1 Abhatesaronike 2:5 - Eriiraghano Eriihë

⁵ Mweche kubha, totaare torabhugha amangʼana kubha motosiighe, koru ghosiikëra amangʼana ghano ghataanyi gha hëënë kubha tubhönë obhwëra. Eryobha n‑eriibhateri riito!

1 Abhatesaronike 2:5 ပူးပေါင်းရင်းမြစ်များ

Mataayo 22:16

Niho bhakabhatoma o‑Yesu abhaanabheegha bhaabho haghirohamu na abhaato bhano bhaghöötiine na abhaato bha mutëmi Herote, bhaaghaye, bhakamobhoori bhakabhugha, “Oo Omweghi, ntweche kubha iye n‑omooto o hëënë na kubha nokweghi ghano ghaanyi gha Ryobha kwo bhuhëënë. Wiiki, tooghotiina koru omooto uno anyi no omweya wi ighoro.

Mataayo 23:13

“Horeera mokorighi, inyu abheeghi bha meghiro na niinyu Amabharisaayo, inyu chaghughuuti, gho kubha mokobharëki abhaato ghusöha mo‑bhutëmi bho Mwishaaro gho nchëra e meeghi ghaanyu. Amare inyu bheene motaaghusöha‑mu, wiiki motaakobhiisherereri abhaato abhande bhano bhakwënda ghusöha, bhasöhë. [

Amaköri gha Bhatomu 20:33

“Eni ntiighombiri chambiiri che mooto wowoose, koru sahaabhu cheeche, koru amaghööti ghaache.

Abharuumi 1:9

Eryobha rino nekorihökëri kwo mukörö waane woose gho kuraghaneri abhaato Angʼana Anchömu e Moona waache, ndyeche kebhuno nekobhasabhera eriibhagha ryose.

Abharuumi 16:18

Abhaato kinya bhayo bhataakomuhökëri Kirisito, Omutëmi wiito, amare mbaghukörëra chanda cheebho abheene. Mbaghosiikëra amangʼana amachömu gha ghotegheri, amare bharangʼiina abhakumi bhano bhakeere bhataamara bhaköngʼëri mo‑bhokumi.

Abharuumi 9:1

Kirisito neeche kubha kino neghosiikëra ibheere, n‑ke mahëënë. Koru omotema waane uno oghukangatu na Akörö Ahörëëru woose nokuhëënëhi kubha, nteeghosiikëra obhobhiihi.

2 Abhakorinto 12:17

Ibheere, ꞉neebhangʼiiniri kubha niimoki ghyokyose ghokoonyu kohetera kwo bhaato bhano ꞉neebhatomiri?

2 Abhakorinto 2:17

Itu totaanyi kinya abhaato abhaaru bhano bhaghukörëra angʼana e Ryobha obhosorocha kubha bhabhönë obhwëra. Amare kwo bhotoro bho Kirisito, ntokuraghani angʼana e Ryobha mo‑bhughöröröku bhoose ambërë e Ryobha, gho kubha niryo ꞉reetotomiri.

2 Abhakorinto 4:2

Ntwangiri inkongʼorimu ghuköra ghano ghaanyi mo‑kebhisere na gha chaasoni, koru kobhangʼiina abhaato, koru ghusangerani angʼana e Ryobha no obhuröngö. Amare ntoghosiikëra obhuhëënë haheero, kubha abhaato bhoose bhamënyë mo‑metema gheebho kubha ntoonyi no obhuhëënë ambërë e Ryobha.

2 Abhakorinto 7:2

Motuhë omweya mo‑metema gheenyu, gho kubha taanyi‑ho uno tomutasiiri, na taanyi‑ho uno tomunyahaariri mo‑mangʼana nyarebhe, hamu uno tomongʼiiniri.

Abhagharatiya 1:20

Eryobha ndyeche kubha amangʼana ghano nekobhaandëkëra n‑gha hëënë, taanyi gha bhuröngö!

1 Abhatesaronike 2:10

Inyu n‑abhiibhateri bhiito ne Eryobha ryose, kubha atëëmö yiito ghokoonyu bhano momokumiri Yesu, neere inchömu wiiki e mahëënë etaanyi ni isörö.

1 Timotewo 3:3

Atabha omurëëbhi, atabha omurööni, abhe muhörëëru uno asiighiri omurëmbë. Wiiki atabha omosiighi o chambiiri.

1 Timotewo 3:8

Amashemaasi hangʼu hangʼu, bhabhe abhaato bhano bhaanyi na atëëmö inchömu, bhatabha chaghughuuti, bhatabha abharëëbhi, bhatiighomba kwibhönëra chambiiri gho nchëra ambe.

Tiito 1:7

Ibheere asikoofu, nakwëndëru abhe omooto uno ataanyi ni isörö, gho kubha nahaabhuru emeremo ghe Ryobha. Atabha omooto uno anyi no omutu muköngʼu, na atabha mwango o ghukarara, na atabha omurëëbhi, na atabha omurööni, wiiki atiighomba kwibhönëra chambiiri gho nchëra ambe.

1 Bheetero 5:2

morechonge erikinda re Ryobha rino muhaabhuru. Wiiki morechonge kinya bhuno Eryobha rekwënda, taanyi gho kuhaamereru, amare gho kwënda koonyu inyu bheene. Motaköra emeremo gheenyu gho ghwighomba chambiiri, amare mubhe no omukörö o ghwiköngʼi.

2 Bheetero 2:18

Mbaghosiikëra amangʼana gha bhwihachi na ghano ghataanyi ne ekebhune, na gho ghutambana amiigha ghaabho amabhe gha mobhere mbahaatëgha abhaato bhano bhakumiri kwo riibhagha ighuhe, na ghutaana na abhaato bhano bhikareriire obhobhiihi.

2 Bheetero 2:3

Kwo miigha ghaabho amabhe gha kubhöna obhwëra koru ghokoonyu, mbaakubha bharabhabhoorera amaghano gha bhuröngö. Amare korwera kare, Eryobha ndiisëëmiri kobhatenera ekiina na retaamara ryebhu kobhasireekereri!

Yuuta 1:11

Horeera mbakorighi, gho kubha mbatambiine anchëra ambe e Kaayini, gho ghwisöhi mo‑bhuröngö kubha bhabhönë obhwame, kinya bhuno Bharaamu ꞉aköriri. Horeera mbakorighi, gho kubha mbaghosireekerera kurëngʼaana no obhwigharurani bhoobho, kinya bhuno Koora asirekeriire kurëngʼaana no obhwigharurani bhooche.