1 Abhatesaronike 5:22 - Eriiraghano Eriihë

²² na mwibhareke amabhe ghoose.

1 Abhatesaronike 5:22 ပူးပေါင်းရင်းမြစ်များ

Abharuumi 12:17

Hano abhaato bhakobhakörëra amabhe, motarehani amabhe kwo mabhe. Amare eriibhagha ryose hano mookubha mokeere ghuköra ghyokyose kwo bhande, mwihëëbhë singa na mukörë ghaare ghakorighibhu kubha m‑machömu kwo bhaato bhoose.

1 Abhakorinto 8:13

Gho ghayo, aribha ekiinyakurë kino neekurë, ngeghughëri omokumi omughëndi waane akörë amasari, nteekurë koru hasuuhu ekiinyakurë kenga kiyo, kubha netaacha ghuköra omokumi omughëndi waane akörë amasari.

2 Abhakorinto 6:3

Totamuköriire omooto wowoose angʼana ino eghotora komuköra atukararere, kubha obhutamishi bhwito bhotaacha ghughambu kobhe.

Abhabhiribhi 4:8

Antenero, bhahiiri bhaane, motoore amiihëëbhö ghaanyu ghoose ighoro e mangʼana ghano ghaanyi gha hëënë, na amangʼana gha sooko, na amangʼana ghano ghataamara ghusangerani no obhobhe, na amangʼana gha ghotegheri, ghoose ghano ghaanyi no obhuchömu. Bhorabha-ho obhuhöriicho bhobhoose, bhorabha-ho obhokumi obhuchömu bhobhoose, moghiihëëbhërë amangʼana ghayo.

1 Abhatesaronike 4:12

Niho mookubha mwërëkiri orughëndö ruchömu ighoro e bhano bhataanyi Abhakirisito. Wiiki motabha abhaato bhano bhaghwitëngʼëra bhe bhande kwo mënda ghaanyu.

1 Abhatesaronike 5:21

amare moghasaki amangʼana ghoose gha bhurööti na ghughööta ghano ghaanyi machömu,

1 Abhatesaronike 5:23

Eryobha eryene niryo reghotuha omurëmbë, rebhamuse inyu mo‑ghoose. Reghechonge emetema gheenyu no obhuhöru bhoonyu ne emebhere gheenyu, kubha mubhe motaanyi ni isörö mbagha kohikera eriibhagha re kuucha Omutëmi wiito Yesu Kirisito.

Yuuta 1:23

Abhande mobhatoori gho kobhasara koru mo‑mororo o ghoteneru ekiina. Amare abhande mobharigheri changori, na mwikabhaahe, na mwisache no obhobhe bhoobho bhoose.