1 Bheetero 1:13 - Eriiraghano Eriihë

¹³ Gho ghayo, mubhe miisho na mutëngë, na mubhe ne ekirëngërë. Motoore amiitëngʼërö ghoose mo‑ghareeya ino mokuucha kubhöna, hano Yesu Kirisito akorighibhu haheero.

1 Bheetero 1:13 ပူးပေါင်းရင်းမြစ်များ

Mataayo 20:4

Akabhabhoorera akabhugha, ‘Na niinyu moghi ghuköra emeremo mo‑moghondo waane o misabhiibhu. Na neeni nekuucha nebharehe bhoose kinya bhuno ekwëndëru.’

Ruuka 12:35

“Mwikare mwisëëmiri eriibhagha ryose, ne ebhemore bheenyu, bhibhe bheraaka.

Ruuka 17:30

“Hangʼu hangʼu ekubha orosiko runo eni Omoona o Mooto nekuucha.

Ruuka 17:8

Tiyaanyi! Tigha nakomobhoorera abhughe, ‘Numbanurere ebhiinyakurë, usëëmë kuuhökëri, hano neekubha nimariri kuraaghëra na kunyo, niho na niiye oramara uraaghërë na kunyo.’

Abharuumi 13:13

Tubhe na atëëmö inchömu kinya abhaato bhano bhamanyiri mo‑bhwero. Totabha abhaato bhano bhaghuköra chanyangi che kehobhaaru no obhurëëbhi. Totaköra obhutaari bho manga ghoghoose ghaare, koru ghuköra amangʼana gha chaasoni. Totabha abharööni, hamu kubha ne eriihari.

Abharuumi 8:19

Ebheghiro bhyose bhino ꞉bhiitëëmuru, mbeghughanya kwo miigha chwee eriibhagha rino Eryobha rekuucha kwërëkani abhaana bhaache.

1 Abhakorinto 1:7

Ibheere motaaghotora ghosuuheru koru hasuuhu ekihaano ghe Körö Ahörëëru, hano mookubha moraghanya kwo miigha ghugharuka kwo Mutëmi wiito Yesu Kirisito.

1 Abhakorinto 13:13

Mbe, ibheere, ebheghiro bhino bhitato bhetaaghosira, obhokumi, na amiitëngʼërö no obhosiighi. Na mo‑bhino, egheghiro eghekoro ghokera bhyose n‑obhosiighi.

Abhaebheeso 6:14

Mbe, mwisëëmi kwo riihë riyo. Obhuhëënë bhubhe kinya oruköbha mo‑bheribhichi bheenyu, amaköri ghaanyu ghano Eryobha rekwënda ghabhe kinya angubha e ghokengera mo‑ghekubha,

Abhakorosaayi 3:4

Obhuhöru bhoonyu mbokurëëtu na Kirisito. Eriibhagha rino akorighibhu, niho na niinyu moghusanga haghirohamu nawe mo‑bhokumi bhooche obhokoro.

2 Abhatesaronike 1:7

na ndekobhaweeri inyu bhano mokunyaakibhu, haghirohamu na niitu. Ndeghuköra ghayo hano Omutëmi Yesu akuucha koru Mwishaaro ne emirëngaari ghe mororo, haghirohamu na bhamarayika bhaache bhano bhaanyi na changuru.

2 Timotewo 4:5

Amare iye, ubhe miisho mo‑mangʼana ghoose. Oghumereri anyaako, ukörë emeremo ghe kuraghani Angʼana Anchömu, ukörë bhoheene mo‑bhutamishi bhoocho bhoose.

2 Timotewo 4:8

Ibheere neghughanya okwene kuhaabhu atuho e bhuhëënë. Omutëmi Yesu, omoteni o kiina uno anyi obhuhëënë, nakuuha atuho orosiko ruure ro ghugharuka kooche. Atuho iyo nteekuhaabhu eni mwene, amare na abhande bhoose bhano bhaghwitëngʼëra kwo miigha ghugharuka kooche.

Abheebhuraaniya 10:35

Gho ghayo, mwëndërërë kubha no obhosubhesubhe bhuyo, gho nchëra iyo moghosongʼaana atuho inkoro chwee koru kwo Waryobha.

Abheebhuraaniya 3:6

Amare Kirisito m‑muhëënë kinya Omoona uno akwimeererera abhaato bha mo‑nyumba e Ryobha. Na niitu n‑anyumba iyo, aribha tokwëndërëra ghwiköngʼi na kubha bhasubhesubhe na kwihachera mo‑ghaare toghwitëngʼëra.

Abheebhuraaniya 6:19

Ntoonyi ne eriitëngʼërö mo‑metema ghiito, rino reenyi kinya ananga, ino ehaaghöötërëra ameeri etahiru no obhukama. Amiitëngʼërö ghayo ꞉ngaasöhiri Ahatööbhiyu ha Hatööbhiyu iyo Mwishaaro gho kohetera hano omwando ore oteniini.

Abheebhuraaniya 9:28

Hangʼu hangʼu Eryobha ꞉ndeemoruusiri Kirisito kubha aku na kubha amaruusi mara rimu hangʼu kubha Eryobha rebhaabhërë abhaato bhaaru amasari ghaabho. Wiiki Kirisito nakuucha mara e kabhere. Amare eriibhagha riyo, taakuucha kwabhëra abhaato amasari ghaabho, amare nakuucha kobhaha obhotoori abhaato bhano bhaghwiköngʼi komughanya.

1 Bheetero 1:10

Abharööti bha kare ꞉mbiiköngʼiri ghwisuncha obhotoori bhuyo, nabho ꞉mbaaröötiri ighoro e ghareeya e Ryobha ino ebhahikiire inyu.

1 Bheetero 3:15

Mubhe mwisëëmiri eriibhagha ryose ghugharokeri wowoose uno akobhabhoori kino moghwitëngʼëra. Mukörë hangʼu kwo bhuhörëëru na asooko,

1 Bheetero 4:7

Antenero e mangʼana ghoose ˆeghatingʼi. Gho ghayo, mubhe bhangʼiini na mwikabhaahe mo‑ghoose, kubha motore ghusabha.

1 Bheetero 5:12

ˆNekabhaandëkëra anyaarubha ino inguhe, kwo bhotoorereri bho Sirwano. Eni nyeeche bhoheene kubha, n‑omokumi omuhëënë. Kino nekwënda, n‑kobhatoora omukörö na kobhahëënëhëri kubha amangʼana ghano mahëënë n‑aghareeya e Ryobha. Kurëngʼaana na aghareeya iyo, mwimeerere muköngʼiiri!

1 Bheetero 5:8

Mwikabhaahe, wiiki mubhe miisho eriibhagha ryose, gho kubha omobhisa waanyu, Erishambu, ndehaghëndaghënda kinya aka ino eghwitima eratabhara omooto emure.

1 Yohana 3:3

Omooto wowoose uno aghwitëngʼëra kubha naghotuubhaana na Kirisito, iyeri abhe mutööbhiyu, kinya bhuno Kirisito omwene anyi mutööbhiyu.