1 Abhatesaronike 2:14 - Eriiraghano Eriihë

¹⁴ Bhahiiri bhiito, ghaare ꞉ghaabhabhwine abhaato bhano bhamokumiri Kirisito Yesu mo‑makanisa gha Ryobha mo‑mukööwa o Yuteya, nigho ghayo ghayo ˆghakabhabhöna na niinyu. Abhaato bhaanyu mbabhanyaakiri, bhuure bhuure kinya ibho Abhayahuuti bhaghëndi bhaabho ꞉bhaabhanyaakiri.

1 Abhatesaronike 2:14 ပူးပေါင်းရင်းမြစ်များ

Amaköri gha Bhatomu 11:19

Abhakumi bhano bhasanchiri gho kunyaakibhu kurëngʼaana na ghwitu gho Siteebhano, bhakangʼösëra mo‑chaase che Bhoyinike, na Kiibhuro, na mo‑moghya o Antiyokiya. Hoose hano bhaghiire, bhaakabha bhareeghi angʼana e Ryobha kwo Bhayahuuti abheene.

Amaköri gha Bhatomu 13:50

Amare Abhayahuuti bhakabhaseeghereri abhakari bha sooko bhano ꞉bhaare bhararesooka Eryobha, haghirohamu na abhakangati bha mo‑moghya uyo. Bhakabhakangata kobhanyaaki Bhawuro na Bharinaabha, bhakabhahëëbha koru hayo.

Amaköri gha Bhatomu 14:19

Bhakamara bhakaacha Abhayahuuti abhande koru mo‑meghya ghe Antiyokiya, na Ikoniyo. Bhakaretebhitebhi erikinda riyo re bhaato bhaghaghöötana nabho bhaghasëëma komurasa Bhawuro na amabhohe. Bhakamara bhakamongʼuura mbagha anche e moghya bhariituuri kubha nakuure.

Amaköri gha Bhatomu 14:2

Amare Abhayahuuti abhamu bhataakumiri, bhaghasëëma kobhaseeghereri abhaato bha matöngö, kubha bhabhareghe abhaato bhano bhakumiri.

Amaköri gha Bhatomu 14:4

Amare abhaato bha moghya uyo bhakaahukana amakinda abhere. Abhamu bhaghiishererani na Abhayahuuti, na abhande bhaakabha eribhaara re bhatomu.

Amaköri gha Bhatomu 14:5

Antenero, Abhayahuuti abhamu na abhaato bha matöngö, koru na abhakangati bhaabho, bhaghaköra ekiina kubha bhabhakörërë amabhe Bhawuro na Bharinaabha na kobharasa amabhohe.

Amaköri gha Bhatomu 17:13

Mbe, Abhayahuuti bha iyo Tesaronike, hano bhamënyiri kubha Bhawuro nakweghi angʼana e Ryobha iyo Bherooya, bhaaghaye iyo. Bhaghaseeghereri erikinda re bhaato bhano ꞉bhaare hayo, mbagha hakarwera anyööri yaaru.

Amaköri gha Bhatomu 18:12

Hano Ghariyo are omukangati o mukööwa o Akaaya, Abhayahuuti bhaaru bhakamusöhërëra Bhawuro. Bhakamurëëta ambërë e ghetumbe ghe ghotenera kiina,

Amaköri gha Bhatomu 8:1

Sawuri woose ꞉niisheriiri gho ghwitu gho Siteebhano. Orosiko ruyo hakarwera anyaako ihaari chwee mo‑bhaato bha mo‑kanisa iyo Yerusareemu. Abhaghëndi bhaaru bha Yesu bhaghasancha, bhakangʼösëra mo‑mikööwa ghe Yuteya na Samaariya. Amare abhatomu bha Yesu, bhaghasaagha Yerusareemu.

Amaköri gha Bhatomu 8:3

Sawuri aghasëëma kobhanyaaki abhaato bha mo‑kanisa. Akabha arasöha mo‑chaaka cheebho, arabhahoroki anche abhasubhe na abhakari, arabhahira mo‑chanyumba che bhabhöhu.

Amaköri gha Bhatomu 9:1

Eriibhagha riyo riyo, Sawuri akëëndërëra ghotiini gho ghwita abhaghëndi bha Mutëmi Yesu. Akamusëëta Omuchaama Omokoro,

Amaköri gha Bhatomu 9:13

Ananiya akabhugha, “Omutëmi, abhaato bhaaru mbambooriire kebhuno Sawuri uyo abhaköriire abhaato bhaacho abhatööbhiyu amabhe iyo Yerusareemu!

Amaköri gha Bhatomu 9:31

Mbe, chaasiko chiyo, abhaato bha mo‑kanisa haghiro hoose ha Yuteya, na Ghariraaya, na Samaariya bhaakabha no omurëmbë. Abhaato bhayo bhakabhöna changuru na ghotooru omukörö na Akörö Ahörëëru. Bhaakabha bharamosooka Omutëmi, ne ekirëngërë ke bhano ꞉bhaakumiri ghëkëëngëra chwee.

1 Abhakorinto 10:32

Motanaaha omooto wowoose, bhabhe Abhayahuuti, hande abhaato bha matöngö, hamu eriikanisa re Ryobha.

1 Abhakorinto 7:17

Omooto woose amanye kurëngʼaana na kinya Omutëmi amurëngiire, wiiki mumanye kinya bhuno mobherekiiru ne Eryobha. Hangʼu nibhu nekuraghereri mo‑makanisa ghoose.

Abhagharatiya 1:22

Eriibhagha riyo, eni nteere nimënyëkiine na Abhakirisito bha makanisa ghano ghaanyi mo‑mukööwa o Yuteya.

1 Abhatesaronike 1:1

Anyaarubha ino neyandëkiri eni Bhawuro, haghirohamu na Sirwano na Timotewo. Ntokobhaandëkëra inyu bhano moonyi mo‑riikanisa re moghya o Tesaronike, bha rikinda re bhaato bhano momokumiri Taata Waryobha no Omutëmi wiito Yesu Kirisito. Ntököbhëëndëra aghareeya no omurëmbë ghibhe haghirohamu na niinyu.

1 Abhatesaronike 1:6

Nangabha moore mo‑nyaako gho ghiri e bhokumi bhoonyu, mosongʼaaniri Ngʼana iyo gho ghuchömëru kuno ghookoru mo‑Körö Ahörëëru. Kinya muköriri hangʼu, mutambiine eghetuubhaani kiito ne eghetuubhaani ke Mutëmi Yesu.

1 Abhatesaronike 3:4

Mweche ghayo, gho kubha hano toore haghirohamu na niinyu, ntoore torabhabhoorera kubha ntokunyaakibhu, na hangʼu ghabheere.

2 Abhatesaronike 1:1

Anyaarubha ino neyandëkiri eni Bhawuro, haghirohamu na Sirwano na Timotewo. Ntokobhaandëkëra inyu bhano moonyi mo‑riikanisa re moghya o Tesaronike, bha rikinda re bhaato bhano momokumiri Taata wiito Waryobha no Omutëmi Yesu Kirisito.

2 Abhatesaronike 1:4

Gho ghayo, ntoghosiikëra gho ghesubhe subhe mo‑makanisa gha Ryobha gho ghiri e bhoghumereri no obhokumi bhoonyu bhuno moonyi nabho, mo‑nyaako yoose ino ekobhabhöna.