1 Abhatesaronike 1:5 - Eriiraghano Eriihë

⁵ Ntweche hangʼu gho kubha, hano toore toraraghani Angʼana Anchömu bhowaanyu, totaraghiini kwo mangʼana agheene hangʼu. Amare nturaghiini gho changuru na gho Körö Ahörëëru na kwo bhuhëënë. Inyu mweche bhoheene bhuno toore haghirohamu na niinyu, kubha tobhatoorereri.

1 Abhatesaronike 1:5 ပူးပေါင်းရင်းမြစ်များ

Maariko 16:20

Abhaanabheegha bhaache bhaare bhaghatanura hayo, bhaaghaye kuraghani Angʼana Anchömu haghiro hoose, ino Omutëmi Yesu naare arabhaha changuru che ghuköra ebhyërëkërëri. Hangʼu nibhu are arahëënëhi amangʼana ghayo kubha n‑gha hëënë.]

Ruuka 1:1

Oo omosooku Tewobhiro, ghaare ꞉ghaakörëkiine ghate yiito, abhaato bhaaru mbamariri ghwiköngʼi gho kwandëka ighoro yaache.

Amaköri gha Bhatomu 11:21

Obhotoro bho Mutëmi mboore haghirohamu nabho, na abhaato bhaaru chwee bhakamokumi Omutëmi, bhakariigharurera Eryobha.

Amaköri gha Bhatomu 16:14

Umu o bhakari bhayo ꞉bhaare bharatutëghëërëra, naare aruure mo‑moghya o Tiyatira, eriina reeche Riitiya. Riitiya uyo naare omosorocha o maghööti amachömu gha sambaraawe, wiiki naare araresooka Eryobha. Hano Bhawuro abhamënyiri Angʼana Anchömu iyo, Omutëmi aghiighora omotema o Riitiya mbagha aghakumi.

Amaköri gha Bhatomu 2:33

Eryobha riyo rekamoghongi na komuha omweya, niikeere eribhaara reeche re kwiro. Akamara Taata Waryobha akamuha Yesu Akörö Ahörëëru kinya bhuure are amuraghiri, Yesu woose aghatwikeri Akörö iyo. Ibheere ghano gharweriire, nigho ghano moghogharighi na ghoghooghu.

Abharuumi 1:16

Eni nteekorighi chaasoni kuraghani Angʼana Anchömu iyo, gho kubha nibho obhotoro bho Ryobha bhuno bhoghotoori abhaato bhoose bhano bhakomokumi Yesu, korwera mo‑Bhayahuuti mbagha mo‑bhaato bha matöngö.

Abharuumi 15:13

Eryobha niryo toghwitëngʼëra kubha ndeghuköra ghoose ghano ꞉reeturaghiri. Gho ghayo, nekobhasabhera kubha, rebhahë omurëmbë chwee na ghuchömëru kwaru hano mokwëndërëra korekumi. Hayo niho mookubha ne eriitëngʼërö ikoro, rino moonyi naryo gho changuru che Körö Ahörëëru.

Abharuumi 2:16

Hangʼu nibhu ekubha orosiko ro ghoteneru ekiina. Eryobha ndekobhatenera ekiina abhaato kohetera Kirisito Yesu, koru kwo mangʼana ghaabho gha kebhisere, kinya ekobhugha Angʼana Anchömu ino nebharaghaniiri.

1 Abhakorinto 1:24

Amare ghokoobho bhano Eryobha rebhabherekiire kubha abhaato bhaache, bhabhe Abhayahuuti hamu Abhayunaani, Kirisito niwe changuru na amangʼiini gha Ryobha.

1 Abhakorinto 10:33

Mubhe kinya bhuno eni neenyi. Neghwiköngʼi ghuchömëri abhaato bhoose kwo mangʼana ghoose ghano neghuköra. Taanyi kubha neghuköra hangʼu, kubha nibhönë obhwëra eni mwene, amare neghuköra hangʼu kubha abhaato bhaaru bhabhönë obhwëra gho kubhöna obhotoori.

1 Abhakorinto 3:16

Kana, moteeche kubha inyu n‑Erisëngërö re Ryobha moonyi, na kubha Akörö e Ryobha neghwikara moose yaanyu?

1 Abhakorinto 3:6

Eni nyeemiri chaatëtërë, Abhooro akahomeerera amanche, amare Eryobha niryo rekumëri na ghokori.

1 Abhakorinto 4:20

Neghosiikëra hangʼu gho kubha obhutëmi bho Ryobha, bhotaakorighibhu mo‑mangʼana hangʼu, amare ahanene n‑gho changuru.

1 Abhakorinto 9:14

Wiiki Omutëmi Yesu ꞉naahatëkiri hangʼu hangʼu, kubha, bhano bhakuraghani Angʼana Anchömu, bhabhe bharabhöna amënda ghaabho kurëngʼaana ne emeremo ghiyo.

2 Abhakorinto 3:6

Iryo niryo ꞉reetoheere obhotoro bho kubha abhatamishi bha Riiraghano Eriihë rino reekoru mo‑Körö Ahörëëru. Eriiraghano riyo taanyi emeghiro ghino ghyandëkuru, gho kubha emeghiro ghino ghyandëkuru ngeghuköra abhaköri bha masari bhateneru ekiina ghe ghwitu, amare Akörö Ahörëëru nekurëëta obhuhöru.

Abhagharatiya 2:2

꞉Neetiiriri ghuye Yerusareemu kwo riibhagha riyo, gho kubha Eryobha ndeere rehunyuriire kubha, neghi nitëmëërane kibhacho na abhakangati bha riikanisa, nebhabhoorere abhakangati bhayo ighoro e Ngʼana Anchömu ino neere neraraghaneri abhaato bha matöngö. ꞉Nyëëndiri kobhabhoorera ghayo, kubha emeremo ghino neere neraköra na ghino nguköra ghetaacha kubha ghe bhoowa.

Abhagharatiya 5:5

Amare itu, kino toghwitëngʼëra kwo bhotoro bho Körö Ahörëëru n‑kubha, Eryobha ndeghotubhara kubha abhaato abhahëënë, gho kubha ntokomokumi Yesu.

Abhaebheeso 2:10

Itu ne emeremo ghe mabhökö gha Ryobha toonyi. ꞉Ndeetobhombiri bhuhë gho ghotughöötani na Kirisito Yesu kubha tukörë amaköri amachömu, ghano ꞉reetusëëmiire tubhe toraköra.

Abhaebheeso 3:20

Mbe, reghongibhu Eryobha rino reghotora ghuköra amangʼana gha koroghoori chwee ghokera ghoose ghano toghotora ghusabha hamu kwihëëbha, gho kirëngërë ghe changuru cheeche chino cheghuköra emeremo moose yiito.

Abhabhiribhi 2:13

Mbe, mukörë hangʼu gho kubha Eryobha niryo reghuköra emeremo moose yaanyu, kubha mosiighe na ghuköra amangʼana ghano resiighiri ghaköru.

Abhabhiribhi 4:9

Mwëndërërë ghuköra ghaare mweghiri na ghoghasongʼaana koru ghokoone, ghaare ꞉mooghwire nebhughiri, hamu ꞉moorooche neraghaköra. Niho Eryobha rino rekobhaha omurëmbë, rekwëndërëra kubha haghirohamu na niinyu.

Abhakorosaayi 2:2

Kino nekwënda n‑kubha, motooru omukörö na ghutëmëëranibhu mo‑bhosiighi. Nekwënda mubhönë obhumënyi bhoose bhuno bhokobhaha obhuhëënë. Hayo mokumënya ekebhisere ke Ryobha, nikyo Kirisito omwene.

1 Abhatesaronike 2:13

Gho ghayo, itu ntokoriitabheri Eryobha totaaghotigha naabha, gho kubha hano mutëghëëriire angʼana yaache koru ghokwito, motayiisheriiri kinya angʼana e mooto. Amare kinya angʼana e Ryobha, na hëënë hangʼu keenyi. Angʼana iyo niyo eghuköra emeremo moose e metema gheenyu, inyu bhano momokumiri.

2 Abhatesaronike 2:14

Eryobha ndebhabherekiire inyu, kubha mubhönë obhotoori bhuyo gho nchëra e Ngʼana Anchömu ino ꞉tuuraghiini bhowaanyu. Ndebhabherekiire kubha mubhönë obhokumi obhokoro bho Mutëmi wiito Yesu Kirisito.

2 Timotewo 2:10

Gho ghayo, neghoghumereri ghoose gho ghiri e bhaato bhano bhaahwiru ne Eryobha bhabhe abhaato bhaache. Neghuköra hangʼu, kubha bhoose bhasongʼaane obhotoori kohetera Kirisito Yesu, na ghusanga obhokumi bhooche obhokoro bho emiishe ghyose.

2 Timotewo 2:8

Omohiite Yesu Kirisito o mo‑rwibhoro ro mutëmi Tawuti, uno Eryobha ꞉reemoryokiri koru mo‑bhaku. Iyo niyo Angʼana Anchömu ino nekuraghani.

Abheebhuraaniya 10:22

Mbe, tubhe toraghe ambërë e Ryobha ne emetema myero ghino ghekomokumi kwo bhuhëënë, gho kubha Eryobha ndetomusiri emetema ghiito emebhe gho nchëra e masaahë gha Yesu na ghoghyeghi emebhere ghiito na amanche ameero.

Abheebhuraaniya 6:11

Neghwighomba chwee kubha, omooto woose iköngʼi ghuköra amangʼana ghayo mbagha mo‑ntenero kubha moghasongʼaane ghaare ghoose moghwitëngʼëra.

1 Bheetero 1:12

Eryobha ndebhahunyuriire abharööti bhayo kubha, amangʼana ghano ꞉bhaare bhararööta, ghataare ghaghaabho abheene, amare n‑gho ghiri yaanyu. Amangʼana ghano ꞉bhaabhughiri, nigho muraghaniiru na abhaato bhano bhabharëëtiire Angʼana Anchömu ighoro e Yesu Kirisito kwo bhotoro bho Akörö Ahörëëru ino etomuru koru Mwishaaro. Amangʼana ghayo, koru bhamarayika mbaghwighomba chwee ghoghamënya.

1 Bheetero 1:3

Aghongibhu Waryobha, Taata o Mutëmi wiito Yesu Kirisito. Kurëngʼaana na changori cheeche chaaru, natwibhwire mara e kabhere gho nchëra e komoryoki Yesu Kirisito koru mo‑bhaku. Gho ghayo, ntobhwine eriitëngʼërö re bhuhöru.

1 Bheetero 5:3

Motabha abhariishi abhahaari kwo bhano moghukangata, amare mo‑riimanya reenyu, mubhe eghetuubhaani ghichömu ghokoobho.

2 Bheetero 1:10

Mbe, abhahiiri bhaane, mwiköngʼi chwee kwërëki kubha Eryobha ndebhabherekiire na kobhaahura. Aribha eriimanya reenyu hangʼu reenyi, motaakobhora naabha.

2 Bheetero 1:19

Wiiki amangʼana gha bharööti, ngakuhëënëhi ghokwito angʼana iyo, inyu moghuköra bhoheene aribha moraghaghööta. Amangʼana ghayo n‑kinya oromore runo rokurëngaari mo‑kengʼuuri, mbagha eriibhagha re moomake, na anchöta e tabhoori ino ekobharemokera mo‑metema gheenyu.