1 Bheetero 3:11 - Eriiraghano Eriihë

¹¹ Na atighe ghuköra amabhe, akörë amachömu. Nekwëndëru atabhare omurëmbë na kowutambana chwee,

1 Bheetero 3:11 ပူးပေါင်းရင်းမြစ်များ

Mataayo 5:45

Mbe, hayo mookubha abhaana bha Taata waanyu uno anyi Mwishaaro, gho kubha iwe nahaarëngaari eryobha kwo bhaato abhahëënë na abhabhe. Wiiki, nahaatëëki ambura kwo bhaghöröröku haghirohamu na bhano bhaanyi na amasari.

Mataayo 5:9

Ngʼoni bhano bhaanyi abharwachi, gho kubha Eryobha ndekobhabherekera abhaana bhaache.

Mataayo 6:13

Wiiki otatusöhi mo‑masaki, amare ototoori no Omobhisa wuure, [gho kubha obhutëmi m‑bho bhoocho, na changuru, no obhokumi obhokoro, koru emiishe ghyose. Hawubhaabha.]’”

Maariko 14:7

Inyu moonyi haghirohamu na bhahabhe chaasiko choose. Moghotora kobhakörëra amachömu eriibhagha ryoryose rino mosiighiri. Amare, motaakubha haghirohamu na neeni chaasiko choose.

Ruuka 1:79

na ghotomorekera bhano tumanyiri mo‑kengʼuuri, na bhano twangiire mo‑kiriiri ke roko. Ndeghotukangata, tubhe toraheta mo‑nchëra e murëmbë.”

Ruuka 6:35

“Amare inyu, mobhasiighe abhabhisa bhaanyu, mobhatoori, mobhahë asiire, motiitëngʼëra kubha mbakobhagharokeri. Moraköra hangʼu niho mokubhöna atuho inkoro, na kubha abhaana bha hëënë bha Waryobha Omokoro o Bhyose. Gho kubha, Eryobha ndeghusakëri koru bhaare bhataakoriitabheri, na abhaköri bha mabhe.

Ruuka 6:9

Hayo hayo, Yesu akabhabhoori abhaato bhayo, “Mbe, orosiko ro Riikane, emeghiro ngeghotobhoorera ghuköra ke? Ghuköra amachömu ghasi amabhe, kuhöri ghasi ghwita?”

Yohana 17:15

Oo Taata, nteeghusabha kubha obharuusi mo‑se ino, amare kubha obhatoori no Omobhisa wuure.

Abharuumi 12:18

Kwo ribhaara reenyu, mwiköngʼi ghuköra ghyokyose kino inyu moghotora, mubhe no omurëmbë na abhaato bhoose.

Abharuumi 14:17

Amangʼana amachömu mo‑bhaato bha bhutëmi bho Ryobha taanyi ighoro e kurë hamu kunyo, amare n‑ghuköra ghano Eryobha rekwënda, kubha no omurëmbë na kumanya gho ghuchömëru. Ghayo ghoose ngaakubha kwo bhotoorereri bho Körö Ahörëëru.

Abharuumi 14:19

Gho ghayo, twiköngʼi eriibhagha ryose ghuköra amangʼana ghano ghakurëëta omurëmbë na ghano ghaghuköngʼi bhaghëndi bhiito mo‑bhokumi.

Abharuumi 5:1

Mbe, Eryobha ndetubhariri kubha m‑bha hëënë toonyi ambërë yaache, kurëngʼaana no obhokumi bhwito. Gho ghayo, ntoonyi no omurëmbë ne Eryobha gho kohetera Omutëmi wiito Yesu Kirisito.

Abharuumi 7:19

Amangʼana amachömu ghano nekwënda ghuköra, nteeghoghaköra. Wiiki, amabhe ghano ntaakwënda ghuköra, nigho neghuköra.

Abharuumi 7:21

Mbe, ˆnekamënya kubha, hano nekwënda ghuköra egheghiro ghichömu, nehaabha nerarutu ghuköra egheghiro ekebhe.

Abharuumi 8:6

Abhaato bhano amiihëëbhö ghaabho ghaghukangatu na simoka yaabho e masari, mbakubhöna oroko ro miishe ghyose. Amare abhaato bhano amiihëëbhö ghaabho ghahaakangatu na Akörö Ahörëëru, mbakubhöna obhuhöru no omurëmbë.

Abhagharatiya 5:22

Amare aribha toghukangatu na Akörö Ahörëëru, ntookubha ne eriikorobhese re Körö Ahörëëru. Eriikorobhese riyo n‑obhosiighi, na ghuchömëru, no omurëmbë, no obhoghumereri, no obhuhöriicho, na ghughënëhi, no obhuhëënë,

Abhagharatiya 6:10

Mbe, eriibhagha ryoryose torabha no omweya, tobhakörërë abhaato bhoose amachömu, amare ahanene abhakumi bhaghëndi bhiito.

Abhakorosaayi 3:15

Omurëmbë o Kirisito ukangate mo‑metema gheenyu. Inyu mubheere omobhere umu, gho ghayo, mumanye kwo murëmbë. Wiiki mubhe morariitabheri Eryobha.

1 Timotewo 6:18

Wiiki obhabhoorere bhakörë amachömu, kubha bhabhe abhaame mo‑maköri amachömu. Bhabhe bhararuusi na ghusanga obhwame bhoobho na abhande.

Abheebhuraaniya 12:14

Mbe, mwiköngʼi kumanya kwo murëmbë na abhaato bhoose. Wiiki mwiköngʼi kubha abhatööbhiyu mo‑riimanya reenyu gho kubha taanyi‑ho omooto uno aghotora komorighi Omutëmi ino ataanyi omutööbhiyu.

Abheebhuraaniya 13:16

Mwëndërërë kobhatoori abhaghëndi na ghusanga nabho ebheghiro bhino moonyi nabhyo, gho kubha ghuköra hangʼu, nigho amaruusi ghano ghaghuchömëri Eryobha.

Yakobho 4:17

Mbe, omooto woose uno eche ghuköra amachömu amare ataghaköra, uyo naghuköra amasari.

1 Bheetero 3:12

gho kubha Omutëmi Waryobha nahaateereera abhaato abhahëënë, na nahooghu amasabhi ghaabho. Amare, bhano bhaghuköra amabhe, Eryobha ndehaabhaanga.”

3 Yohana 1:11

Ibheere Ghaayo, omosiighani waane, oteegha amabhe, amare weeghe amachömu. Wowoose uno aghuköra amachömu, uyo n‑omoona o Ryobha. Amare uno aghuköra amabhe, uyo taryeche Eryobha.