1 Bheetero 4:1 - Eriiraghano Eriihë

¹ Mbe, gho kubha Kirisito nanyaakiri mo‑mobhere waache, inyu bhoose mwisëëmi kunyaaka kinya iwe. Neghosiikëra hangʼu, gho kubha, omooto uno amariri kunyaaka mo‑mobhere waache, nataaniri na amasari.

1 Bheetero 4:1 ပူးပေါင်းရင်းမြစ်များ

Maariko 3:3

Yesu akamobhoorera omooto uno are akuure okubhökö akabhugha, “Nuuche, wimeerere ghateghate hano.”

Abharuumi 6:11

Inyu bhoose, mubhe moriirighi kubha mokuure haghirohamu nawe, na amasari ghataaghotora kobhakangata wiiki. Hangʼu hangʼu, mubhe moriirighi kubha ibheere m‑bhahöru moonyi, na mumanyiri gho ghiri e koretegheri Eryobha, gho ghughöötana na Kirisito Yesu.

Abharuumi 6:2

Naabha, koru hasuuhu! Itu ntubheere kinya abhaku kwo mangʼana gha ghuköra amasari. Gho ghayo, totaaghotora kwëndërëra kumanya wiiki mo‑masari.

Abharuumi 6:7

Omooto araku anyi hangʼu, nabheere omooto huuru, koru taakubhöhu na amasari.

Abhagharatiya 2:20

Eriimanya reene riire re kare ndekuure haghirohamu na Kirisito mo‑musarabha. Ibheere muhöru neenyi, amare taanyi eni, gho kubha Kirisito niwe anyi omuhöru moose yaane. Obhuhöru bhuno neenyi nabho eriibhagha rino, nebhughöötë gho ghiri e ghokumi Omoona o Ryobha. Iwe nansiighiri na akaruusi obhuhöru bhooche ghokoone kubha antoori.

Abhagharatiya 5:24

Abhaato bhano bhaghöötiine na Kirisito Yesu, bhatahakangatu na simoka yaabho e masari haghirohamu na amiigha ghaabho amabhe. N‑kinya bhamambiri simoka yaabho e masari mo‑musarabha o Yesu.

Abhaebheeso 6:13

Gho ghayo, mwinate ebhiröönërö bhyose bhino Eryobha rebhaheere, kubha orosiko ro bhobhe, motore ghwitachura. Moramara kurööna mbagha antenero, mookubha mokeere muköngʼiiri.

Abhabhiribhi 2:5

Amënda ghaanyu ghabhe ghaare ghaare are nagho Kirisito Yesu.

Abheebhuraaniya 12:3

Mwihëëbhë kinya bhuno Yesu aghumeriiri ghaare ꞉ghaamobhwine ghano abhaköri bha masari ꞉bhaare bharamoshangʼaani. Mbe, gho ghayo, mwitoore omukörö kubha motaacha ghutamu korekumi Eryobha.

Abheebhuraaniya 4:10

Omooto wowoose uno aghusöha ahaghiro hayo ha koweera, nakoweera ghuköra emeremo gheeche ghyose kinya bhuno Eryobha ꞉riiweeriri eriibhagha rimariri ghutëëma ase.

1 Bheetero 2:21

Eryobha ndebhabherekiire kwo bhoghumereri bhuyo, gho kubha koru Kirisito omwene nanyaakiru gho ghiri yaanyu. Gho ghuköra hangʼu, akabhatighera eghetuubhaani, kubha mubhe moramwegha.

1 Bheetero 3:18

Kirisito woose nanyaakiru mara rimu hangʼu gho ghiri e masari, omooto omuhëënë gho ghiri e bhaato bhano bhataanyi abhahëënë, kubha atughöötani ne Eryobha. Omobhere ꞉wiituru, amare kwo bhotoro bho Akörö Ahörëëru ꞉naabhwine wiiki obhuhöru.