1 Abhatesaronike 4:8 - Eriiraghano Eriihë

⁸ Gho ghayo, omooto wowoose uno akwanga ameeghi ghano, taakomwanga omooto, amare nakoryanga Eryobha, rino rekobhaha inyu Akörö yaache Antööbhiyu.

1 Abhatesaronike 4:8 ပူးပေါင်းရင်းမြစ်များ

Ruuka 10:16

Akamara, Yesu akabhabhoorera abhaanabheegha bhaache akabhugha, “Omooto uno akobhatëghëërëra inyu, nantëghëëriire koru eni. Omooto uno akobhaanga inyu, koru eni nanyangiri. Wiiki uyo akonyanga eni, nakomwanga koru uno antomiri.”

Yohana 12:48

Omooto wowoose uno akonyanga eni haghirohamu na amangʼana ghaane, naanyi na uno akuucha komotenera ekiina. Amangʼana ghano nebhughiri nigho ghakuucha komotenera ekiina orosiko ro ntenero.

Amaköri gha Bhatomu 13:41

‘Inyu bhano moghutaraaha, mumööhërëri! Muhaghe mosireekerere, gho kubha neghuköra angʼana mo‑chaasiko cheenyu ino motaakoyekumi, koru nangabha omooto angabhabhoorera.’”

Abharuumi 5:5

Amiitëngʼërö ghayo ghataaghotora ghotosooki, gho kubha Eryobha ndehomiri obhosiighi bhooche mo‑metema ghiito, kohetera Akörö yaacheAhörëëru.

1 Abhakorinto 2:10

Amare itu, Eryobha ndetwërëkiri ghayo gho kohetera Akörö Ahörëëru, gho kubha Akörö Ahörëëru nehiisuncha ghoose, koru obhorwachi bho Ryobha bhuno bhobhisuru.

1 Abhakorinto 7:40

Amare ngʼoni omukari uyo asaaghe anyi omosino, ghokera ghokwiru. Ghayo n‑amiihëëbhö ghaane, wiiki neghwituuri kubha eni neenyi na Akörö e Ryobha ino eghunkangata ghosiikëra amangʼana ghayo.

2 Abhakorinto 1:22

na ghototoorera ekingʼöchö ghe kwërëki kubha itu n‑abhaato bhaache toonyi, gho ghotuha Akörö Ahörëëru mo‑metema ghiito, kubha ibhe ekimanyenkereri ghe kwërëki kubha, ghoose ghano returaghiire ndeghotuha.

Abhagharatiya 4:6

Eryobha ꞉ndeetomiri Akörö e Moona waache mo‑metema ghiito, gho kubha itu ntoonyi abhaana bha Ryobha. Akörö iyo niyo eghotuköra torebherekere Eryobha “Abha,” egheteemoro keeche “Taata.”

1 Bheetero 1:12

Eryobha ndebhahunyuriire abharööti bhayo kubha, amangʼana ghano ꞉bhaare bhararööta, ghataare ghaghaabho abheene, amare n‑gho ghiri yaanyu. Amangʼana ghano ꞉bhaabhughiri, nigho muraghaniiru na abhaato bhano bhabharëëtiire Angʼana Anchömu ighoro e Yesu Kirisito kwo bhotoro bho Akörö Ahörëëru ino etomuru koru Mwishaaro. Amangʼana ghayo, koru bhamarayika mbaghwighomba chwee ghoghamënya.

2 Bheetero 1:21

Nekobhugha hangʼu gho kubha, ghataanyi‑ho amangʼana gha bhurööti ghano ghakorwera mo‑miigha gha mooto. Amare abhaato ꞉mbaaruusiri obhurööti koru kwo Waryobha bharakangatu na Akörö Ahörëëru.

1 Yohana 3:24

Omooto wowoose uno aghosooka emeghiro ghe Ryobha, naanyi no obhumu naryo. Eryobha ryose ndeenyi haghirohamu nawe. Ntweche kubha Eryobha ndeenyi haghirohamu na niitu, gho kubha ntoonyi na Akörö Ahörëëru ino retoheere.

Yuuta 1:8

Nibhu bhaanyi abhaato bhano ꞉neebhughiri kubha bhataakoresooka Eryobha. Mbakurööta amaröötö ghano ghaghughëri bhaghonchi emebhere gheebho, mbakwanga obhotoro bho Ryobha na ghotoka bhamarayika.