1 Abhatesaronike 4:13 - Eriiraghano Eriihë

¹³ Inyu bhahiiri bhiito, ntokwënda mumënyë ghano ghakorwera mo‑Bhakirisito bhano bhakuure, kubha motabha na amacheeche ke bhaato abhande bhano bhataanyi na amiitëngʼërö gha koryoka.

1 Abhatesaronike 4:13 ပူးပေါင်းရင်းမြစ်များ

Mataayo 27:52

Chambeehera chekahunyuka ne emebhere myaru ghe bhatööbhiyu bha Ryobha bhano ꞉bhaare bhakuure ghekaryoka.

Yohana 11:24

Marita akabhugha, “Oo Omutëmi, nyeeche kubha Eryobha eriibhagha rekobharyoki abhaato bhoose mo‑rosiko ro ntenero, woose nakoryoka na kubha muhöru wiiki.”

Amaköri gha Bhatomu 13:36

“Hano Tawuti are amariri kohikeerani amënda gha Ryobha mo‑rwibhoro rooche, aghaku. Akaryeku haghuhe na bhiishakoro, iwe omobhere waache okabhusha.

Amaköri gha Bhatomu 7:60

Akamara akabhuna ebheru, aghakuura kwo riiraka ikoro, “Omutëmi, otabharööna kwo masari ghaabho ghano.” Hano amariri kobhugha ghayo, aghaku.

Amaköri gha Bhatomu 8:2

Bhakamara abhaato bhano ꞉bhaare bhasookiri Eryobha bhakamoryeka Siteebhano na kwihiinyërëra chwee.

Abharuumi 1:13

Abhahiiri bhaane, nekwënda mumënyë kubha, mara kaaru neere nërëënda kuucha bhowaanyu, amare mbagha ibheere nihööchëriiru. Nekwënda niiche bhowaanyu, kubha nerute abhaato bha bhowaanyu hayo bhatambane Omutëmi Yesu, kinya bhuno ꞉niiköriri kwo bhaato abhande bha matöngö.

1 Abhakorinto 10:1

Abhahiiri bhaane, nekwënda mohiite kubha, eriibhagha bhasookoro bhiito bharuure Miisiri, bhoose mbaare bharakangatu ne erishaaro, wiiki bhoose ꞉mbaahetiri ghateghate e nyancha.

1 Abhakorinto 12:1

Ibheere abhahiiri bhaane, ˆneghasiikëra ighoro e bhihaano bhino bheekoru mo‑Körö Ahörëëru, gho kubha nekwënda mobhimënyë bhoheene.

1 Abhakorinto 15:6

Akamara akiyëërëkani kwo bhakumi bhano ꞉bhaare haghirohamu, mbaare bharakera amaghana ataano. Abhaaru ghate yaabho koru ibheere m‑bhahöru bhakeere, amare abhaaru mbamariri ghoku.

2 Abhakorinto 1:8

Abhahiiri bhiito, ntokwënda mumënyë kinya bhuno ꞉tuunyaakiri mo‑mukööwa o Asiya. ꞉Ntoobhwine nyaako inkoro chwee ino etokindiri, koru tokiihëëbha kubha ntongakuure.

Abhaebheeso 2:12

Mohiite kubha, eriibhagha riire motamumënyiri Kirisito, moore mwahukiine na abhaato bha Ryobha Abhiisiraeri, moore abhaghëni ghate yaabho. Inyu motaare no omubharo wowoose mo‑riiraghano riire abharaghiire. ꞉Muumanyiri mo‑se motaanyi ne eriitëngʼërö koru motaare ne Eryobha.

Abhaebheeso 2:3

Hayo kare koru itu bhoose ntoore kinya ibho, ntumanyiri gho ghutambana amiigha gha simoka yiito e masari, na ghuköra amangʼana ghano ꞉ghaare gharachömëri omobhere na amiihëëbhö ghiito. ꞉Ntwibhwiru na atëëmö e masari kinya abhaato abhande, gho ghayo, Eryobha ndeere retukarariire na nturëngʼaaniire kuhaabhu anchagho.

1 Abhatesaronike 4:14

Itu, ntweche kubha Yesu ꞉naakuure, akaryoka. Hangʼu hangʼu ntoghwitëngʼëra kubha Eryobha ndekobharyoki abhaato bhoose bhano bhakuure mo‑bhokumi, mbakuucha haghirohamu nawe.

1 Abhatesaronike 4:15

Mbe, ghano tokobhabhoorera n‑ameeghi gha Mutëmi Yesu, kubha itu bhano tookubha abhahöru hano akuucha ghugharuka, totaakobhakangata bhano bhamariri ghoku.

1 Abhatesaronike 5:10

Uyo niwe akuure gho ghiri yiito, kubha tumanye haghirohamu nawe, ibhe toonyi abhahöru hamu tokuure.

1 Abhatesaronike 5:6

Ibheere totamisi chandöörö ke bhaato abhande, amare tubhe miisho na kubha ne ekirëngërë.

2 Bheetero 3:4

bharabhugha kubha, “Kirisito ꞉naaraghiri kubha naghugharuka! Ibheere hayi anyi? Korwera bhasookoro bhiito bhaku, amangʼana m‑bhuure bhuure ghaanyi kinya bhuno ꞉ghaare korwera simoka e se!”

2 Bheetero 3:8

Amare, abhasiighani bhaane, moteebhu angʼana ino kubha, kwo Mutëmi Waryobha, orosiko rumu n‑kinya emeeka egheku kimu, ne emeeka egheku kimu ghokooche n‑kinya orosiko rumu.