1 Abhatesaronike 3:4 - Eriiraghano Eriihë

⁴ Mweche ghayo, gho kubha hano toore haghirohamu na niinyu, ntoore torabhabhoorera kubha ntokunyaakibhu, na hangʼu ghabheere.

1 Abhatesaronike 3:4 ပူးပေါင်းရင်းမြစ်များ

Mataayo 24:25

Mubhe amiisho gho kubha ˆnekabhabhoorera ghayo ghakeere korwera.

Amaköri gha Bhatomu 17:1

Ibheere Bhawuro na Siira bhaaghaye bhakahetera mo‑moghya o Ambibhoori, na Abhoroniya, mbagha bhakahika mo‑moghya o Tesaronike. Hayo Tesaronike ndeere‑ho erisinaghooghi re Bhayahuuti.

Amaköri gha Bhatomu 17:13

Mbe, Abhayahuuti bha iyo Tesaronike, hano bhamënyiri kubha Bhawuro nakweghi angʼana e Ryobha iyo Bherooya, bhaaghaye iyo. Bhaghaseeghereri erikinda re bhaato bhano ꞉bhaare hayo, mbagha hakarwera anyööri yaaru.

Amaköri gha Bhatomu 20:24

Koru neraku, taanyi gheghiro ghokoone. Kino nekwënda nehikeerani omoremo uno Omutëmi Yesu aheere nikörë. Omoremo uyo, n‑kuraghaneri abhaato Angʼana Anchömu e ghareeya e Ryobha.

1 Abhatesaronike 2:14

Bhahiiri bhiito, ghaare ꞉ghaabhabhwine abhaato bhano bhamokumiri Kirisito Yesu mo‑makanisa gha Ryobha mo‑mukööwa o Yuteya, nigho ghayo ghayo ˆghakabhabhöna na niinyu. Abhaato bhaanyu mbabhanyaakiri, bhuure bhuure kinya ibho Abhayahuuti bhaghëndi bhaabho ꞉bhaabhanyaakiri.

1 Abhatesaronike 2:2

Wiiki mweche kubha hano toore tokeere kohika bhowaanyu, ntunyaakibhuru na ghotoku mo‑moghya o Bhiribhi. Nangabha bhowaanyu ꞉haare haköngʼu chwee, Eryobha reghatuha changuru che kobharaghaneri Angʼana Anchömu ighoro e Yesu kwo bhosubhesubhe.

2 Abhatesaronike 2:5

Nyeeche motaakohiita kubha hano neere haghirohamu na niinyu, neere nerabhabhoorera ghayo ghoose.

2 Abhatesaronike 3:10

Wiiki hano toore haghirohamu na niinyu, ꞉ntoobharaghëriiri kubha, “Omooto wowoose uno ataakwënda ghuköra emeremo, ataraaghëra.”