1 Abhatesaronike 2:4 - Eriiraghano Eriihë

⁴ Amare ntokuraghani gho kubha Eryobha ndetorooche kubha nturëngʼaaniire, reghatuha omoremo o kuraghani Angʼana Anchömu. Totaaghwitëngʼëra ghuchömëri abhaato, amare ntokwënda korichömëri Eryobha, rino rekorighi ghoose ghano ghaanyi moose e metema ghiito.

1 Abhatesaronike 2:4 ပူးပေါင်းရင်းမြစ်များ

Ruuka 12:42

Omutëmi akamugharokeri akabhugha, “Mbe, n‑niwe omusësë omuhëënë wiiki uno anyi na amangʼiini? N‑omusësë uno omutëmi waache akomotoora kubha omwimeerereri o bhatamishi abhande mo‑ka yaache, kubha abhe arabhaha ebhiinyakurë kwo riibhagha rino rirëngʼaaniire.

Ruuka 16:11

Ibheere aribha inyu motabheere abhahëënë gho kuhökëri obhwame bhoonyu bho mo‑se ino, n‑niwe akobhaha obhwame bho hëënë?

Yohana 21:17

Akamobhoori mara e ghatato akabhugha, “Simiyooni, omoona o Yohana, kana nonsiighiri?” Mbe, Bheetero akabha na amacheeche gho kubha ꞉naamobhooriri mara e ghatato kubha, “Kana, nonsiighiri?” Akamugharokeri akabhugha, “Oo Omutëmi, nogheeche ghoose. Weeche kubha neghosiighiri.” Yesu akamobhoorera akabhugha, “Oriishi changʼöndu cheene.

Abharuumi 8:27

Eryobha niryo rehiisuncha ghoose ghano ghaanyi mo‑metema ghiito, niryo ryeche amiihëëbhö gha Körö Ahörëëru, gho kubha Akörö iyo nekobhasabhera abhatööbhiyu bha Ryobha kinya bhuno Eryobha resiighiri.

1 Abhakorinto 7:25

Ibheere, kwo bhaakë bhano bhakeere ghokwiru, ntighöötë amëërëkërëri koru kwo Mutëmi Yesu. Amare nëköbhëërëkërëri kwo miihëëbhö ghaane, eni uno neenyi omuhëënë gho changori che Ryobha.

1 Abhakorinto 9:17

Aribha nengabheere neraköra emeremo ghino kwo miigha ghaane eni omwene, nengiitëngʼiire kubhöna atuho. Amare taanyi hangʼu ghokoone, gho kubha Eryobha ndeheere emeremo ghino kwo mënda ghaache, kubha neghikörë.

2 Abhakorinto 2:17

Itu totaanyi kinya abhaato abhaaru bhano bhaghukörëra angʼana e Ryobha obhosorocha kubha bhabhönë obhwëra. Amare kwo bhotoro bho Kirisito, ntokuraghani angʼana e Ryobha mo‑bhughöröröku bhoose ambërë e Ryobha, gho kubha niryo ꞉reetotomiri.

2 Abhakorinto 4:2

Ntwangiri inkongʼorimu ghuköra ghano ghaanyi mo‑kebhisere na gha chaasoni, koru kobhangʼiina abhaato, koru ghusangerani angʼana e Ryobha no obhuröngö. Amare ntoghosiikëra obhuhëënë haheero, kubha abhaato bhoose bhamënyë mo‑metema gheebho kubha ntoonyi no obhuhëënë ambërë e Ryobha.

2 Abhakorinto 5:11

Ibheere, ntweche kubha nekwëndëru komosooka Omutëmi. Gho ghayo, ntoghwiköngʼi kobharuta abhaato kubha bhabhe bharamokumi. Eryobha ndetweche bhoheene kebhuno toonyi, na neeni neghwitëngʼëra kubha na niinyu motweche bhoheene mo‑metema gheenyu.

2 Abhakorinto 5:16

Gho ghayo, korwera ibheere totaakurëngi omooto wowoose kinya bhuno abhaato bhano bhataakomokumi Kirisito bhahaarëngi. Koru Kirisito totaakomurëngi wiiki gho nchëra iyo, nangabha eriibhagha nyarebhe ꞉ntuuköriri hangʼu.

Abhagharatiya 1:10

Ibheere, mokwihëëbha kubha neghutabhara ghwisherereru na abhaato? Tiyaanyi, eni neghutabhara ghwisherereru ne Eryobha eryene chiri. Ghasi mokwihëëbha kubha neghutabhara ghuchömëri abhaato? Aribha nengatabhiire kobhachömëri abhaato, ntengabheere omutamishi o Kirisito.

Abhagharatiya 2:7

Amare mbamënyiri kubha Eryobha ndeere rentomiri kuraghani Angʼana Anchömu mo‑bhaato bha matöngö, kinya bhuure Bheetero are atomuru kuraghani mo‑Bhayahuuti.

Abhaebheeso 3:8

Eni m‑mosuuhu neenyi ghokera abhatööbhiyu bhoose bha Ryobha, amare Eryobha ndinsakiiri aghareeya kubha nebharaghaneri abhaato bha matöngö obhwame bho rubhango ro Kirisito runo rotaanyi ne ekirëngërë.

Abhaebheeso 6:6

Hano mookubha moraköra hangʼu, etabha kwo riibhagha rino bhakobharighi, kubha mwichömi ghokoobho. Amare, mobhasooke kinya abhasësë bha Kirisito, mubhe moraköra amënda gha Ryobha gho körö imu.

Abhakorosaayi 3:22

Inyu abhasësë, mubhe morabhasooka abhatëmi bhaanyu mo‑mangʼana ghoose hano mo‑se. Motaköra hangʼu hano bhaakubha bharabharighi okwene, ango mwiyëërëki kubha murëngʼaaniire ghokoobho, amare mobhasooke eriibhagha ryose gho körö imu, gho kubha, mokomosooka Omutëmi Yesu.

1 Timotewo 6:20

Timotewo, ughöötërërë bhoheene angʼana e bhuhëënë ino uhaabhuru. Otighe ghwitoora mo‑mangʼana amaghonchu, ghano ghataanyi no obhwëra bhobhoose. Wiiki otiisöhi mo‑mahakaano gha ghighëëghë, ghano bhakobhugha nigho amangʼiini.

2 Timotewo 1:14

Angʼana e bhuhëënë ino uhaabhuru na Yesu, oyighöötërërë gho changuru che Körö Ahörëëru ino enyi moose yiito.

2 Timotewo 2:2

Nooghwire ameeghi ghano ꞉nyeeghiri ambërë e bhiibhateri bhaaru. Ibheere iye obhahë abhaato abhahëënë, bhano bhaghotora kweghi abhande.

Tiito 1:3

Ibheere, n‑eriibhagha rino Eryobha ryëndiri kwërëki haheero Angʼana yaache Anchömu. Eryobha Omotoori wiito ꞉ndiihatëkiri kuuha omoremo o koyiraghani angʼana iyo.

Abheebhuraaniya 4:13

Wiiki ghetaanyi‑ho eghetyenyi ghyokyose kino kiibhisiri ambërë e Ryobha. Ebheghiro bhyose mbeenyi haheero ambërë yaache, iwe niwe tokomobhoorera emeremo ghiito ghyose ghino toore toraköra.

1 Bheetero 4:11

Aribha omooto anyi na amangʼana gha ghosiikëra, asiikërë kinya n‑kwo Ryobha gharuure. Na aribha omooto aghusakeri abhaghëndi bhaache, abhasakeri kwo bhotoro bhuno bhookoru kwo Waryobha. Gho ghayo, Eryobha ndeghoghongibhu mo‑mangʼana ghoose, gho nchëra e Yesu Kirisito omwene uno anyi no obhokumi obhokoro no obhotoro emiishe ne emiishe. Hawubhaabha.

Obhohunyurëru 2:23

Wiiki, mahëënë nekobhiita kimu abhaghëndi bhaache. Niho abhaato bha makanisa ghoose bhakumënya kubha eni nekumööhërëri akörö na amiihëëbhö gha mooto woose. Wiiki nekoreha omooto woose ghate yaanyu kurëngʼaana na amaköri ghaache.