1 Abhatesaronike 3:10 - Eriiraghano Eriihë

¹⁰ Obhotiko na omwishe ntokorisabha Eryobha gho ghwiköngʼi chwee, kubha totore korighani na niinyu, na ghuköra ghano mosuuhiiru ighoro e bhokumi bhoonyu.

1 Abhatesaronike 3:10 ပူးပေါင်းရင်းမြစ်များ

Ruuka 2:37

Akabha mosino akahikera eghita ke meeka miröngö enaane ne ene na takwiruru. Naare araghe Mwisëngërö, ghusëngëra Eryobha obhotiko no omwishe gho ghusabha na kwiyima ebhiinyakurë.

Amaköri gha Bhatomu 26:7

Eriiraghano riyo niryo amatöngö ghoose ikomi na abhere gha mo‑se yiito ghaghwitëngʼëra kubha, Eryobha ndekorehikeerani. Nighyo gheghughëri bhararisëngëra Eryobha obhotiko no omwishe. Oo omutëmi, neghusëmu na Abhayahuuti bhano reero, gho ghiri e miitëngʼërö ghayo!

2 Abhakorinto 1:15

Eni neere no obhuhëënë bho mangʼana ghayo, na nikyo neere nërëënda kuucha bhowaanyu hayo ekimbërë, kubha mubhönë orubhango ro ghutaareru na neeni mara kabhere.

2 Abhakorinto 1:24

Kino nekwënda kobhugha n‑kubha, totaakwënda ghukangata obhokumi bhoonyu, gho kubha mumariri ghuköngʼëri mo‑bhokumi. Amare, itu n‑abhatamishi haghirohamu na niinyu, gho ghiri e ghuchömëru koonyu.

2 Abhakorinto 13:11

Ibheere, abhahiiri bhaane, masaraamu! Mubhe bhaghöröröku, na mwighambisani, na mubhe no obhumu, na mubhe no omurëmbë. Eryobha ryose rino reenyi no obhosiighi no omurëmbë ndeekubha haghirohamu na niinyu.

2 Abhakorinto 13:9

Ntoghuchömëru hano tookubha abhatöbhu, amare inyu moonyi na changuru. Ntokorisabha Eryobha rebhatoori mubhe bhaghöröröku.

Abhabhiribhi 1:25

Eni neenyi no obhuhëënë bho angʼana ino, nyeeche kubha nekwëndërëra kumanya mo‑se ino. Wiiki neekubha haghirohamu na niinyu, kubha nebhatoorereri muköngʼëri na muchömëru mo‑bhokumi bhoonyu.

Abhakorosaayi 1:28

Iwe Kirisito niwe tokuraghani amangʼana ghaache, ntokobhashaangʼi na kobheeghi abhaato bhoose kwo mangʼiini ghoose, kubha tobharëëtë bhoose ambërë e Ryobha bhaköngʼiri gho ghughöötana koobho na Kirisito.

Abhakorosaayi 4:12

Ebhaabhura, omutamishi o Yesu Kirisito, no omooto o bhowaanyu, nakobhakëëri. Eriibhagha ryaru naghwiköngʼi kobhasabhera inyu kubha muköngʼëri, na muköngʼë mo‑chaakörö na kubha bhasubhesubhe gho ghoose ghano Eryobha rekwënda.

1 Abhatesaronike 3:11

Ntokomusabha Waryobha, Taata wiito omwene, na Yesu Omutëmi wiito, atusëëmërë anchëra e kuucha bhowaanyu.

2 Abhatesaronike 1:11

Gho ghayo, ntokobhasabhera chaasiko choose. Ntoghusabha Eryobha riito rebhabhare kubha murëngʼaanere ghwikara kinya bhuure ꞉reebhabherekiire. Wiiki ntokorisabha kubha, kwo bhotoro bhooche rehikeerani amangʼana machömu ghano mokwënda ghuköra na rehikeerani emeremo gheenyu ghyose ghe bhokumi.

2 Timotewo 1:3

Nekoriitabheri Eryobha gho ghiri yaacho eriibhagha neghokohiita mo‑masabhi ghaane obhotiko no omwishe, na nekorihökëri kwo mënda meero, kinya bhasookoro bhaane ꞉bhaarihökiiri.

Bhiremooni 1:22

Haghirohamu na ghayo, unsëëmërë ha kohikera, gho kubha neghwitëngʼëra kubha kwo masabhi ghaanyu, Eryobha ndeghontoori niiche bhowaanyu.

Obhohunyurëru 4:8

Kira ghetyenyi mo‑bhiyo bhine, nkeere na amabhabha asaasabhe. Amabhabha ghayo ngaare na amiisho moose na anche. Mbeere bhereemba obhotiko no omwishe, bhetaaghokira. Omwembo oweene niwe uno, “Omutööbhiyu, Omutööbhiyu, Omutööbhiyu, n‑Omutëmi Waryobha o Bhotoro Bhoose, uno anyi‑ho, na korwera simoka naare‑ho, na naakubha‑ho.”

Obhohunyurëru 7:15

Nikyo bhaanyi ambërë e ghetumbe ghe ghitëmi ke Ryobha. Mbakomuhökëri obhotiko no omwishe Mwisëngërö reeche. Naryo Eryobha rino riikeere mo‑ghetumbe keeche ghe ghitëmi, ndeekubha haghirohamu nabho na kobhachonga.