1 Abhatesaronike 5:23 - Eriiraghano Eriihë

²³ Eryobha eryene niryo reghotuha omurëmbë, rebhamuse inyu mo‑ghoose. Reghechonge emetema gheenyu no obhuhöru bhoonyu ne emebhere gheenyu, kubha mubhe motaanyi ni isörö mbagha kohikera eriibhagha re kuucha Omutëmi wiito Yesu Kirisito.

1 Abhatesaronike 5:23 ပူးပေါင်းရင်းမြစ်များ

Ruuka 1:46

Mbe, Mariyamu akabhugha, “Omotema waane, nokomoghongi Omutëmi Waryobha,

Yohana 17:19

ˆNeghiitoora ghokuhökëri iye gho ghiri yaabho, kubha nabho bhatooru ghokoocho mo‑bhuhëënë.

Amaköri gha Bhatomu 20:32

“Ibheere nekabhatighera Eryobha ribhe niryo rekobhachonga. Mubhe morachongu na angʼana yaache ino enyi na aghareeya. Aghareeya yaache neghotora kobhaköngʼi, mbagha mubhönë aghabho ino bhatooriiru abhaato bhaache bhoose.

Amaköri gha Bhatomu 26:18

gho ghiri obhahunyure amiisho, mbagha bharu mo‑kengʼuuri bhiigharurere obhwero, na bharu mo‑bhukangati bho Rishambu, bhiigharurere Eryobha. Hangʼu niho bhakwabhëru amasari ghaabho, mbaakubha haghirohamu na abhande bhoose bhano bhamusuru gho nchëra e ghonkumi.’

Abharuumi 15:13

Eryobha niryo toghwitëngʼëra kubha ndeghuköra ghoose ghano ꞉reeturaghiri. Gho ghayo, nekobhasabhera kubha, rebhahë omurëmbë chwee na ghuchömëru kwaru hano mokwëndërëra korekumi. Hayo niho mookubha ne eriitëngʼërö ikoro, rino moonyi naryo gho changuru che Körö Ahörëëru.

Abharuumi 15:33

Eryobha rino rekobhaha omurëmbë, ribhe haghirohamu na niinyu bhoose. Hawubhaabha.

Abharuumi 15:5

Eryobha niryo reghotusakeri ghoghumereri na ghotughambisani. Ibheere, neghusabha kubha, rebhatoori mubhe no obhumu ghate yaanyu, gho kubha moghutambana eghetuubhaani ghe Kirisito Yesu.

Abharuumi 16:20

Eryobha rino rekobhaha omurëmbë, ndeghughëri moritachera haase Erishambu ghano matiko, na kobhaha obhokindi ighoro yaache. Aghareeya e Mutëmi wiito Yesu Kirisito, ibhe haghirohamu na niinyu. [Hawubhaabha.]

1 Abhakorinto 1:2

ntokobhakëëri inyu abhaato bha riikanisa re Ryobha bhano moonyi mo‑moghya o Korinto. Eryobha ndebhahwire gho nchëra e Kirisito Yesu na kobhabherekera mubhe abhaato bhaache. Ntokobhakëëri inyu haghirohamu na abhaato bhoose bha chambaara choose bhano bhakomusabha Yesu Kirisito, uno niwe Omutëmi waabho no Omutëmi wiito itu bhoose.

1 Abhakorinto 1:30

Eryobha niryo rekobhaghöötani inyu na Kirisito Yesu. Iryo ndiköriri Kirisito abhe amangʼiini ghiito. Niko kobhugha kubha gho nchëra e Yesu ntobheere bha hëënë ambërë e Ryobha, na ntobheere abhatööbhiyu, wiiki ntoghotingoribhu.

1 Abhakorinto 14:33

Neekubha hangʼu, kinya enyi mo‑makanisa ghoose gha bhaato bha Ryobha, gho kubha Eryobha riito retaanyi re nyööri, amare n‑de murëmbë.

2 Abhakorinto 5:19

Niko kobhugha, gho kohetera gho Kirisito, Eryobha ꞉ndiitëmëëriini abhaato na ryo, na retabhabhariire abhaato obhobhe bhoobho. Wiiki Eryobha ndetoheere emeremo ghe kobhabhoorera abhaato amangʼana gha bhoghwani bhuyo.

Abhabhiribhi 1:10

kubha mubhönë ghoghiishereri ghaare ghaanyi gha hëënë. Hayo niho mookubha bheero, na motaanyi ni isörö mbagha orosiko ruure Kirisito aghugharuka.

Abhabhiribhi 1:6

Neenyi no obhuhëënë kubha Eryobha rino ꞉riisëëmiri emeremo mimangi mo‑metema gheenyu, ndekwëndërëra ghoghiköra mbagha reghehikeerani mo‑rosiko ruure Kirisito Yesu aghugharuka.

Abhabhiribhi 4:9

Mwëndërërë ghuköra ghaare mweghiri na ghoghasongʼaana koru ghokoone, ghaare ꞉mooghwire nebhughiri, hamu ꞉moorooche neraghaköra. Niho Eryobha rino rekobhaha omurëmbë, rekwëndërëra kubha haghirohamu na niinyu.

Abhakorosaayi 1:22

gho nchëra e mobhere o Kirisito, gho ghoku kooche. ꞉Naaköriri hangʼu kubha abharëëtë ambërë yaache moonyi bhatööbhiyu, motaanyi na angʼana koru eriisörö.

1 Abhatesaronike 2:19

꞉Ntwëëndiri kuucha bhowaanyu wiiki gho kubha, inyu niinyu abhatangi bha riitëngʼërö riito. Wiiki m‑bhawe abhatangi bha ghuchömëru na atuho yiito e bhokindi kwo Mutëmi Yesu araacha kuucha? Taanyi inyu?

1 Abhatesaronike 3:11

Ntokomusabha Waryobha, Taata wiito omwene, na Yesu Omutëmi wiito, atusëëmërë anchëra e kuucha bhowaanyu.

1 Abhatesaronike 3:13

Wiiki aköngʼi emetema gheenyu, kubha mubhe abhatööbhiyu, motabha ni isörö ambërë e Waryobha Taata wiito, eriibhagha akuucha Omutëmi wiito Yesu haghirohamu na abhatööbhiyu bhaache bhoose.

1 Abhatesaronike 4:3

Eryobha ndekwënda mubhe abhatööbhiyu, motighe ghuköra obhutaari.

1 Abhatesaronike 5:22

na mwibhareke amabhe ghoose.

2 Abhatesaronike 3:16

Ibheere, Omutëmi Yesu omwene uno anyi omutangi o murëmbë, abhe arabhaha omurëmbë eriibhagha ryose gho chanchëra haghare haghare. Iwe abhe haghirohamu na niinyu bhoose.

Abheebhuraaniya 13:20

Mbe, Eryobha re murëmbë ꞉ndeemoryokiri Omutëmi wiito Yesu, Omoriishi Omokoro o changʼöndu, gho ghiri ekubha ꞉niitiri amasaahë ghaache ghano ghahëënëhiri eriiraghano re miishe ghyose.

Abheebhuraaniya 2:11

Yesu haghirohamu na abhaato bhano akomusa amasari ghaabho, Ishe waabho n‑umu. Nikyo ghighëriri Yesu taanyi na chaasoni kobhabherekera kubha abhahiiri bhaache.

Abheebhuraaniya 4:12

Angʼana e Ryobha n‑ihöru wiiki neenyi na changuru ghokera ekinyamiino ekyeghi. Angʼana iyo, nehaangʼuuta omooto ehikera mo‑maghuha, nehaataani ebhyemo na amaghuta ghano ghaanyi‑mu. Wiiki nehaangohi kumënya amiihëëbhö gha mo‑motema o mooto, na kino akwënda.

Yakobho 1:4

Mubhe no obhuhëënë kubha moghoghumereri mbagha mo‑ntenero, kubha mubhe abhahëënë mo‑metema gheenyu, motaacha ghosuuheru ne egheghiro ghyokyose.

1 Bheetero 1:2

Korwera kare, Taata Waryobha nabhamënyiri na kobhaahura gho ghiri yaache. Akörö yaache nebhaköriri mubhe abhatööbhiyu, kubha momosooke Yesu Kirisito na komusu kwo masaahë ghaache. Nëköbhëëndëra aghareeya no omurëmbë kwo bhwaru, ghibhe na niinyu.

1 Bheetero 5:10

Eryobha rino reenyi na aghareeya yoose, ndebhabherekiire ghusanga obhokumi bhooche obhokoro bho miishe ghyose, gho ghughöötana na Kirisito. Amare moramara kunyaaka kwo riibhagha ighuhe, iryo eryene ndekobhaköngʼi, ndekobhaha changuru, na kobhaköngʼëërëri.

2 Bheetero 3:14

Gho ghayo abhasiighani bhaane, eriibhagha moghughanya orosiko ruure, mukörë ghwiköngʼi araacha kuucha abhönë moonyi no omukörö mwero motaanyi ne eriisari ambërë e Ryobha, na mubhe no omurëmbë.

Yuuta 1:1

Anyaarubha ino neyandëkiri eni Yuuta, omutamishi o Yesu Kirisito, no omonyi waache Yakobho. ˆNekabhaandëkëra inyu bhano mosiighiru na kobherekeru na Taata Waryobha, na ghochongu bhoheene na Yesu Kirisito.

Yuuta 1:24

Eryobha niryo reenyi no obhotoro bho kobhachonga motaacha kobhora. Wiiki ndeenyi no obhotoro bho kobharëëta ambërë yaache mo‑bhokumi bhooche obhokoro, moonyi no oghuchömëru, motaanyi no obhobhe bhobhoose.