1 Bheetero 3:5 - Eriiraghano Eriihë

⁵ Hangʼu nibhu ꞉bhaare bhariichöcha hayo kare, abhakari bhano bhariitëngʼiire Eryobha, ino bharasooka abhasubhe bhaabho.

1 Bheetero 3:5 ပူးပေါင်းရင်းမြစ်များ

Ruuka 2:37

Akabha mosino akahikera eghita ke meeka miröngö enaane ne ene na takwiruru. Naare araghe Mwisëngërö, ghusëngëra Eryobha obhotiko no omwishe gho ghusabha na kwiyima ebhiinyakurë.

Amaköri gha Bhatomu 1:14

Bhano bhoose mbaare bhiikomiine kwo mukörö umu ghusabha Eryobha, haghirohamu na Mariyamu nyina Yesu, na abhakari abhande, na bhaömööbhö Yesu.

Amaköri gha Bhatomu 9:36

Mo‑moghya o Yoobha naare‑ho omukari umu omughëndi o Yesu, eriina reeche Tabhiita. (Na mo‑ghighambo ghe Keyunaani, eriina riyo n‑Torikaasi, egheteemoro keeche n‑asuma.) Torikaasi uyo naare arabhasakeri abhahabhe, akabha araköra amaköri amachömu.

Abhaebheeso 5:33

Amare na niinyu bhoose ˆnekabhabhoorera kubha, omooto woose amosiighe omukari waache kinya bhuno isiighiri omwene. No omokari woose, atatigha komosooka omosubhe waache.

1 Timotewo 2:10

Amare ghwichöcha koobho, kubhe kwo maköri amachömu, kinya bhuno ekwëndëru mo‑bhakari bhano bhiisheriiri korisëngëra Eryobha.

1 Timotewo 2:15

Amare hano omukari akwibhora na ghotugha omoona waache, naghotooribhu aribha akwëndërëra ghwikara mo‑bhokumi, no obhosiighi, no obhutööbhiyu na kubha ne ekirëngërë.

1 Timotewo 5:10

Abhe omooto uno aghoghongibhu gho ghiri e maköri kinya ghano, abhe omooto uno arëriri abhaana bhoheene, na uno aghënëhiri abhaghëni, na uno abhahökiiri abhakumi gho kobheeghi amaghoro ghaabho, na uno abhasakiiri bhano bhakunyaakibhu. Gho ghayo, abhe omooto uno iruusiri ghuköra amaköri ghoose amachömu.

1 Timotewo 5:5

Omukari omosino uno ataanyi no omooto o komusakeri, uyo nakoriitëngʼëra Eryobha, nakorisasaama na ghusabha obhotoorereri bhooche obhotiko no omwishe.

Abheebhuraaniya 11:11

Obhokumi ꞉mbuuköriri Saara, nangabha are akunguhiri, akabhöna obhotoro bho ghughëgha anda, gho kubha naare arakumi kubha Eryobha ndekohikeerani eriiraghano reeche.

1 Bheetero 1:3

Aghongibhu Waryobha, Taata o Mutëmi wiito Yesu Kirisito. Kurëngʼaana na changori cheeche chaaru, natwibhwire mara e kabhere gho nchëra e komoryoki Yesu Kirisito koru mo‑bhaku. Gho ghayo, ntobhwine eriitëngʼërö re bhuhöru.