1 Abhakorinto 9:7 - Eriiraghano Eriihë

⁷ N‑omoshirikare ke uno aghuye mwihë gho kwirehera omwene? N‑omoremi ke uno akwemi emisabhiibhu mo‑moghondo waache, uno ataakurë amakorobhese ghaache? Wiiki n‑omoriishi ke uno ataakunyo amabhëërë gha chaatugho cheeche?

1 Abhakorinto 9:7 ပူးပေါင်းရင်းမြစ်များ

Amaköri gha Bhatomu 20:28

Akörö Ahörëëru nebhatooriri mubhe abhiimeerereri bha bhaato bhaache. Gho ghayo, mubhe moriichonga inyu bheene, mubhe morachonga ne eriikanisa reeche, gho kubha eriikanisa riyo, Eryobha ndereghoriri kwo masaahë gha Moona waache kobhatoori.

1 Timotewo 1:18

Omoona waane Timotewo, ˆneghakuha amëërëkërëri ghayo, kurëngʼaana na amangʼana gha bharööti ghano ꞉ghaasiikiiru ighoro yaacho. Amangʼana ghayo ngaghoghotoori kurööna eriihë ichömu re meremo ghe Ryobha.

1 Timotewo 6:12

Wiköngʼi kurööna eriihë ichömu re bhokumi bhwito, ughöötërërë obhuhöru bho miishe ghyose. Obhuhöru bhuyo, Eryobha ndebhabherekiire mobhubhönë, na moruusiri obhwibhateri bho mahëënë ambërë e bhiibhateri bhaaru kubha, moghwitëngʼëra kobhubhöna.

2 Timotewo 4:7

Nirööniri eriihë inchömu re bhokumi, nimariri orughëndö roose, na nechongiri obhuhëënë bho bhokumi bhwito.

1 Bheetero 5:2

morechonge erikinda re Ryobha rino muhaabhuru. Wiiki morechonge kinya bhuno Eryobha rekwënda, taanyi gho kuhaamereru, amare gho kwënda koonyu inyu bheene. Motaköra emeremo gheenyu gho ghwighomba chambiiri, amare mubhe no omukörö o ghwiköngʼi.