1 Abhatesaronike 1:6 - Eriiraghano Eriihë

⁶ Nangabha moore mo‑nyaako gho ghiri e bhokumi bhoonyu, mosongʼaaniri Ngʼana iyo gho ghuchömëru kuno ghookoru mo‑Körö Ahörëëru. Kinya muköriri hangʼu, mutambiine eghetuubhaani kiito ne eghetuubhaani ke Mutëmi Yesu.

1 Abhatesaronike 1:6 ပူးပေါင်းရင်းမြစ်များ

Mataayo 16:24

Niho Yesu akabhabhoorera abhaanabheegha bhaache akabhugha, “Omooto wowoose uno akwënda ghuntambana, nakwëndëru iyange omwene, aghëghë omusarabha waache, antambane.

Yohana 8:12

Mbe, Yesu akëëndërëra ghosiikëra wiiki ne erikinda riire akabhugha, “Eni neeni obhwero bho se. Omooto wowoose uno aghuntambana eni, taaghughënda mo‑kengʼuuri naabha, amare naakubha no obhwero bhuno bhokomukangata mo‑bhuhöru bho miishe ghyose.”

Amaköri gha Bhatomu 13:52

Amare abhaghëndi bha Yesu bhano ꞉bhaasaaghiri iyo Antiyokiya e Bhisitiya bhaghachömëru chwee, bhaghiichoribhu Akörö Ahörëëru.

Amaköri gha Bhatomu 5:41

Abhatomu bhayo bhakahoroka mo‑riibharacha riyo bharasiighasiigha, kinya Eryobha rebhaheere asooko e ghutaraahu gho ghiri e riina re Yesu.

Amaköri gha Bhatomu 9:31

Mbe, chaasiko chiyo, abhaato bha mo‑kanisa haghiro hoose ha Yuteya, na Ghariraaya, na Samaariya bhaakabha no omurëmbë. Abhaato bhayo bhakabhöna changuru na ghotooru omukörö na Akörö Ahörëëru. Bhaakabha bharamosooka Omutëmi, ne ekirëngërë ke bhano ꞉bhaakumiri ghëkëëngëra chwee.

Abharuumi 15:13

Eryobha niryo toghwitëngʼëra kubha ndeghuköra ghoose ghano ꞉reeturaghiri. Gho ghayo, nekobhasabhera kubha, rebhahë omurëmbë chwee na ghuchömëru kwaru hano mokwëndërëra korekumi. Hayo niho mookubha ne eriitëngʼërö ikoro, rino moonyi naryo gho changuru che Körö Ahörëëru.

1 Abhakorinto 11:1

Mbe, moonyeghe eni, kinya bhuno eni nemweghiri Kirisito.

1 Abhakorinto 11:2

Nekobhaghongi gho kubha mohiitiri mo‑mangʼana ghoose, na ghughööta ameeghi ghano ꞉neebhaheere.

1 Abhakorinto 4:16

Gho ghayo, nekobhasasaama kubha, mubhe moratambana eghetuubhaani keene.

2 Abhakorinto 6:10

Wiiki ntokorighibhu kinya ntwitumatiri, amare eriibhagha ryose ntoghuchömëru. Ntokorighibhu kubha m‑bhahabhe toonyi, amare abhaaru ntobhaamihiri. Ntokorighibhu kubha totaanyi na ghyokyose, amare ntoonyi ne ebheghiro bhyose.

2 Abhakorinto 8:5

꞉Mbaaköriri hangʼu ghokera kinya bhuno toore toriitëngʼëra. ꞉Mbiiruusiri ekimbërë kwo Mutëmi, bhakamara bhakiruusi ghokwito. ꞉Mbaaköriri hangʼu kinya bhuno Eryobha rekwënda.

Abhagharatiya 5:22

Amare aribha toghukangatu na Akörö Ahörëëru, ntookubha ne eriikorobhese re Körö Ahörëëru. Eriikorobhese riyo n‑obhosiighi, na ghuchömëru, no omurëmbë, no obhoghumereri, no obhuhöriicho, na ghughënëhi, no obhuhëënë,

Abhaebheeso 5:1

Mbe, gho kubha inyu n‑abhaana bha Ryobha moonyi bhano resiighiri, mweghe asughara na amaköri ghaache.

Abhabhiribhi 3:17

Bhahiiri bhaane, bhoose mweghe asughara yaane. Wiiki mweghe mo‑bhaato bhano bhaghutambana asughara ino tobheeghiri.

2 Abhatesaronike 1:4

Gho ghayo, ntoghosiikëra gho ghesubhe subhe mo‑makanisa gha Ryobha gho ghiri e bhoghumereri no obhokumi bhoonyu bhuno moonyi nabho, mo‑nyaako yoose ino ekobhabhöna.

2 Abhatesaronike 3:7

Ntokobhugha hangʼu gho kubha, inyu bheene mweche bhuure mokwëndëru kwegha eghetuubhaani kiito. Hano itu toore haghirohamu na niinyu totaare bhatöbhu,

2 Abhatesaronike 3:9

Hano toore toraköra hangʼu, taanyi kubha totaare torarëngʼaanera kubhöna egheghiro ghokoonyu, amare ꞉ntwëëndiri tubhe eghetuubhaani ghokoonyu kubha motweghe.

2 Timotewo 4:2

Ibheere, ubhe oraraghani Angʼana Anchömu e Ryobha. Ubhe wiisëëmiri ghuköra hangʼu eriibhagha ryoryose, kwo riibhagha rino rirëngʼaaniire na rino retarëngʼaaniire. Ubhe oratöngëra, no orahiinya no orabhaköngʼi abhaato. Ukörë hangʼu, ino oreeghi kwo bhoghumereri bhoose.

Abheebhuraaniya 10:34

Wiiki moore morabharigheri changori abhaghëndi bhaanyu bhano ꞉bhaare bhabhöhuru mwighërëcha. Wiiki hano ꞉bhaare bharabhahöka obhwame bhoonyu, moore morachömëru mo‑metema gheenyu gho kubha moore mweche kubha moonyi ne ebheghiro bhyaru bhichömu chwee bhino bhetaaghosira naabha.

1 Bheetero 1:6

Mbe, muchömëru chwee ighoro e mangʼana ghayo, nangabha ibheere kwo riibhagha ighuhe mookubha na amacheeche ighoro e masaki gha manga maaru.

1 Bheetero 1:8

Inyu momosiighiri, nangabha motaamara komorighi. Wiiki nangabha motaakomorighi ibheere, amare mokomokumi. Gho ghayo, muchömiiru chwee mo‑bhokumi, oghuchömëru kuyo nkoonyi no obhokumi obhokoro bhuno bhotaaghotora koru ghughambu,

1 Bheetero 3:13

N‑niwe aghotora kobhakörëra amabhe, aribha moghwiköngʼi ghuköra amachömu?

3 Yohana 1:11

Ibheere Ghaayo, omosiighani waane, oteegha amabhe, amare weeghe amachömu. Wowoose uno aghuköra amachömu, uyo n‑omoona o Ryobha. Amare uno aghuköra amabhe, uyo taryeche Eryobha.