16 Mubhe morachömëru eriibhagha ryose,
gho kubha hangʼu nibhu ꞉bhaare bharabhanyaaki abharööti bhano ꞉bhaare‑ho hayo ekimbërë. Muchömëru na ghuchaghana, gho kubha Eryobha ndebhatooriire atuho inkoro Mwishaaro.
“Koru hangʼu, motasiighasiigha gho kubha emisambu ngekobhasooka. Amare, mosiighesiighe kwo ngʼana ino kubha, amariina ghaanyu ngamariri kwandëku Mwishaaro.”
Niho bhakamugharokeri bhakabhugha, “Oo Omutëmi, ntoghusabha otuhë ekiinyakurë kiyo chaasiko choose.”
Muchömëru gho kubha moonyi ne eriitëngʼërö re kubhöna ghoose ghano Eryobha ꞉reebharaghiire. Moghumereri mo‑nyaako ino ekobhabhöna, na mwëndërërë korisabha Eryobha.
Wiiki ntokorighibhu kinya ntwitumatiri, amare eriibhagha ryose ntoghuchömëru. Ntokorighibhu kubha m‑bhahabhe toonyi, amare abhaaru ntobhaamihiri. Ntokorighibhu kubha totaanyi na ghyokyose, amare ntoonyi ne ebheghiro bhyose.
Mbe, muchömëru chaasiko choose gho kubha inyu n‑abhaato bha Mutëmi Yesu moonyi! Wiiki nebhugha muchömëru!
