1 Abhatesaronike 3:13 - Eriiraghano Eriihë

¹³ Wiiki aköngʼi emetema gheenyu, kubha mubhe abhatööbhiyu, motabha ni isörö ambërë e Waryobha Taata wiito, eriibhagha akuucha Omutëmi wiito Yesu haghirohamu na abhatööbhiyu bhaache bhoose.

1 Abhatesaronike 3:13 ပူးပေါင်းရင်းမြစ်များ

Mataayo 25:31

Yesu akëëndërëra kobhabhoorera abhaanabheegha bhaache akabhugha, “Hano eni uno neenyi Omoona o Mooto nekuucha mo‑bhokumi bhoone obhokoro haghirohamu na bhamarayika bhoose, niho neghwikara mo‑ghetumbe keene ke bhutëmi.

Maariko 8:38

Eriibhagha Omoona o Mooto neghwika na bhamarayika abhatööbhiyu mo‑bhokumi obhokoro bho Taata waane, nekomorigheri chaasoni omooto wowoose uno akondigheri eni chaasoni na ameeghi ghaane kwo riibhagha rino abhaato bhaghuköra amasari na bhataaghotereera Eryobha.”

Ruuka 1:6

Bhayo bhabhere mbaare bhahëënë ambërë e Mutëmi Waryobha, na mbaare bharasooka emeghiro gheeche ghyose, na bhataaghitaasiri.

Abharuumi 14:4

Iye toonyi no obhotoro bhobhoose bho ghotenera ekiina omutamishi o mutëmi owonde. Omutëmi waache niwe eche aribha omutamishi waache nataasiri hamu tiyaanyi. Wiiki omutamishi waache naghuköra bhoheene, gho kubha Omutëmi Yesu naanyi no obhotoro bho komotoori abhe araköra hangʼu.

Abharuumi 16:25

Ibheere, ntokoreghongi Eryobha! Iryo ndeghotora kobhaköra mubhe moriiköngʼi mo‑bhokumi bhoonyu, kohetera mo‑Ngʼana Anchömu ighoro e Yesu Kirisito ino neere neraraghani ghokoonyu. Angʼana iyo neere ebhisuru korwera kare, amare ibheere, nehunyuuru,

1 Abhakorinto 15:23

Amare omooto woose nakoryokibhu kwo riibhagha reeche, Kirisito niwe o mumbërë koryoka, na bharamara mbakoryokibhu abhaato bhaache, eriibhagha rino akuucha.

Abhagharatiya 1:4

Kirisito ꞉naaruusiri eriimanya reeche, gho ghiri e masari ghiito, kubha atotoori koru mo‑mabhe ghoose gha se ino yi ibheere. ꞉Naaköriri hangʼu kurëngʼaana na amënda gha Waryobha Taata wiito.

Abhaebheeso 5:27

꞉Nëëndiri ibhönërë eriikanisa eritööbhiyu, rino retaanyi ne eriisari koru obhoghonchu bhobhoose.

Abhabhiribhi 1:10

kubha mubhönë ghoghiishereri ghaare ghaanyi gha hëënë. Hayo niho mookubha bheero, na motaanyi ni isörö mbagha orosiko ruure Kirisito aghugharuka.

Abhakorosaayi 1:22

gho nchëra e mobhere o Kirisito, gho ghoku kooche. ꞉Naaköriri hangʼu kubha abharëëtë ambërë yaache moonyi bhatööbhiyu, motaanyi na angʼana koru eriisörö.

1 Abhatesaronike 2:19

꞉Ntwëëndiri kuucha bhowaanyu wiiki gho kubha, inyu niinyu abhatangi bha riitëngʼërö riito. Wiiki m‑bhawe abhatangi bha ghuchömëru na atuho yiito e bhokindi kwo Mutëmi Yesu araacha kuucha? Taanyi inyu?

1 Abhatesaronike 3:11

Ntokomusabha Waryobha, Taata wiito omwene, na Yesu Omutëmi wiito, atusëëmërë anchëra e kuucha bhowaanyu.

1 Abhatesaronike 3:2

tomotome Timotewo mohiiri wiito, kubha ache abhaköngʼi na kobhatoora omukörö mo‑bhokumi bhoonyu. Iwe n‑omutamishi mughëndi wiito o Ryobha gho kuraghani Angʼana Anchömu ighoro e Kirisito.

1 Abhatesaronike 4:15

Mbe, ghano tokobhabhoorera n‑ameeghi gha Mutëmi Yesu, kubha itu bhano tookubha abhahöru hano akuucha ghugharuka, totaakobhakangata bhano bhamariri ghoku.

1 Abhatesaronike 4:17

Niho itu bhano tookubha tusaaghiri toonyi abhahöru, ntoghusaru haghirohamu nabho mo‑mashaaro, kubha tomoturungʼanere Omutëmi mwighoro. Niho tookubha nawe haghirohamu emiishe ghyose.

1 Abhatesaronike 5:23

Eryobha eryene niryo reghotuha omurëmbë, rebhamuse inyu mo‑ghoose. Reghechonge emetema gheenyu no obhuhöru bhoonyu ne emebhere gheenyu, kubha mubhe motaanyi ni isörö mbagha kohikera eriibhagha re kuucha Omutëmi wiito Yesu Kirisito.

2 Abhatesaronike 1:10

Kuröönu kuyo ngookubha orosiko ruure Omutëmi akuucha kuhaabhu obhokumi obhokoro na asooko koru mo‑bhaato bhaache abhatööbhiyu bhano bhamokumiri. Inyu bhoose mookubha haghirohamu nabho, gho kubha mokumiri angʼana ino ꞉toobharaghaniiri.

2 Abhatesaronike 1:7

na ndekobhaweeri inyu bhano mokunyaakibhu, haghirohamu na niitu. Ndeghuköra ghayo hano Omutëmi Yesu akuucha koru Mwishaaro ne emirëngaari ghe mororo, haghirohamu na bhamarayika bhaache bhano bhaanyi na changuru.

2 Abhatesaronike 2:1

Ibheere abhahiiri bhiito, ntokobhaandëkëra ighoro e kuucha kwo Mutëmi wiito Yesu Kirisito na bhuure toghwikomana ghokooche. Ntokobhasabha kubha,

Yakobho 5:8

Hangʼu na niinyu bhoose moghumereri, na kwihëënëhi mo‑chaakörö cheenyu, gho kubha kuucha kwo Mutëmi ghoghatingʼi.

1 Bheetero 5:10

Eryobha rino reenyi na aghareeya yoose, ndebhabherekiire ghusanga obhokumi bhooche obhokoro bho miishe ghyose, gho ghughöötana na Kirisito. Amare moramara kunyaaka kwo riibhagha ighuhe, iryo eryene ndekobhaköngʼi, ndekobhaha changuru, na kobhaköngʼëërëri.

Yuuta 1:14

Henooki, omooto o rwibhoro ro mohungate koru kwo Ataamu, ꞉naaruusiri obhurööti ighoro e bhaato bhayo kubha, “Mööhi, Omutëmi nakuucha haghirohamu na bhamarayika bhaache abhatööbhiyu bhaaru chwee,

Yuuta 1:24

Eryobha niryo reenyi no obhotoro bho kobhachonga motaacha kobhora. Wiiki ndeenyi no obhotoro bho kobharëëta ambërë yaache mo‑bhokumi bhooche obhokoro, moonyi no oghuchömëru, motaanyi no obhobhe bhobhoose.