1 Abhatesaronike 3:2 - Eriiraghano Eriihë

² tomotome Timotewo mohiiri wiito, kubha ache abhaköngʼi na kobhatoora omukörö mo‑bhokumi bhoonyu. Iwe n‑omutamishi mughëndi wiito o Ryobha gho kuraghani Angʼana Anchömu ighoro e Kirisito.

1 Abhatesaronike 3:2 ပူးပေါင်းရင်းမြစ်များ

Amaköri gha Bhatomu 16:1

Bhawuro aghaye mo‑meghya ghe Teeribhe na Risitura. Iyo Risitura naare‑ho omoonamwegha umu o Yesu, eriina reeche Timotewo. Nyina Muyahuuti are, woose naare amokumiri Yesu, amare ishe m‑Moyunaani are.

Amaköri gha Bhatomu 16:5

Hangʼu niho abhaato bha makanisa ꞉bhëëndëriire ghuköngʼëri mo‑bhokumi. Ekirëngërë ke Bhakirisito nkeere keriyëngëra chaasiko choose.

Amaköri gha Bhatomu 18:5

Hano Siira na Timotewo ꞉bhaare bhahikiri hayo, koru Maketoniya, Bhawuro aghasëëma kuhökëri eriibhagha reeche ryose kweghi Abhayahuuti angʼana e Ryobha, arabhabhoorera kubha Yesu niwe Kirisito.

Abharuumi 16:21

Timotewo, omutamishi omughëndi waane, nakobhakëëri. Wiiki, Abhayahuuti abhaghëndi bhaane, Rukiyo, na Yasooni na Sosibhaatiro, mbakobhakëëri.

1 Abhakorinto 3:10

Gho ghareeya ino Eryobha reheere, eni nyabhëkiri obhoroso kinya omwabhëki omukaari na uno anyi na amangʼiini, no omooto owonde nakwabhëka ighoro e bhoroso bhuyo. Amare ibheere, omooto woose amööhërëri bhoheene, kebhuno akwabhëka ighoro e bhoroso bhuyo,

1 Abhakorinto 4:17

Gho ghayo nemotomiri Timotewo, omoona waane omosiighani mo‑bhokumi, uno anyi omuhëënë mo‑meremo ghe Mutëmi. Iwe nakobhahiiti ghano eni neghutambana mo‑bhughöötani bhoone na Kirisito, ghano nekweghi abhaato ahaghiro hoose mo‑makanisa ghoose.

2 Abhakorinto 1:1

Anyaarubha ino neyandëkiri eni Bhawuro, omotomu o Kirisito Yesu kwo mënda gha Ryobha. Eni haghirohamu na Timotewo, mohiiri wiito mo‑bhokumi, ntokobhaandëkëra inyu bhano moonyi mo‑riikanisa re Ryobha re mo‑moghya o Korinto. Ntokobhaandëkëra inyu haghirohamu na abhaato bhoose bha Ryobha bhano bhaanyi mo‑mukööwa o Akaaya.

2 Abhakorinto 1:19

Neghosiikëra hangʼu, gho kubha Kirisito Yesu, Omoona o Ryobha, uno eni, na Sirwano, na Timotewo ꞉toomuraghiini ghokoonyu, taare omooto o kobhugha, “Hee,” eriibhagha erimu, ne erende abhughe, “Tiyaanyi.” Amare ghokooche eriibhagha ryose n‑kobhugha, “Hee.”

2 Abhakorinto 2:12

Ibheere, hano nehikiri mo‑moghya o Torowa kuraghani Angʼana Anchömu ighoro e Kirisito, nekabhöna Omutëmi amariri ghunkörëra anchëra e ghuköra emeremo gheeche hayo.

2 Abhakorinto 2:13

Amare nteere no omurëmbë mo‑körö yaane, gho kubha ntemorooche omohiiri waane Tiito. Gho ghayo nekabharagha neghatanura ghuye Maketoniya.

2 Abhakorinto 8:23

Ibheere aribha omooto akwënda kumënya amangʼana gha Tiito, iwe m‑mughëndi waane, uno aghuköra emeremo haghirohamu na neeni gho ghiri e kobhasakeri inyu. Na aribha omooto akwënda kumënya amangʼana gha bhande bhano bhiichiri haghirohamu nawe, bhayo n‑abhahiiri bhiito, mbatomuru na amakanisa, bhoose mbakomoghongi Kirisito.

Abhabhiribhi 1:25

Eni neenyi no obhuhëënë bho angʼana ino, nyeeche kubha nekwëndërëra kumanya mo‑se ino. Wiiki neekubha haghirohamu na niinyu, kubha nebhatoorereri muköngʼëri na muchömëru mo‑bhokumi bhoonyu.

Abhakorosaayi 1:1

Anyaarubha ino neyandëkiri eni Bhawuro, omotomu o Kirisito Yesu kwo mënda gha Ryobha, neenyi haghirohamu na Timotewo, mohiiri wiito mo‑bhokumi.

Abhakorosaayi 1:7

꞉Mweeghiri Angʼana Anchömu iyo koru o‑Ebhaabhura. Iwe naghuköra emeremo kinya omutamishi mughëndi wiito omosiighani, no omuhëënë o Kirisito gho ghiri yaanyu.

Abhakorosaayi 4:12

Ebhaabhura, omutamishi o Yesu Kirisito, no omooto o bhowaanyu, nakobhakëëri. Eriibhagha ryaru naghwiköngʼi kobhasabhera inyu kubha muköngʼëri, na muköngʼë mo‑chaakörö na kubha bhasubhesubhe gho ghoose ghano Eryobha rekwënda.

Abhakorosaayi 4:9

Nakuucha haghirohamu na Oneesimo, mohiiri wiito omosiighani omuhëënë, uno n‑omooto o bhowaanyu. Mbakobhaha ghoose ghano ghaghuköru hano bhowiito.

1 Abhatesaronike 3:13

Wiiki aköngʼi emetema gheenyu, kubha mubhe abhatööbhiyu, motabha ni isörö ambërë e Waryobha Taata wiito, eriibhagha akuucha Omutëmi wiito Yesu haghirohamu na abhatööbhiyu bhaache bhoose.

1 Abhatesaronike 3:5

Hano nekeyuru ghoghumereri, nekamotoma Timotewo bhowaanyu, kubha nimënyë amangʼana gha bhokumi bhoonyu. ꞉Niiköriri hangʼu, gho kubha ꞉niituuriri kubha hande abhe Omoseeghereri wuure nabhasakiri na kobharumeeri. Ne emeremo ghiito ghyose ghino ꞉tuuköriri bhowaanyu, ghibhe ghe bhoowa.

2 Abhatesaronike 2:17

abhaghambisani emetema gheenyu na kobhaköngʼëërëri kwo mangʼana amachömu ghoose ghano moghosiikëra hamu ghuköra.