1 Abhatesaronike 2:10 - Eriiraghano Eriihë

¹⁰ Inyu n‑abhiibhateri bhiito ne Eryobha ryose, kubha atëëmö yiito ghokoonyu bhano momokumiri Yesu, neere inchömu wiiki e mahëënë etaanyi ni isörö.

1 Abhatesaronike 2:10 ပူးပေါင်းရင်းမြစ်များ

Ruuka 23:41

Amare itu, ntoteniiru ekiina kwo bhuhëënë, kurëngʼaana na amaköri ghiito, amare uno, taanyi ne eriisari rino aköriri.”

Amaköri gha Bhatomu 20:18

Hano bhahikiri hayo are, akabhabhoorera, “Inyu mweche bhuure ꞉niimanyiri ghate yaanyu, korwera orosiko runo ꞉niitachiri mo‑mukööwa uno o Asiya.

Amaköri gha Bhatomu 20:26

Gho ghayo, ˆnekabhabhoorera haheero kubha, aribha naanyi‑ho umu ghate yaanyu uno akobhora, amasaahë ghaache ghataakubha ighoro yaane,

Amaköri gha Bhatomu 24:16

Gho ghayo, neghwiköngʼi chwee kubha no omotema omuchömu, etabha‑ho ngʼana ino eghunkörëra chaasoni ambërë e Ryobha.

2 Abhakorinto 1:12

Mbe, itu ntokwihachera rino, mo‑metema ghiito ntoonyi no obhuhëënë kubha, mo‑se hano, na ahanene mo‑bhughöötani bhwito na niinyu, ntumanyiri kwo bhughöröröku na kwo bhuhëënë bhuno bhookoru kwo Waryobha. Totaaköriri hangʼu kwo mangʼiini gha se ino, amare n‑gho ghareeya e Ryobha.

2 Abhakorinto 11:11

Nteeghosiikëra hangʼu gho kubha ntebhasiighiri, Eryobha ndyeche kubha nebhasiighiri.

2 Abhakorinto 11:31

Waryobha, Taata o Mutëmi Yesu, uno akurëngʼaanera ghoghongibhu emiishe ghyose, neeche kubha nteeghosiikëra obhuröngö.

2 Abhakorinto 4:2

Ntwangiri inkongʼorimu ghuköra ghano ghaanyi mo‑kebhisere na gha chaasoni, koru kobhangʼiina abhaato, koru ghusangerani angʼana e Ryobha no obhuröngö. Amare ntoghosiikëra obhuhëënë haheero, kubha abhaato bhoose bhamënyë mo‑metema gheebho kubha ntoonyi no obhuhëënë ambërë e Ryobha.

2 Abhakorinto 5:11

Ibheere, ntweche kubha nekwëndëru komosooka Omutëmi. Gho ghayo, ntoghwiköngʼi kobharuta abhaato kubha bhabhe bharamokumi. Eryobha ndetweche bhoheene kebhuno toonyi, na neeni neghwitëngʼëra kubha na niinyu motweche bhoheene mo‑metema gheenyu.

2 Abhakorinto 7:2

Motuhë omweya mo‑metema gheenyu, gho kubha taanyi‑ho uno tomutasiiri, na taanyi‑ho uno tomunyahaariri mo‑mangʼana nyarebhe, hamu uno tomongʼiiniri.

1 Abhatesaronike 1:5

Ntweche hangʼu gho kubha, hano toore toraraghani Angʼana Anchömu bhowaanyu, totaraghiini kwo mangʼana agheene hangʼu. Amare nturaghiini gho changuru na gho Körö Ahörëëru na kwo bhuhëënë. Inyu mweche bhoheene bhuno toore haghirohamu na niinyu, kubha tobhatoorereri.

1 Abhatesaronike 2:5

Mweche kubha, totaare torabhugha amangʼana kubha motosiighe, koru ghosiikëra amangʼana ghano ghataanyi gha hëënë kubha tubhönë obhwëra. Eryobha n‑eriibhateri riito!

2 Abhatesaronike 3:7

Ntokobhugha hangʼu gho kubha, inyu bheene mweche bhuure mokwëndëru kwegha eghetuubhaani kiito. Hano itu toore haghirohamu na niinyu totaare bhatöbhu,

1 Timotewo 4:12

Omooto wowoose ataghutaraaha gho kubha iye okeere omobhureni, amare wiköngʼi kubha ekyërëkërëri ghichömu mo‑bhakumi gho ghughamba koocho, na atëëmö yaacho, no obhosiighi bhoocho, no obhokumi bhoocho no obhughöröröku bhoocho.

2 Timotewo 3:10

Amare iye, nutambiine ameeghi ghaane, na atëëmö yaane, ne ekebhune keene, no obhokumi bhoone, no obhoghumereri bhoone,

1 Bheetero 5:3

Motabha abhariishi abhahaari kwo bhano moghukangata, amare mo‑riimanya reenyu, mubhe eghetuubhaani ghichömu ghokoobho.