1 Abhatesaronike 5:2 - Eriiraghano Eriihë

² gho kubha inyu bheene mweche kubha orosiko ro kuucha Omutëmi, ndookubha ro ghutakani kinya omwibhi ahaacha obhotiko.

1 Abhatesaronike 5:2 ပူးပေါင်းရင်းမြစ်များ

Mataayo 25:13

Yesu akëëndërëra kobhabhoorera abhaanabheegha bhaache arabhugha, “Mbe, mubhe amiisho gho kubha moteeche orosiko, koru eriibhagha rino eni neghugharuka.”

Ruuka 21:34

“Mubhe miisho, motaacha ghokeyu no obhohobhaaru, no obhurëëbhi, na anyaako e riimanya rino. Wiiki moraanga kubha miisho, orosiko runo ro ntenero ndokobhahikera bhwango na kobhataki!

1 Abhakorinto 1:8

Iryo ndekobhaköngʼi mbagha mo‑ntenero kubha motaacha kubha ni isörö, orosiko ruure Omutëmi wiito Yesu Kirisito akuucha ghotenera ekiina abhaato.

1 Abhatesaronike 5:4

Mbe, inyu bhahiiri bhiito, orosiko ruyo rotaakobhataakani kinya omwibhi, gho kubha motaanyi mo‑kengʼuuri kinya abhande.

2 Abhatesaronike 2:2

motiitumata bhwango na kubha na ahaho kubha orosiko ro kuucha Omutëmi ndumariri kohika. Hamwabhe mooghwire amangʼana nyarebhe gha bhurööti, hamu ghano bhakuraghani, hande gha nyaarubha ino bhakwihëëbha kubha neruure ghokwito.

2 Bheetero 3:10

Orosiko ro Mutëmi ndokuucha kinya omwibhi. Orosiko ruyo, eriighoro ndeghusënu gho kerighito ghekoro, ebheghiro bhino bheenyi‑mu mbeghosireekereru kwo mororo, na ase yoose neghosireekerera haghirohamu ne ebheghiro bhyose bhino bheenyi‑mu.

Obhohunyurëru 16:15

Omutëmi Yesu nakobhugha, “Mööhi! Nekuucha kinya bhuure omwibhi ahaacha ataraghiini. Ngʼoni uno aghutënga na kobheeka changibho cheeche kubha ataacha ghughënda kingʼaabhi na ghosookibhu.”

Obhohunyurëru 3:3

Mohiite ghano mweghuru na ghano mooghwire, moghatambane bhoheene ghayo na motuukuune. Moraanga ghutënga, nekuucha kinya bhuure omwibhi ahaacha, koru motaakumënya eriibhagha rino nekuucha.