokumi bhooche obhokoro.

1 Abhakorinto 15:1

Ibheere, abhahiiri bhaane, nekobhahiiti Angʼana Anchömu ino ꞉niiraghiini ghokoonyu, na niinyu mokayesongʼaana. Iyo niyo ekobhaköra mwimeerere muköngʼiiri.

2 Abhakorinto 1:19

Neghosiikëra hangʼu, gho kubha Kirisito Yesu, Omoona o Ryobha, uno eni, na Sirwano, na Timotewo ꞉toomuraghiini ghokoonyu, taare omooto o kobhugha, “Hee,” eriibhagha erimu, ne erende abhughe, “Tiyaanyi.” Amare ghokooche eriibhagha ryose n‑kobhugha, “Hee.”

2 Abhakorinto 1:24

Kino nekwënda kobhugha n‑kubha, totaakwënda ghukangata obhokumi bhoonyu, gho kubha mumariri ghuköngʼëri mo‑bhokumi. Amare, itu n‑abhatamishi haghirohamu na niinyu, gho ghiri e ghuchömëru koonyu.

Abhaebheeso 3:3

꞉Ndeembooriire gho nchëra e kohunyurera amangʼana ghaache ghano reere rebhisiri, na nimariri kobhaandëkëra hasuuhu ighoro e mangʼana ghayo.

Abhaebheeso 6:21

Tikiko, omohiiri wiito omosiighani no omutamishi omuhëënë o Mutëmi Yesu, nakobhabhoorera amangʼana ghoose, kubha mumënyë kinya nekwëndërëra na kino neghuköra.

Abhakorosaayi 1:7

꞉Mweeghiri Angʼana Anchömu iyo koru o‑Ebhaabhura. Iwe naghuköra emeremo kinya omutamishi mughëndi wiito omosiighani, no omuhëënë o Kirisito gho ghiri yaanyu.

Abhakorosaayi 4:7

Omohiiri wiito omosiighani Tikiko, nakobhaha amangʼana ghaane ghoose. Iwe n‑omutamishi omuhëënë uno tokuhöki haghirohamu nawe emeremo ghe Mutëmi Yesu.

Abhakorosaayi 4:9

Nakuucha haghirohamu na Oneesimo, mohiiri wiito omosiighani omuhëënë, uno n‑omooto o bhowaanyu. Mbakobhaha ghoose ghano ghaghuköru hano bhowiito.

1 Abhatesaronike 1:1

Anyaarubha ino neyandëkiri eni Bhawuro, haghirohamu na Sirwano na Timotewo. Ntokobhaandëkëra inyu bhano moonyi mo‑riikanisa re moghya o Tesaronike, bha rikinda re bhaato bhano momokumiri Taata Waryobha no Omutëmi wiito Yesu Kirisito. Ntököbhëëndëra aghareeya no omurëmbë ghibhe haghirohamu na niinyu.

2 Abhatesaronike 1:1

Anyaarubha ino neyandëkiri eni Bhawuro, haghirohamu na Sirwano na Timotewo. Ntokobhaandëkëra inyu bhano moonyi mo‑riikanisa re moghya o Tesaronike, bha rikinda re bhaato bhano momokumiri Taata wiito Waryobha no Omutëmi Yesu Kirisito.

Abheebhuraaniya 13:22

Inyu abhahiiri bhaane, ˆnekabhasasaama chwee mughöötë amangʼana ghano nebherekeriiri, gho kubha nebhaandëkiire kwo bhoghuhe.

1 Bheetero 1:13

Gho ghayo, mubhe miisho na mutëngë, na mubhe ne ekirëngërë. Motoore amiitëngʼërö ghoose mo‑ghareeya ino mokuucha kubhöna, hano Yesu Kirisito akorighibhu haheero.

1 Bheetero 4:10

Omooto woose nahaabhuru ekihaano keeche koru kwo Waryobha. Nekwëndëru ghokihökëri bhoheene gho ghiri e ghusakerani, kinya omwimeerereri omuhöriicho o ghareeya e Ryobha ino enyi e manga maaru.

2 Bheetero 1:12

Gho ghayo, nekwëndërëra kobhahiiti amangʼana ghayo kimu, nangabha mumariri ghoghamënya na muköngʼiiri mo‑bhuhëënë bhuno mweghiri.

2 Bheetero 2:15

Mbatighiri anchëra angöröröku, mbabhoriri na ghutambana anchëra e Bharaamu, mwërëëti o Bhewoori. Iwe ꞉naasiighiri ghosongʼaana amareho gho nchëra e ghuköra amabhe.

3 Yohana 1:12

Abhaato bhoose mbaghotobhoorera kubha Temetiiriyo m‑mooto muchömu. Eriimanya reeche ndeghotegheri Eryobha, na nekwërëki kubha iwe m‑muhëënë. Koru na niitu, ntokobhugha kubha m‑mooto muchömu, na nweche kubha amangʼana ghiito n‑nga hëënë.

Yuuta 1:3

Abhasiighani bhaane, ꞉niighombiri chwee kobhaandëkëra ighoro e bhotoori bhuno toghusanga itu bhoose. Amare nerooche kubha nekwëndëru nebhaandëkërë anyaarubha ino, nebhasasaame kubha, mwiköngʼi ghochonga obhuhëënë bho bhokumi bhuno Eryobha rebhaheere abhaato bhaache abhatööbhiyu mara rimu hangʼu kwo riibhagha ryose.