1 Abhatesaronike 4:4 - Eriiraghano Eriihë

⁴ Inyu bhoose moghehiche emebhere gheenyu, mo‑bhutööbhiyu na mwisooke.

1 Abhatesaronike 4:4 ပူးပေါင်းရင်းမြစ်များ

Amaköri gha Bhatomu 9:15

Omutëmi akamobhoorera akabhugha, “Nooghi! Omooto uyo, nemwahwire abhe omutamishi waane, kubha ariraghani eriina reene kwo bhaato bha matöngö, na kwo bhatëmi bhaabho, koru na kwo Bhayahuuti abheene.

Abharuumi 1:24

Gho ghiri iyo, Eryobha ndebhatighiri bhabhe bharatambana amiigha ghaabho amabhe, bharakörërana amangʼana gha chaasoni mo‑mebhere gheebho.

Abharuumi 12:1

Ibheere abhahiiri bhaane, mweche kebhuno Eryobha reghotorigheri changori. Gho ghayo, ˆnekabhasasaama kubha, moruusi eriimanya reenyu kwo Waryobha. Mubhe kinya amaruusi ghano ghaanyi amahöru, na amatööbhiyu, ghano ghakoretegheri Eryobha. Ghuköra hangʼu, niyo anchëra e hëënë e korisëngëra.

Abharuumi 6:19

Nesiikiire na niinyu gho kuhökëri eghetuubhaani kino ke bhasësë, gho kubha inyu motaanyi bhango kumënya. Kare, moore moraruusi ebhyemo bheenyu gho ghuköra amangʼana amaghonchu, na moore abhasësë bha amasari, na amasari ghaanyu ꞉ngiiyëëngiire chwee. Amare ibheere, moriiruusi ebhyemo bheenyu kwo Waryobha, mubhe abhasësë bha mangʼana gha bhuhëënë, kubha morihökëri Eryobha gho körö imu.

1 Abhakorinto 6:15

Moteeche kubha emebhere gheenyu, n‑ebhyemo bhe mobhere o Kirisito? Kana, moghwituuri moghotora kwimoki ebhyemo bhe mobhere o Kirisito, na kobhighöötani no omobhere o musöngörëëri? Naabha, koru hasuuhu!

1 Abhakorinto 7:2

Amare gho ghiri e ghwisacha ghuköra obhutaari, omosubhe woose abhe no omukari waache omwene, wiiki omukari woose abhe no omosubhe waache omwene.

1 Abhakorinto 7:9

Amare aribha motaaghotora ghoghumereri, n‑kumangi bhakwire hamu ghokwiru, gho kubha ngʼoni ghuköra hangʼu ghokera ghwighomba amiigha gha mobhere.

2 Abhakorinto 4:7

Itu ntuhaabhuru obhwero bhuyo, nangabha toonyi kinya ebheghiro bhino bhebhomburu koru mwiröbhë. Ibheere imënyu kubha, changuru chaaru che koroghoori chino cheghuköra emeremo ghiyo chetaanyi chechiito, nchekoru kwo Waryobha.

Abhabhiribhi 4:8

Antenero, bhahiiri bhaane, motoore amiihëëbhö ghaanyu ghoose ighoro e mangʼana ghano ghaanyi gha hëënë, na amangʼana gha sooko, na amangʼana ghano ghataamara ghusangerani no obhobhe, na amangʼana gha ghotegheri, ghoose ghano ghaanyi no obhuchömu. Bhorabha-ho obhuhöriicho bhobhoose, bhorabha-ho obhokumi obhuchömu bhobhoose, moghiihëëbhërë amangʼana ghayo.

Abheebhuraaniya 13:4

Obhokwiri mbokwëndëru ghosooku na abhaato bhoose, wiiki omosubhe no omukari bhiikabhaahane no obhutaari gho kubha Eryobha ndekobhatenera ekiina abhaato bhoose bhano bhaghuköra obhutaari.

1 Bheetero 3:7

Inyu abhasubhe, mwikare na abhakari bhaanyu kwo bhongo, moramënya kubha bhataanyi ni inguru kinya inyu. Mobhatughe gho kobhasooka, gho kubha ibho bhoose mbaghughabha aghareeya e bhuhöru. Gho ghayo abhasubhe, mukörë hangʼu, kubha amasabhi ghaanyu ghatahööchërëru.