1 Abhatesaronike 2:12 - Eriiraghano Eriihë

¹² kubha mubhe moratambana ghano Eryobha resiighiri. Eryobha niryo rekobhabherekera kubha, mubhe haase e bhukangati no obhokumi bhooche obhokoro.

1 Abhatesaronike 2:12 ပူးပေါင်းရင်းမြစ်များ

Abharuumi 8:28

Ntweche kubha, mo‑ghoose Eryobha ndehaabhakörëra amachömu abhaato bhoose bhano bharesiighiri, bhano rebhabherekiire kurëngʼaana na amënda ghaache.

Abharuumi 8:30

Mbe, bhayo reere ryahwire, nibho bhano ꞉reebherekiire, na bhano ꞉reebherekiire, nibho bhano ꞉riibhariire kubha mbaanyi no obhuhëënë, na bhano ꞉riibhariire kubha mbaanyi no obhuhëënë, nibho bhano ꞉riiraghiire kubha ndekobhaha obhokumi obhokoro.

1 Abhakorinto 1:9

Eryobha ndeghuköra ghayo gho kubha n‑ihëënë. Iryo niryo rebhabherekiire inyu, mubhe no obhumu no Omoona waache Yesu Kirisito, Omutëmi wiito.

2 Abhakorinto 4:6

Eryobha rino ꞉reebhughiri kubha, “Obhwero bhurëngaari mo‑kengʼuuri,” niryo riyo rirëngaariri mo‑metema ghiito, na ghotuköra tumënyë obhokumi bhooche obhokoro bhuno bhokurëngaari mo‑bhosho bho Yesu Kirisito.

Abhagharatiya 5:16

Mbe, kino nekobhabhoorera n‑kubha, eriimanya reenyu rikangatu na Akörö Ahörëëru. Moraköra hangʼu, motaaghutambana wiiki amiigha ghaanyu amabhe.

Abhaebheeso 4:1

Mbe, eni uno nibhöhuru gho ghiri e komuhökëri Omutëmi, nekobhasasaama mubhe na asughara ino ekurëngʼaana na amberekerera yaanyu ino Eryobha ꞉reebhabherekeriire.

Abhaebheeso 5:2

Mumanye eriimanya re bhosiighi, kinya bhuure Kirisito ꞉atosiighiri itu, akiiruusi aghaku gho ghiri yiito, akabha kinya eriruusi re keneeso ghichömu kino ghekoretegheri Eryobha.

Abhaebheeso 5:8

Ekeenyuma hayo, inyu moore mo‑kengʼuuri, amare ibheere, gho ghughöötana koonyu no Omutëmi Yesu mumanyiri mo‑bhwero. Mbe, ibheere, mumanye kinya abhaato bhano bhaanyi mo‑bhwero!

Abhabhiribhi 1:27

Angʼana e hëënë n‑kubha, atëëmö yaanyu irëngʼaane na Angʼana Anchömu e Kirisito. Hano nekuucha kobharighi hamu nenganga kuucha, nibhe nerooghu kubha mokwëndërëra kwimeerera muköngʼiiri na kubha no obhumu, wiiki haghirohamu moonyi gho kunyaakera obhuhëënë bho Angʼana Anchömu bhuno toghokumi.

Abhakorosaayi 1:10

Niho moghotora kumanya kebhuno Omutëmi Yesu akwënda, na komotegheri mo‑mangʼana ghoose. Eriimanya reenyu ndekomotegheri kwo meremo gheenyu emichömu, wiiki moghwiköngʼi korimënya Eryobha.

Abhakorosaayi 2:6

Mbe, gho ghayo, kinya bhuure momwisheriiri Kirisito Yesu kubha Omutëmi, mwëndërërë kumanya gho ghughöötana nawe.

1 Abhatesaronike 4:1

Ibheere bhahiiri bhiito, mweghiri koru ghokwito bhuno mokwëndëru kumanya, gho ghiri e korichömëri Eryobha. Na mahëënë eriimanya reenyu hangʼu reenyi. Ibheere, ntokobhasabha na ntokobhasasaama kwo bhukangati bho Mutëmi Yesu kubha, mubhe moraköra hangʼu na ghokera hayo.

1 Abhatesaronike 4:12

Niho mookubha mwërëkiri orughëndö ruchömu ighoro e bhano bhataanyi Abhakirisito. Wiiki motabha abhaato bhano bhaghwitëngʼëra bhe bhande kwo mënda ghaanyu.

1 Abhatesaronike 5:24

Eryobha eryene rino rebhabherekiire, ndekobhakörëra ghayo ghoose, gho kubha n‑ihëënë.

2 Abhatesaronike 1:10

Kuröönu kuyo ngookubha orosiko ruure Omutëmi akuucha kuhaabhu obhokumi obhokoro na asooko koru mo‑bhaato bhaache abhatööbhiyu bhano bhamokumiri. Inyu bhoose mookubha haghirohamu nabho, gho kubha mokumiri angʼana ino ꞉toobharaghaniiri.

2 Timotewo 1:9

Iryo ꞉ndeetotooriri, reghatobherekera tubhe abhaana bhaache abhatööbhiyu. Retaaköriri hangʼu gho ghiri e maköri ghiito, amare ꞉ndiiköriri gho ghiri e miigha ghaache na aghareeya yaache. ꞉Ndeetoheere aghareeya iyo gho nchëra e Kirisito Yesu, koru ase ino ekeere ghutëëmu.

1 Bheetero 2:9

Amare inyu n‑orwibhoro orwahöru, na abhachaama bha ghitëmi, na abhaato abhatööbhiyu, na abhaato bha Ryobha eryene, kubha muraghani amaköri amakoro gha Ryobha. Iryo ndebhabherekiire koru mo‑kengʼuuri, moghi mo‑bhwero bhooche obhokoro bho koroghoori.

1 Bheetero 3:9

Motareha amabhe kwo mabhe, hamu amatoki kwo matoki, amare mobhiitabheri abhande. Mobherekiiru ghuköra hangʼu, kubha inyu bhoose mubhönë orubhango.

1 Bheetero 5:10

Eryobha rino reenyi na aghareeya yoose, ndebhabherekiire ghusanga obhokumi bhooche obhokoro bho miishe ghyose, gho ghughöötana na Kirisito. Amare moramara kunyaaka kwo riibhagha ighuhe, iryo eryene ndekobhaköngʼi, ndekobhaha changuru, na kobhaköngʼëërëri.

2 Bheetero 1:3

Eryobha kohetera mo‑bhotoro bhooche, ndetoheere amangʼana ghoose ghano tookwënda, kubha tubhe no obhuhöru, na tukörë ghano ghakwëndëru ambërë yaache. Ndetoheere ghayo gho nchëra e korimënya rino atobherekiire gho ghiri e bhokumi obhokoro no obhuhöriicho bhooche eryene.

1 Yohana 2:6

Omooto uno akobhugha naanyi no obhumu ne Eryobha, nakwëndëru amanye kinya bhuure Yesu amanyiri.

3 Yohana 1:6

Abhaato bhayo mbabhabhooriire abhaato bha riikanisa re hano ighoro e bhosiighi bhoocho. Neghoghusasaama, wëndërërë kobhatoori kinya bhuure eghuchömëri Eryobha, kubha bhëëndërërë no orughëndö roobho.