1 Abhatesaronike 4:11 - Eriiraghano Eriihë

¹¹ Mwiköngʼi chwee kumanya eriimanya re murëmbë. Omooto wowoose atiisöhi mo‑mangʼana gha bhande, amare akörë omoremo waache omwene, kinya bhuno tobharagheriiri.

1 Abhatesaronike 4:11 ပူးပေါင်းရင်းမြစ်များ

Maariko 13:34

“Kuucha kooche ngotuubhiine no omooto uno aghuköra orughëndö. Akabha abhatighiri abhasësë bhaache bhamumööhëri aka yaache bhoheene. Akabhahööhi mooto woose omoremo o ghuköra. Akamara omochongi o mo‑kehita akamuraghereri akabhugha, atenge.”

Amaköri gha Bhatomu 18:3

Mbe, gho kubha Bhawuro naare araköra omoremo o ghotuma amahëëma kinya ibho, niho aghiikara mo‑ka yaabho bhaakabha bharahöki haghirohamu.

Amaköri gha Bhatomu 20:35

Gho ghayo, neere nerabhëërëki kubha ntokwëndëru tubhe torahöki kwo bhigheri, kubha tubhönë ebheghiro bhe kobhatoori abhaato bhano bhataaghotora. Eriibhagha ryose mohiite amangʼana ghano Omutëmi Yesu omwene abhughiri, ‘Ngʼoni abhaato bhano bhakoruusi, ghokera bhano bhakuhaabhu.’”

Abharuumi 12:11

Motabha abhatöbhu gho ghuköra emeremo ghe Ryobha, amare mukangatu na Akörö Ahörëëru ghuköra emeremo ghiyo kwo mukörö woose, gho komuhökëri Omutëmi Yesu.

Abharuumi 15:20

Mo‑ghayo ghoose, neghwiköngʼi kuraghani Angʼana Anchömu ahaghiro hano abhaato bhataamara bharaghaneru angʼana ighoro e Kirisito. Neghuköra hangʼu, kubha netagharukera ghusëëmi emeremo obhuhë ahaghiro hano omooto owonde amariri ghuköra.

1 Abhakorinto 4:12

Ntoghuköra emeremo ghiito gho ghwiköngʼi chwee kwo mabhökö ghiito itu bheene. Hano abhaato bhaghototoka, ntokobhiitabheri. Hano bhaghotunyaaki, ntoghoghumereri.

2 Abhakorinto 5:9

Mbe, tubhe mo‑mebhere ghino, hamu totabha mo‑mebhere ghino, ekebhune kiito n‑komuchömëri Omutëmi.

Abhaebheeso 4:28

Uno are ariibha atagharokeri kwibha wiiki, amare akörë emeremo ghino ghiishereriiru kwo mabhökö ghaache omwene, abhönë egheghiro ghe komuhööhi uno ataghöötë.

1 Timotewo 2:2

Mokwëndëru kobhasabhera abhatëmi na abhande bhoose bhano bhaanyi mo‑bhukangati, kubha tumanye kwo murëmbë, torisëngërë Eryobha na ghuköra ghano ghakwëndëru ambërë yaache.

1 Timotewo 5:13

Abhasino bhayo, mbanariri atëëmö e bhutöbhu, bhariinaaranaara mo‑chaaka che bhaato. Wiiki, m‑bhakobhooshani, mbaghwisöhi mo‑mangʼana gha bhaato abhande, na ghosiikëra ghano ghataakubha.

Tiito 3:14

Abhakumi bhaghëndi bhiito nabho, bheeghe ghuköra amachömu, kubha bhabhatoori bhano bhaanyi na amënda gha hëënë. Bharaköra hangʼu, eriimanya reebho ndeekubha no obhwëra.

1 Bheetero 3:4

Amare oghwichöcha koonyu ghusëëmërë mo‑metema gheenyu, obhuchömu bhuno bhotaaghotora ghusarëka koru ghokunguha. Obhuchömu bhuyo, n‑kubha no omukörö omuhöriicho no obhuhörëëru, na nibho obhuchömu bhuno bhoonyi no obhwëra bhokoro mo‑miisho gha Ryobha.

1 Bheetero 4:15

Mbe, anyaako yaanyu etaacha korwera gho ghiri e bhwiti, no omwibhi, na ghuköra amabhe hamu ghwisöhi mo‑mangʼana gha bhande.