1 Abhatesaronike 2:8 - Eriiraghano Eriihë

⁸ ꞉Ntoobhasiighiri inyu chwee. Niho gho ghiri iyo, ꞉ntuuchömiiru teenyi gho kobhabhoorera Angʼana Anchömu e Ryobha okwene, amare wiiki na kwiruusi ghuköra ghoose ghano gharëngʼaaniire kobhasakeri, gho kubha mahëënë m‑bhasiighani bhiito moonyi.

1 Abhatesaronike 2:8 ပူးပေါင်းရင်းမြစ်များ

Ruuka 7:2

Mo‑moghya uyo, naare‑ho omokoro o bhaashirikare bha Keruumi. Omokoro uyo, naare no omutamishi uno are amosiighiri chwee. Wiiki omutamishi uyo naare abhaabhiire arëënda ghoku.

Abharuumi 1:1

Anyaarubha ino neyandëkiri eni Bhawuro, omutamishi o Kirisito Yesu. Eni nebherekiiru nibhe omotomu waache, nyahwiru ne Eryobha nibhe neraraghani Angʼana yaache Anchömu.

Abharuumi 10:1

Abhahiiri bhaane, kino nekwënda mo‑motema waane n‑kubha Abhiisiraeri bhatooribhu. Kiyo nikyo nekobhasabhera kwo Waryobha chaasiko choose.

Abharuumi 15:29

Kwo riibhagha rino neekubha neenyi hayo, nyeeche kubha Kirisito naghotwitabheri itu bhoose.

2 Abhakorinto 12:15

Neghuchömëru koruusi ebheghiro bheene na kwiruusi eni mwene kobhatoori inyu. Amare ibheere nekorighibhu kubha, hano nekwëngëra kobhasiigha, niho inyu moghosuuhi obhosiighi bhoonyu ghokoone.

2 Abhakorinto 6:1

Ibheere, gho kubha ntokuhöki emeremo haghirohamu ne Eryobha, ntokobhasasaama kubha aghareeya e Ryobha ino mosongʼaaniri, motayetigha ebhore bhoowa.

Abhagharatiya 4:19

Abhaana bhaane, rino n‑eriibhagha erende wiiki ghokoone kooghu obhororo gho ghiri yaanyu, kinya bhuno obhosongo bhohaamure omukari uno anyi inda, eriibhagha re kwibhora. Nekwiyoghu hangʼu hangʼu, mbagha atëëmö e Kirisito erighibhu mo‑tëëmö yaanyu.

Abhabhiribhi 1:8

Eryobha ndyeche kubha neghosiikëra obhuhëënë hano neghokumereri kubha neghwighomba korighani na niinyu wiiki. Nebhasiighiri inyu kwo bhosiighi bhuure bhuure kinya Kirisito Yesu abhasiighiri inyu.

Abhabhiribhi 2:17

Koru erabha obhuhöru bhoone bhoraruusibhu kinya amaruusi gha kunywebhu, haghirohamu no obhokumi bhoonyu bhuno bhoghuköru amaruusi ambërë e Ryobha, eni neghuchömëru, oghuchömëru kuyo ngoghusanga haghirohamu na niinyu bhoose.

Abhabhiribhi 2:20

Nteenyi no omooto wonde uno akobhatereera inyu kwo bhuhëënë kinya Timotewo.

Abhabhiribhi 4:1

Gho ghayo, abhahiiri bhaane, muköngʼëri kimu kimu gho komwitëngʼëra Omutëmi. Nebhasiighiri na neenyi na amiigha gha korighani na niinyu, bhahiiri bhaane. Inyu niinyu moghughëri nichömëru, wiiki inyu na atuho yaane ino nihaabhuru mo‑meremo ghino ꞉niiköriri.

Abhakorosaayi 1:28

Iwe Kirisito niwe tokuraghani amangʼana ghaache, ntokobhashaangʼi na kobheeghi abhaato bhoose kwo mangʼiini ghoose, kubha tobharëëtë bhoose ambërë e Ryobha bhaköngʼiri gho ghughöötana koobho na Kirisito.

Abhakorosaayi 1:7

꞉Mweeghiri Angʼana Anchömu iyo koru o‑Ebhaabhura. Iwe naghuköra emeremo kinya omutamishi mughëndi wiito omosiighani, no omuhëënë o Kirisito gho ghiri yaanyu.

Abhakorosaayi 4:12

Ebhaabhura, omutamishi o Yesu Kirisito, no omooto o bhowaanyu, nakobhakëëri. Eriibhagha ryaru naghwiköngʼi kobhasabhera inyu kubha muköngʼëri, na muköngʼë mo‑chaakörö na kubha bhasubhesubhe gho ghoose ghano Eryobha rekwënda.

Bhiremooni 1:1

Eni Bhawuro, omubhöhu gho ghiri e kuraghani Angʼana Anchömu ighoro e Kirisito Yesu, ˆneghakwandëkëra iye Bhiremooni. Eni haghirohamu no omohiiri wiito Timotewo, ntoghoghukëëri iye omosiighani wiito, uno onyi omutamishi mughëndi wiito.

Abheebhuraaniya 13:17

Mobhasooke abhakangati bhaanyu na ghughööta amaraghereri ghaabho, gho kubha nibho bhakobhanyaakera inyu ino bhataaghutamu, na mbakwëndëru ghutöngööchi emeremo gheebho ambërë e Ryobha. Gho ghayo mobhasooke, kubha bhakörë emeremo gheebho gho ghuchömëru, gho kubha aribha moraanga kobhasooka, mbaakubha bharaköra emeremo gheebho kwo macheeche, ne emeremo ghiyo ghetaakubha gherabhatoori inyu ghyokyose.

1 Yohana 3:16

Mbe, Kirisito hano abhoruusiri obhuhöru bhooche gho ghiri yiito, natwërëkiri obhosiighi bho bhuhëënë n‑ghento ke. Wiiki na niitu hangʼu hangʼu, ntokwëndëru toruusi obhuhöru bhwito gho ghiri e bhaghëndi bhiito.