1 Bheetero 1:8 - Eriiraghano Eriihë

⁸ Inyu momosiighiri, nangabha motaamara komorighi. Wiiki nangabha motaakomorighi ibheere, amare mokomokumi. Gho ghayo, muchömiiru chwee mo‑bhokumi, oghuchömëru kuyo nkoonyi no obhokumi obhokoro bhuno bhotaaghotora koru ghughambu,

1 Bheetero 1:8 ပူးပေါင်းရင်းမြစ်များ

Mataayo 10:37

Omooto wowoose uno amosiighiri ishe hamu nyina ghonkera eni, uyo taakundëngʼaanera. Wiiki, wowoose uno amosiighiri omoona waache, hamu omuukë waache, ghonkera eni, uyo woose taakundëngʼaanera.

Yohana 14:15

“Aribha monsiighiri, moghughööta amaraghereri ghaane.

Yohana 14:21

Omooto wowoose uno aghosongʼaana amaraghereri ghaane na ghoghaghööta, uyo niwe ansiighiri. Omooto uno aghonsiigha, Taata nakomosiigha, na neeni nekomosiigha na kwiyërëkani ghokooche.”

Yohana 14:24

Amare omooto wowoose uno atansiighiri, taaghughööta amangʼana ghaane. Wiiki, angʼana ino mokooghu taanyi yaane, amare n‑e Taata uno antomiri ghokoonyu.

Yohana 16:22

Inyu moonyi na amacheeche kwo riibhagha rino. Amare nekuucha wiiki ghokoonyu, na niinyu mookubha na ghuchömëru mo‑metema gheenyu. Taanyi‑ho uno akoruusi ghuchömëru kuyo mo‑metema gheenyu.

Yohana 20:29

Yesu akamugharokeri akabhugha, “ˆOghakumi gho kubha nondooche. Mbiitabhiiru bhano bhankumiri koru nangabha bhatandooche.”

Yohana 8:42

Yesu akabhagharokeri akabhugha, “Aribha Eryobha rengabheere Taata waanyu, mbe, mongabheere moransiigha, gho kubha neeni neruure kwo Waryobha ni ibheere hano neenyi. Eni ntiichiri gho changuru cheene, amare n‑Eryobha niryo rentomiri.

Amaköri gha Bhatomu 16:34

Achekumara akabhahira Bhawuro na Siira awaache, akabhaha ebhiinyakurë. Aghachömëru chwee haghirohamu na abhaato bhaache bhoose, gho kubha ibheere ˆbhakarekumi Eryobha.

Abharuumi 14:17

Amangʼana amachömu mo‑bhaato bha bhutëmi bho Ryobha taanyi ighoro e kurë hamu kunyo, amare n‑ghuköra ghano Eryobha rekwënda, kubha no omurëmbë na kumanya gho ghuchömëru. Ghayo ghoose ngaakubha kwo bhotoorereri bho Körö Ahörëëru.

Abharuumi 15:13

Eryobha niryo toghwitëngʼëra kubha ndeghuköra ghoose ghano ꞉reeturaghiri. Gho ghayo, nekobhasabhera kubha, rebhahë omurëmbë chwee na ghuchömëru kwaru hano mokwëndërëra korekumi. Hayo niho mookubha ne eriitëngʼërö ikoro, rino moonyi naryo gho changuru che Körö Ahörëëru.

1 Abhakorinto 16:22

Omooto wowoose uno atamosiighiri Omutëmi Yesu, niihiimuru. Omutëmi wiito nuuche!

2 Abhakorinto 1:22

na ghototoorera ekingʼöchö ghe kwërëki kubha itu n‑abhaato bhaache toonyi, gho ghotuha Akörö Ahörëëru mo‑metema ghiito, kubha ibhe ekimanyenkereri ghe kwërëki kubha, ghoose ghano returaghiire ndeghotuha.

2 Abhakorinto 12:4

꞉niimokiibhu mbagha kohika iyo mo‑Chaasare. Iyo akooghu amangʼana gha koroghoori chwee ghano omooto ataaghotora ghosiikëra, wiiki taakurëngʼaanera ghoghasiikëra.

2 Abhakorinto 4:18

Gho ghayo, totaakwihëëbhëra ebheghiro bhino bhekorighibhu, amare ntokwihëëbhëra bhino bhetaakorighibhu, gho kubha, bhino bhekorighibhu, m‑bhe eriibhagha ighuhe hangʼu, amare bhino bhetaakorighibhu, m‑bhe miishe ghyose.

2 Abhakorinto 5:7

Eriimanya riito hano mo‑se ntokumanya kwo bhokumi, taanyi gho korighi na amiisho.

2 Abhakorinto 9:15

Tubhe torariitabheri Eryobha gho ghiri e kihaano ghekoro ghe koroghoori, kino retoheere.

Abhagharatiya 5:22

Amare aribha toghukangatu na Akörö Ahörëëru, ntookubha ne eriikorobhese re Körö Ahörëëru. Eriikorobhese riyo n‑obhosiighi, na ghuchömëru, no omurëmbë, no obhoghumereri, no obhuhöriicho, na ghughënëhi, no obhuhëënë,

Abhagharatiya 5:6

Mbe, aribha tughöötiine na Kirisito Yesu, ghusaaru hamu kwanga ghusaaru ghotaanyi ne ekebhune ghyokyose. Egheghiro ke bhwëra n‑obhokumi bhwito bhuno bhohaaköra emeremo kwo bhosiighi.

Abhaebheeso 3:19

Hëënë mokohikera kumënya obhosiighi bho Kirisito bhuno bhoghokera amangʼiini ghoose gha bhaato, mwichoribhu mbagha mohikere obhohikeerani bhuno bhookoru kwo Waryobha.

Abhaebheeso 6:24

Aghareeya e Ryobha, ibhe na bhoose bhano bhamosiighiri Omutëmi wiito Yesu Kirisito, kwo bhosiighi bhuno bhotaanyi na antenero. Hawubhaabha.

Abhabhiribhi 1:25

Eni neenyi no obhuhëënë bho angʼana ino, nyeeche kubha nekwëndërëra kumanya mo‑se ino. Wiiki neekubha haghirohamu na niinyu, kubha nebhatoorereri muköngʼëri na muchömëru mo‑bhokumi bhoonyu.

Abhabhiribhi 3:3

Mööhi itu niitu abhaato bhano tusaaruru hëënë ne Eryobha, taanyi ibho, gho kubha Akörö e Ryobha neghototoori ghusëngëra Eryobha. Itu ntokwihachera Kirisito Yesu na komwitëngʼëra. Itu totaaghwitëngʼëra amaköri ghiito gha mebhere kubhöna obhotoori.

Abhabhiribhi 4:4

Mbe, muchömëru chaasiko choose gho kubha inyu n‑abhaato bha Mutëmi Yesu moonyi! Wiiki nebhugha muchömëru!

Abheebhuraaniya 11:1

Mbe, obhokumi n‑kubha no obhuhëënë bho mangʼana ghano toghoghiitëngʼëra. Wiiki n‑ghokumi inkongʼorimu amangʼana ghano totaaghogharighi kwi ibheere.

Abheebhuraaniya 11:27

Obhokumi ꞉mbuuköriri Musa akaru mo‑se e Miisiri, ino ataaghotiina ghukarara kwo mutëmi. ꞉Naaghumeriiri gho kubha naare kinya akorerighi Eryobha rino retaakorighibhu.

1 Bheetero 1:6

Mbe, muchömëru chwee ighoro e mangʼana ghayo, nangabha ibheere kwo riibhagha ighuhe mookubha na amacheeche ighoro e masaki gha manga maaru.

1 Bheetero 2:7

Ghokoonyu inyu bhano moghokumi eriibhohe riyo, n‑de riighori chwee. Amare, ighoro e bhano bhataakorekumi, Amandëkö Amatööbhiyu ngakobhugha kubha, “Eriibhohe rino abhaabhëki ꞉bhaangiri, niryo ribheere eriibhohe ikoro re bhoroso.”

1 Bheetero 5:4

Hano Omoriishi Omokoro o riikanisa akuucha korighibhu haheero, nakobhatuha chaatuho che bhokumi obhokoro. Chaatuho chiyo chetaakobhusha naabha.