1 Abhatesaronike 4:3 - Eriiraghano Eriihë

³ Eryobha ndekwënda mubhe abhatööbhiyu, motighe ghuköra obhutaari.

1 Abhatesaronike 4:3 ပူးပေါင်းရင်းမြစ်များ

Mataayo 12:50

Gho kubha omooto wowoose uno aghuköra ghano ghaanyi amiigha gha Taata waane uno anyi Mwishaaro, uyo niwe omwito, na niwe yiima.”

Mataayo 15:19

Mo‑körö e mooto, nimu muyo ghakorwera amiihëëbhö amabhe, no obhwiti, no obhutaari, no obhwibhi, no obhwibhateri bho bhuröngö na amatoki.

Mataayo 5:32

Amare eni ˆnekabhabhoorera kubha, omooto wowoose uno akomotigha omukari waache aribha taanyi gho ghiri e bhutaari, naghuköra omukari waache kubha mutaari. Wiiki, wowoose uno akomokwira omukari uno ataaniri no omosubhe, woose n‑omutaari.

Mataayo 7:21

“Taanyi omooto woose uno akomboorera, ‘Oo Omutëmi, oo Omutëmi,’ uno aghusöha mo‑bhutëmi bho Mwishaaro. Amare omooto uno aghuköra amiigha gha Taata waane uno anyi Mwishaaro, uyo, niwe aghusöha.

Maariko 3:35

Gho kubha omooto wowoose uno aghuköra ghano ghaanyi amiigha gha Eryobha, uyo niwe omwito na niwe yiima.”

Yohana 4:34

Yesu akabhagharokeri akabhugha, “Ekiinyakurë keene n‑ghuköra amiigha gha uno antomiri, wiiki nimare emeremo gheeche.

Yohana 7:17

Omooto wowoose uno akwënda ghuköra amiigha gha Ryobha, nakumënya kubha ameeghi ghano gharuure kwo Waryobha, na kubha nteeghosiikëra amangʼana ghaane eni omwene.

Amaköri gha Bhatomu 15:20

Ntokwëndëru tobhaandëkërë anyaarubha e kobhabhoorera kubha, bhatarë ebhiinyakurë bhino bhiköruru kubha bheghonchu gho kuhëërana chasanaamu, bhataköra obhutaari, na bhatarë chaanyama che chatyenyi chino chinyëëturu, wiiki bhatarë amasaahë.

Amaköri gha Bhatomu 15:29

Motarë ebhiinyakurë bhino bhiköruru kubha bheghonchu gho kuhëërana chasanaamu, na motarë amasaahë koru chaanyama che chatyenyi chino chinyëëturu, na motabha moraköra ubhutaari. Aribha mookubha moriisacha ghayo, niho mookubha muköriri bhoheene ambërë e Ryobha. Masaraamu.”

Amaköri gha Bhatomu 20:32

“Ibheere nekabhatighera Eryobha ribhe niryo rekobhachonga. Mubhe morachongu na angʼana yaache ino enyi na aghareeya. Aghareeya yaache neghotora kobhaköngʼi, mbagha mubhönë aghabho ino bhatooriiru abhaato bhaache bhoose.

Amaköri gha Bhatomu 26:18

gho ghiri obhahunyure amiisho, mbagha bharu mo‑kengʼuuri bhiigharurere obhwero, na bharu mo‑bhukangati bho Rishambu, bhiigharurere Eryobha. Hangʼu niho bhakwabhëru amasari ghaabho, mbaakubha haghirohamu na abhande bhoose bhano bhamusuru gho nchëra e ghonkumi.’

Abharuumi 1:29

Mbiichwire amasari gha manga maaru, mbaghuköra amabhe haghare haghare, wiiki m‑bhiighombi bha bheghiro, na mbaanyi ne eriihari. Mbasiighiri eriihë, obhwiti no obhokobhooshani. Mbaghosiikëra obhuröngö na mbaanyi no omukörö mobhe. M‑bhari bha bhaato,

Abharuumi 12:2

Moteegha chaasughara che bhaato bha mo‑se ino, amare motighe Eryobha righarure emetema gheenyu, kubha mubhe na amiihëëbhö amahë. Hayo niho mokwegha kumënya kebhuno Eryobha rekwënda mukörë. Mokumënya n‑amangʼana ghaahë ghano ghaanyi amachömu, na ghano ghakoretegheri, wiiki na ghano ghahikeriine.

Abharuumi 6:22

Ibheere Eryobha ndebharuusiri koru mo‑kibhöhö ke masari, kubha motabha abhasësë bha masari wiiki. Amare ndebhaköriri kubha abhasësë bhaache, na kurëngʼaana na ghayo mobhwine obhwëra. Obhwëra bhuyo n‑korihökëri Eryobha gho körö imu na antenero yaache n‑ghosongʼaana obhuhöru bho miishe ghyose.

1 Abhakorinto 1:30

Eryobha niryo rekobhaghöötani inyu na Kirisito Yesu. Iryo ndiköriri Kirisito abhe amangʼiini ghiito. Niko kobhugha kubha gho nchëra e Yesu ntobheere bha hëënë ambërë e Ryobha, na ntobheere abhatööbhiyu, wiiki ntoghotingoribhu.

1 Abhakorinto 7:2

Amare gho ghiri e ghwisacha ghuköra obhutaari, omosubhe woose abhe no omukari waache omwene, wiiki omukari woose abhe no omosubhe waache omwene.

2 Abhakorinto 12:21

Neghotiina kubha eriibhagha nekuucha bhowaanyu wiiki, Eryobha reene ndeghuköra nerighi chaasoni ambërë yaanyu. Neekubha na amacheeche korighi abhaato bhaaru ghate yaanyu bhano ꞉bhaaköriri amasari ekeenyuma, bhakeere ghotuukuuna. Bhakeere bhaanyi na atëëmö imbe e bhutaari, no obhoghonchu na amangʼana aghande gha chaasoni ghano ꞉bhaare nagho.

Abhagharatiya 5:19

Mbe, amangʼana ghano ghaghuköru na amiigha amabhe ghano ghaanyi haheero, nigho ghano, obhutaari, no obhoghonchu, na ghuköra amangʼana gha chaasoni,

Abhaebheeso 5:17

Gho ghayo, motabha bhaghëëghë, amare mwiköngʼi ghoghamënya amiigha gha Mutëmi Yesu.

Abhaebheeso 6:6

Hano mookubha moraköra hangʼu, etabha kwo riibhagha rino bhakobharighi, kubha mwichömi ghokoobho. Amare, mobhasooke kinya abhasësë bha Kirisito, mubhe moraköra amënda gha Ryobha gho körö imu.

Abhakorosaayi 1:9

Gho ghiri iyo ntokobhasabhera chaasiko choose korwera riibhagha rino tooghwire amangʼana ghaanyu. Ntoghusabha kubha Eryobha rebhahë obhumënyi bhoose gho ghaare iryo rekwënda, na amangʼiini ghoose no obhumënyi koru mo‑Körö Ahörëëru.

Abhakorosaayi 3:5

Mbe, mute kurë amangʼana gha mo‑se ino ghano ghaanyi moose yaanyu, kinya obhutaari, no obhoghonchu, no omuraka, na amiihëëbhö amabhe, no oghwighomba ebheghiro. Obhwighombi bhonga hangʼu, n‑kinya ghusëngëra asanaamu taanyi Eryobha.

Abhakorosaayi 4:12

Ebhaabhura, omutamishi o Yesu Kirisito, no omooto o bhowaanyu, nakobhakëëri. Eriibhagha ryaru naghwiköngʼi kobhasabhera inyu kubha muköngʼëri, na muköngʼë mo‑chaakörö na kubha bhasubhesubhe gho ghoose ghano Eryobha rekwënda.

1 Abhatesaronike 4:2

Mweche bhoheene amaraghereri ghano ꞉toobharagheriiri kwo bhukangati bho Mutëmi Yesu.

1 Abhatesaronike 4:4

Inyu bhoose moghehiche emebhere gheenyu, mo‑bhutööbhiyu na mwisooke.

1 Abhatesaronike 5:18

Mwitabheri Eryobha mo‑ghoose, gho kubha ghayo nigho iryo rekwënda mubhe moraköra kinya bhuure Kirisito Yesu ꞉aköriri.

1 Abhatesaronike 5:23

Eryobha eryene niryo reghotuha omurëmbë, rebhamuse inyu mo‑ghoose. Reghechonge emetema gheenyu no obhuhöru bhoonyu ne emebhere gheenyu, kubha mubhe motaanyi ni isörö mbagha kohikera eriibhagha re kuucha Omutëmi wiito Yesu Kirisito.

2 Abhatesaronike 2:13

Mbe, itu ntokwëndëru koriitabheri Eryobha eriibhagha ryose gho ghiri yaanyu bhahiiri bhiito, inyu bhano mosiighiru no Omutëmi Yesu. Ntokwëndëru ghuköra hangʼu, gho kubha, nabhaahwire inyu korwera simoka, kubha mubhönë obhotoori. Obhotoori bhuyo mobhobhwine gho nchëra e Körö Ahörëëru ino ekobhamusa, na gho ghokumi obhuhëënë.

Tiito 2:14

꞉Niiruusiri gho ghiri yiito, kubha atotoori koru mo‑mabhe ghoose. ꞉Nëëndiri ghotomusa, kubha hëënë tubhe abhaato bhaache, bhano bhiiruusiri ghuköra amachömu.

Abheebhuraaniya 10:36

Mokwëndëru mubhe moraghumereri kubha eriibhagha mookubha moraköra ghano Eryobha rekwënda, mubhönë kiire Eryobha ꞉reebharaghiire kobhaha.

Abheebhuraaniya 12:16

Mubhe miisho kubha ataacha kubha‑ho omooto wowoose ghate yaanyu omutaari hamu uno ataakoresooka Eryobha kinya Esaawu. Iwe aghaghori omweya waache o bhutange gho ghiri e kiinyakurë ke riibhagha rimu hangʼu.

Abheebhuraaniya 13:21

Eryobha rebhakörë mohikeerane kwo mangʼana amachömu ghoose, mukörë ghano ghaanyi amiigha ghaache. Wiiki abhahë obhotoro bho ghuköra ghano ghakomuchömëri gho ghughöötana na Yesu Kirisito. Iwe aghongibhu emiishe ne emiishe. Hawubhaabha.

Abheebhuraaniya 13:4

Obhokwiri mbokwëndëru ghosooku na abhaato bhoose, wiiki omosubhe no omukari bhiikabhaahane no obhutaari gho kubha Eryobha ndekobhatenera ekiina abhaato bhoose bhano bhaghuköra obhutaari.

1 Bheetero 1:2

Korwera kare, Taata Waryobha nabhamënyiri na kobhaahura gho ghiri yaache. Akörö yaache nebhaköriri mubhe abhatööbhiyu, kubha momosooke Yesu Kirisito na komusu kwo masaahë ghaache. Nëköbhëëndëra aghareeya no omurëmbë kwo bhwaru, ghibhe na niinyu.

1 Bheetero 4:2

Gho nchëra iyo, eriimanya reeche ryose rino risaaghiri, nakumanya kurëngʼaana na bhuno Eryobha rekwënda, taanyi gho ghutambana amiigha gha bhaato.

1 Yohana 2:17

Ase haghirohamu na amiigha ghaache amabhe, mbekoheta. Amare wowoose uno aghuköra amënda gha Ryobha, naakubha no obhuhöru bho miishe ghyose.

Obhohunyurëru 21:8

Amare abhatiini, na bhano bhataakorekumi Eryobha, na bhano bhakorikarari Eryobha, na abhiiti, na abhataari, na abhaturutumbi, na abhasëngëri bha misambu, na abharöngö, bhayo bhoose ahaghiro haabho n‑anyancha e mororo muhaari chwee. Na ruyo niro oroko ro kabhere.”

Obhohunyurëru 22:15

Amare abhaturutumbi bhoose, na abhataari, na abhiiti, na bhano bhaghusëngëra emisambu na abhande bhoose bhano bhasiighiri ghosiikëra obhuröngö, mbaakubha anche e moghya uyo kinya chaseese.