1 Abhatesaronike 4:1 - Eriiraghano Eriihë

¹ Ibheere bhahiiri bhiito, mweghiri koru ghokwito bhuno mokwëndëru kumanya, gho ghiri e korichömëri Eryobha. Na mahëënë eriimanya reenyu hangʼu reenyi. Ibheere, ntokobhasabha na ntokobhasasaama kwo bhukangati bho Mutëmi Yesu kubha, mubhe moraköra hangʼu na ghokera hayo.

1 Abhatesaronike 4:1 ပူးပေါင်းရင်းမြစ်များ

Yohana 15:2

Eghisaghe ghyokyose moose yaane kino ghetaaghusönga amakorobhese, Taata nahaakenunga. Amare eghisaghe ghyokyose kino ghetaaghusönga amakorobhese, Taata nahaaghiköngöörëra kubha kyëngërë ghusönga.

Amaköri gha Bhatomu 20:27

gho kubha ghano ghoose Eryobha reere rërëënda mumënyë, nebhabhooriire ghoose netaanyi na ahaho yoyoose.

Abharuumi 8:8

Gho ghayo, abhaato bhano bhaghukangatu na simoka yaabho e masari, bhataaghotora korichömëri Eryobha.

1 Abhakorinto 11:23

Ameeghi ghano nesongʼaaniri koru kwo Mutëmi Yesu, nigho ꞉neebhaheere inyu kubha, obhotiko bhuure Yesu igharoriinu, akiimoki omughaate,

1 Abhakorinto 15:1

Ibheere, abhahiiri bhaane, nekobhahiiti Angʼana Anchömu ino ꞉niiraghiini ghokoonyu, na niinyu mokayesongʼaana. Iyo niyo ekobhaköra mwimeerere muköngʼiiri.

1 Abhakorinto 15:58

Mbe, abhahiiri bhaane abhasiighani, muköngʼëri mo‑bhokumi bhuyo, motaku omukörö. Mwëndërërë ghuköra emeremo ghe Mutëmi gho ghwiköngʼi chaasiko choose, gho kubha mweche kubha emeremo ghino moghuköra gho ghiri e Mutëmi, ghetaanyi ghe bhoowa.

2 Abhakorinto 10:1

Mbe, abhande mbakobhugha kubha, eni Bhawuro m‑muhörëëru neenyi hano neekubha haghirohamu na niinyu, na kubha muhaari neenyi hano neekubha kurë na niinyu. Amare eni ˆnekabhasasaama kwo bhunyööhu na kwo bhuhörëëru bho Kirisito.

2 Abhakorinto 13:11

Ibheere, abhahiiri bhaane, masaraamu! Mubhe bhaghöröröku, na mwighambisani, na mubhe no obhumu, na mubhe no omurëmbë. Eryobha ryose rino reenyi no obhosiighi no omurëmbë ndeekubha haghirohamu na niinyu.

2 Abhakorinto 5:9

Mbe, tubhe mo‑mebhere ghino, hamu totabha mo‑mebhere ghino, ekebhune kiito n‑komuchömëri Omutëmi.

2 Abhakorinto 6:1

Ibheere, gho kubha ntokuhöki emeremo haghirohamu ne Eryobha, ntokobhasasaama kubha aghareeya e Ryobha ino mosongʼaaniri, motayetigha ebhore bhoowa.

Abhagharatiya 6:1

Abhahiiri bhaane, aribha moramënya kubha mughëndi waanyu nataasiri, inyu bhano moghukangatu na Akörö Ahörëëru, momoshaangʼi na komuhööcha kwo bhuhörëëru. Amare mwikabhaahe, motaacha ghusakibhu kubha na atëëmö kinya e yaache.

Abhaebheeso 4:1

Mbe, eni uno nibhöhuru gho ghiri e komuhökëri Omutëmi, nekobhasasaama mubhe na asughara ino ekurëngʼaana na amberekerera yaanyu ino Eryobha ꞉reebhabherekeriire.

Abhaebheeso 4:20

Amare inyu taanyi hangʼu mweghiri ighoro e Kirisito.

Abhaebheeso 5:17

Gho ghayo, motabha bhaghëëghë, amare mwiköngʼi ghoghamënya amiigha gha Mutëmi Yesu.

Abhabhiribhi 1:27

Angʼana e hëënë n‑kubha, atëëmö yaanyu irëngʼaane na Angʼana Anchömu e Kirisito. Hano nekuucha kobharighi hamu nenganga kuucha, nibhe nerooghu kubha mokwëndërëra kwimeerera muköngʼiiri na kubha no obhumu, wiiki haghirohamu moonyi gho kunyaakera obhuhëënë bho Angʼana Anchömu bhuno toghokumi.

Abhabhiribhi 1:9

Mbe, nekobhasabhera kwo Ryobha kubha, obhosiighi bhoonyu bhwëndërërë kwiyëngëra chwee, wiiki mubhe na amangʼiini no obhongo,

Abhabhiribhi 3:14

Mbe, neghwiköngʼi mo‑rughëndö kubha nehike mo‑ntenero na kuhaabhu atuho yaane. Atuho iyo niyo amberekerera e Ryobha gho nchëra e Kirisito Yesu.

Abhakorosaayi 1:10

Niho moghotora kumanya kebhuno Omutëmi Yesu akwënda, na komotegheri mo‑mangʼana ghoose. Eriimanya reenyu ndekomotegheri kwo meremo gheenyu emichömu, wiiki moghwiköngʼi korimënya Eryobha.

Abhakorosaayi 2:6

Mbe, gho ghayo, kinya bhuure momwisheriiri Kirisito Yesu kubha Omutëmi, mwëndërërë kumanya gho ghughöötana nawe.

1 Abhatesaronike 3:12

Omutëmi abhëëngërë obhosiighi na köbhëëngërëërëri ghosiighana inyu bheene na kobhasiigha abhande bhoose, kinya itu tobhasiighiri inyu.

1 Abhatesaronike 4:2

Mweche bhoheene amaraghereri ghano ꞉toobharagheriiri kwo bhukangati bho Mutëmi Yesu.

1 Abhatesaronike 5:12

Ibheere bhahiiri bhiito, ntokobhasabha mobhasooke bhano bhakobhatoori inyu, na kobhakangata kwo bhukangati bho Mutëmi Yesu na kobhatöngëra.

2 Abhatesaronike 1:3

Abhahiiri bhiito, nekwëndëru koriitabheri Eryobha eriibhagha ryose gho ghiri yaanyu, gho kubha obhokumi bhoonyu mbokwiyëëngëra chwee, wiiki ghosiighana koonyu ngokwiyëëngëra.

2 Abhatesaronike 2:1

Ibheere abhahiiri bhiito, ntokobhaandëkëra ighoro e kuucha kwo Mutëmi wiito Yesu Kirisito na bhuure toghwikomana ghokooche. Ntokobhasabha kubha,

2 Abhatesaronike 3:1

Ibheere abhahiiri bhiito, motusabhere kubha angʼana e Mutëmi Yesu yëndërërë ghusancha bhwango, wiiki abhaato bhayesongʼaane gho sooko, kinya bhuure enyi ghokoonyu.

2 Abhatesaronike 3:13

Amare inyu abhahiiri bhiito, motaku omukörö ghuköra amachömu.

1 Timotewo 5:21

ˆNeghakuraghereri ambërë e Ryobha, na ambërë e Kirisito Yesu na bhamarayika abhaahöru kubha, ughöötërërë ghayo. Otatena ekiina kwo bhwango hamu kuraarëra eribhaara rimu.

2 Timotewo 4:1

ˆNeghakuraghereri ghano ambërë e Ryobha na ambërë e Kirisito Yesu, uno aghotenera ekiina abhaato abhahöru na bhano bhakuure. Kirisito Yesu niwe akuucha ghukangata ase ino anyi Omutëmi.

Abheebhuraaniya 11:6

Taanyi‑ho omooto uno aghotora koretegheri Eryobha aribha ataanyi no obhokumi. Omooto woose uno akwënda korisëngëra Eryobha, nakwëndëru ghokumi kubha Eryobha ndeenyi‑ho, na kubha ndekobhaha atuho bhano bhaghwiköngʼi koritabhara.

Abheebhuraaniya 13:16

Mwëndërërë kobhatoori abhaghëndi na ghusanga nabho ebheghiro bhino moonyi nabhyo, gho kubha ghuköra hangʼu, nigho amaruusi ghano ghaghuchömëri Eryobha.

Abheebhuraaniya 13:22

Inyu abhahiiri bhaane, ˆnekabhasasaama chwee mughöötë amangʼana ghano nebherekeriiri, gho kubha nebhaandëkiire kwo bhoghuhe.

2 Bheetero 3:18

Amare mwëndërërë ghokora mo‑ghareeya na gho komumënya Omutëmi no Omotoori wiito Yesu Kirisito. Aghongibhu, ibheere ne emiishe ghyose! Hawubhaabha.

1 Yohana 3:22

Wiiki ghyokyose kino tokorisabha ndeghotuha, gho kubha ntoghoghesooka emeghiro gheeche na ghuköra ghano ghakorichömëri.