1 Abhatesaronike 2:2 - Eriiraghano Eriihë

² Wiiki mweche kubha hano toore tokeere kohika bhowaanyu, ntunyaakibhuru na ghotoku mo‑moghya o Bhiribhi. Nangabha bhowaanyu ꞉haare haköngʼu chwee, Eryobha reghatuha changuru che kobharaghaneri Angʼana Anchömu ighoro e Yesu kwo bhosubhesubhe.

1 Abhatesaronike 2:2 ပူးပေါင်းရင်းမြစ်များ

Amaköri gha Bhatomu 14:3

Bhawuro na Bharinaabha ꞉mbiikeere chaasiko chaaru hayo Ikoniyo, bhaakabha bharabhabhoorera abhaato kwo bhosubhesubhe ighoro e Mutëmi, na aghareeya yaache. Omutëmi nawe aghaghahikeerani amangʼana ghaabho kwo bhuhëënë, gho kobhaha obhotoro bho ghuköra ebhyërëkërëri ne ebhiraghe bhyaru.

Amaköri gha Bhatomu 14:5

Antenero, Abhayahuuti abhamu na abhaato bha matöngö, koru na abhakangati bhaabho, bhaghaköra ekiina kubha bhabhakörërë amabhe Bhawuro na Bharinaabha na kobharasa amabhohe.

Amaköri gha Bhatomu 16:12

Koru hayo, tooghaye mbagha mo‑moghya o Bhiribhi, niwe omoghya o mumbërë mo‑bhokoro mo‑mukööwa o Maketoniya, na niwe omoghya uno Abharuumi ꞉bhaare bhariikara. Toghiikara hayo chaasiko nyarebhe.

Amaköri gha Bhatomu 16:19

Niho abhaame bha muukë uyo, hano bharooche kubha eriitëngʼërö reebho re kubhöna chambiiri reghasira, bhakabhaghööta Bhawuro na Siira, bhakabhangʼuura mbagha mwibharacha ambërë e bhakoro bha moghya, bhakabhasëma mo‑bhateni bha kiina.

Amaköri gha Bhatomu 16:37

Bhawuro akabhabhoorera abhatoorereri bhayo akabhugha, “Kana mobhughabhu? Mbatutëmiri kwo bhororo ambërë e bhaato ino bhatatoteniire kiina, na niitu n‑abhiikari bha Ruumi toonyi! Bhaghatotoora mwighërëcha. Kana ibheere mbakwënda ghototighooroka gho kobhisa? Tiyaanyi! Motighe bhatohoroki ibho abheene!”

Amaköri gha Bhatomu 17:1

Ibheere Bhawuro na Siira bhaaghaye bhakahetera mo‑moghya o Ambibhoori, na Abhoroniya, mbagha bhakahika mo‑moghya o Tesaronike. Hayo Tesaronike ndeere‑ho erisinaghooghi re Bhayahuuti.

Amaköri gha Bhatomu 17:17

Mbe, aghasöha mo‑risinaghooghi akabha arabheeghi Abhayahuuti bhoose bhano ꞉bhaare‑mu, haghirohamu na abhaato bha matöngö aghande bhano ꞉bhaare bhararesooka Eryobha, akabha arabhabhoorera ighoro e Yesu. Chaasiko choose akabha arabhoorani na abhaato bhano are arahunana nabho mo‑mutëëra ighoro e Ngʼana e Ryobha.

Amaköri gha Bhatomu 19:8

Kwo riibhagha re myëri etato, Bhawuro akabha arasöha mo‑risinaghooghi re Bhayahuuti, arabhabhoorera abhaato kwo bhosubhesubhe ighoro e bhutëmi bho Ryobha, kubha bhabhokumi.

Amaköri gha Bhatomu 4:13

Abhakoro bhayo bhakaroghoora chwee korighi kubha Bheetero na Yohana mbasiikiire kwo bhosubhesubhe, wiiki mbaare bheeche kubha ibho m‑bhaato bha hangʼu hangʼu bhano bhatasömiri. Niho bhakamënya kubha Bheetero na Yohana mbaare haghirohamu na Yesu kwo riibhagha riyo.

Amaköri gha Bhatomu 4:20

Itu totaaghotora ghotigha ghosiikëra ighoro e mangʼana ghano torooche na ghoghooghu!”

Amaköri gha Bhatomu 4:31

Hano bhamariri ghusabha Eryobha, anyumba ino ꞉bhaare bhatëmëëraniire‑mu eghasingisu. Bhoose bhayo bhaghiichoribhu Akörö Ahörëëru, bhaghasëëma kweghi abhaato angʼana e Ryobha kwo bhosubhesubhe.

Amaköri gha Bhatomu 5:41

Abhatomu bhayo bhakahoroka mo‑riibharacha riyo bharasiighasiigha, kinya Eryobha rebhaheere asooko e ghutaraahu gho ghiri e riina re Yesu.

Abharuumi 1:1

Anyaarubha ino neyandëkiri eni Bhawuro, omutamishi o Kirisito Yesu. Eni nebherekiiru nibhe omotomu waache, nyahwiru ne Eryobha nibhe neraraghani Angʼana yaache Anchömu.

2 Abhakorinto 3:12

Ibheere, gho kubha riyo niryo eriitëngʼërö riito, ntokuhöki totaanyi no obhotiini.

Abhakorosaayi 2:1

Mbe, nekwënda mumënyë kinya nekwinyaaki ighoro yaanyu na gho ghiri e bhakumi bhaare bhaanyi Rawotikiya, na kwo bhande bhoose bhano bhakeere kondighi eni.

1 Abhatesaronike 1:5

Ntweche hangʼu gho kubha, hano toore toraraghani Angʼana Anchömu bhowaanyu, totaraghiini kwo mangʼana agheene hangʼu. Amare nturaghiini gho changuru na gho Körö Ahörëëru na kwo bhuhëënë. Inyu mweche bhoheene bhuno toore haghirohamu na niinyu, kubha tobhatoorereri.

2 Timotewo 1:12

Kiyo nikyo gheghughëri nerabhöna anyaako ino. Amare nteekorighi chaasoni, gho kubha nemweche uno neghokumi. Wiiki neenyi no obhuhëënë kubha, iwe naanyi no obhotoro bho ghochonga bhoheene angʼana e bhuhëënë ino aheere mbagha orosiko ruure ro ghugharuka kooche.

Yuuta 1:3

Abhasiighani bhaane, ꞉niighombiri chwee kobhaandëkëra ighoro e bhotoori bhuno toghusanga itu bhoose. Amare nerooche kubha nekwëndëru nebhaandëkërë anyaarubha ino, nebhasasaame kubha, mwiköngʼi ghochonga obhuhëënë bho bhokumi bhuno Eryobha rebhaheere abhaato bhaache abhatööbhiyu mara rimu hangʼu kwo riibhagha ryose.