1 Abhatesaronike 4:17 - Eriiraghano Eriihë

¹⁷ Niho itu bhano tookubha tusaaghiri toonyi abhahöru, ntoghusaru haghirohamu nabho mo‑mashaaro, kubha tomoturungʼanere Omutëmi mwighoro. Niho tookubha nawe haghirohamu emiishe ghyose.

1 Abhatesaronike 4:17 ပူးပေါင်းရင်းမြစ်များ

Mataayo 26:64

Yesu akamugharokeri akabhugha, “Niiye ˆokabhugha. Amare ˆnekabhabhoorera kubha, korwera ibheere mokondighi eni uno neenyi Omoona o Mooto niikeere mo‑kubhökö gho kwiro kwo Ryobha rino reenyi na changuru choose, neraacha mo‑mashaaro gha mwishaaro.”

Maariko 14:62

Yesu aghagharokeri akabhugha, “Eni niwe. Wiiki mokondighi eni uno neenyi Omoona o Mooto niikeere mo‑kubhökö gho kwiro kwo Ryobha rino reenyi na changuru choose, neraacha mo‑mashaaro gha mwishaaro.”

Yohana 12:26

Omooto wowoose uno akwënda kuuhökëri eni, nekwëndëru antambane. Wiiki hohoose hano neekubha, hayo niho no omutamishi waane akubha. Taata nakomosooka omooto wowoose uno akuuhökëri eni.

Yohana 14:3

Eriibhagha neeghuye na kobhasëëmëra obhwikari, nekuucha wiiki kobhiimoki kubha ahaghiro hano neekubha, na niinyu mubhe‑ho.

Yohana 17:24

“Oo Taata, nekwënda kubha bhano oheere bhabhe haghirohamu na neeni hano neekubha, kubha bhabhorighi obhokumi bhoone obhokoro bhuno oheere, gho kubha ꞉nuushamiri ghonsiigha koru ase ekeere ghutëëmu.

Amaköri gha Bhatomu 1:9

Hano Yesu amariri kobhabhoorera abhatomu bhaache ghayo, bhoose bhaakabha bharamumööhërëri, hayo hayo aghaghëghu ghuye Mwishaaro. Erishaaro rekamobhisa, bhataamorooche wiiki.

Amaköri gha Bhatomu 8:39

Hano bharuure mo‑manche, Akörö e Mutëmi ekamusara Bhiiribho. Omokoro uyo tamorooche wiiki, amare iwe akëëndërëra no orughëndö rooche ino arasiighasiigha.

1 Abhakorinto 15:52

Riyo ndekorwera kwo riibhagha ighuhe, kinya omooto ahaatëmitëmi amiisho, eriibhagha rino antaara e ntenero eghughamba. Eriibhagha riyo abhaku mbakoryokibhu na mbaakubha ne emebhere ghino ghetaaghusarëka wiiki, na niitu bhano tokeere toonyi abhahöru, ntoghugharoru.

2 Abhakorinto 5:8

Hëënë ntoonyi ne eriitëngʼërö, wiiki ntokorighi n‑ngʼoni ntongatighiri emebhere ghino, toghi ghwikara no Omutëmi.

Abhabhiribhi 1:23

Nekorutu ghate e mangʼana abhere. Neghwighomba koru mo‑se ino, niikare haghirohamu na Kirisito. Rino niryo nekorighi ichömu chwee ghokoone.

1 Abhatesaronike 3:13

Wiiki aköngʼi emetema gheenyu, kubha mubhe abhatööbhiyu, motabha ni isörö ambërë e Waryobha Taata wiito, eriibhagha akuucha Omutëmi wiito Yesu haghirohamu na abhatööbhiyu bhaache bhoose.

1 Abhatesaronike 4:15

Mbe, ghano tokobhabhoorera n‑ameeghi gha Mutëmi Yesu, kubha itu bhano tookubha abhahöru hano akuucha ghugharuka, totaakobhakangata bhano bhamariri ghoku.

1 Abhatesaronike 4:18

Ibheere mubhe morighambisani kwo mangʼana ghayo.

1 Abhatesaronike 5:10

Uyo niwe akuure gho ghiri yiito, kubha tumanye haghirohamu nawe, ibhe toonyi abhahöru hamu tokuure.

2 Bheetero 3:13

Amare itu ntoghughanya erishaaro eriihë na ase ahë kinya bhuno ꞉reeturaghiri, ahaghiro hano hiichwire obhuhëënë.

Obhohunyurëru 1:7

Mumööhi! Nakuucha mo‑mashaaro! Abhaato bhoose mbakomorighi, koru abhaato bhaare ꞉bhaamongʼuutiri eriitimo. Amatöngö ghoose mo‑se ngakwihiinyërëra gho ghiri yaache. Hëënë, neekubha hangʼu. Hawubhaabha.

Obhohunyurëru 11:12

Bhakamara, abhiibhateri bhayo bhabhere bhakooghu eriiraka ikoro koru Mwishaaro rerabhugha, “Muuche ino ighoro!” Bhoose bhaghituumuka ghuye Mwishaaro bhiinaariiru ne erishaaro, ino abhabhisa bhaabho bharabhamööhërëri.

Obhohunyurëru 12:5

Akamara omukari uyo akiibhora omoona o ghesiite. Omoona uyo nakuucha ghukangata amatöngö ghoose gha se kwo himbo e kyoma. Amare hano oghuchöka ghuyo ghoore ghokeere komure, omoona uyo aghasaru, akahiru kwo Waryobha na mo‑ghetumbe keeche ghe ghitëmi.