1 Abhakorinto 9:5 - Eriiraghano Eriihë

⁵ Ibheere, mokwihëëbha kubha itu totaanyi no obhohuuru bho ghuye no omukari omokumi, mo‑rughëndö ro kuraghani angʼana ighoro e Kirisito, kinya bhuno abhatomu abhande ꞉bhaaköriri, na abhahiiri bha Mutëmi Yesu, na koru Keebha?

1 Abhakorinto 9:5 ပူးပေါင်းရင်းမြစ်များ

Mataayo 13:55

Kana, uno taanyi omoona o murandi o chambaawe? Kana, eriina re nyina waache taanyi Mariyamu? Kana, bhaömööbhö taanyi bha Yakobho, na Yusubhu, na Simiyooni na Yuuta?

Mataayo 8:14

Hano Yesu asöhiri mo‑nyumba e Bheetero, akamubhöna nyinabhiyaara Bheetero amisiri a‑bhorere, aghööturu ne ekihëënö kihaari chwee.

Maariko 1:30

Hano bhahikiri, Yesu akabhooreru kubha nyinabhiyaara Simiyooni naanyi mo‑nyumba amisiri, naghööturu ne ekihëënö kihaari chwee.

Maariko 6:3

Omooto uno taanyi wuure seremara, omoona o Mariyamu, ömööbhö waabho na Yakobho, na Yoose, na Yuuta na Simiyooni? Kana, na bhasubhaati bhaabho bhataanyi na niitu hano?” Bhaghakarara ighoro yaache, bhakaanga komokumi.

Ruuka 6:15

Mataayo, na Tomaso, na Yakobho mwërëëti o Arubhaayo, na Simiyooni uno are o mo‑bhoyo bho Bhasërötë,

Ruuka 8:20

Abhaato bhakamurëëtëra amangʼana bharamobhoorera, “Nyako na bhaömöönyu, mbiimeeriire anche, mbakwënda orighani nabho.”

Yohana 1:42

Niho Andereya akamohira Simiyooni o‑Yesu. Yesu akamumööhërëri Simiyooni, akamobhoorera akabhugha, “Iye Simiyooni, mwërëëti o Yohana, korwera reero, eriina reecho nokobherekeru Keebha.” Eriina riyo gho Keyunaani m‑Bheetero, egheteemoro keeche n‑Eriitare.

Yohana 2:12

Hano anyangi e riirugha esiriri, Yesu akahiringita ghuye mo‑moghya o Kabherenawumu haghirohamu na nyina, na bhaömööbhö, na abhaanabheegha bhaache. Bhaghiikara iyo chaasiko insuuhu.

Amaköri gha Bhatomu 1:14

Bhano bhoose mbaare bhiikomiine kwo mukörö umu ghusabha Eryobha, haghirohamu na Mariyamu nyina Yesu, na abhakari abhande, na bhaömööbhö Yesu.

Abharuumi 16:1

Nekwënda nebhahë amangʼana gha mosubhaati wiito Siibhi. Iwe n‑omutamishi o riikanisa rino reenyi mo‑moghya o Kenkireya.

1 Abhakorinto 1:12

Ibheere, ghano nekwënda ghosiikëra nigho ghano, kubha, omooto woose ghate yaanyu naghosiikëra ghaghaache, umu nakobhugha kubha, “Eni n‑o Bhawuro.” Owonde nakobhugha kubha, “Eni n‑o Abhooro.” Owonde nakobhugha kubha, “Eni n‑o Keebha.” Owonde nakobhugha kubha, “Eni n‑o Kirisito.”

1 Abhakorinto 7:15

Amare omosubhe hamu omukari uno ataanyi omokumi arëënda ghutaana no omokumi uno akwirine nawe, omotighe akörë hangʼu. Hayo omokumi uyo taakubhöhu no obhokwirani bhoobho. Amare Eryobha ndetobherekiire kubha tumanye kwo murëmbë.

1 Abhakorinto 7:39

Omukari uno akwiruru, nahaabhöhu mo‑bhokwiru eriibhagha ryose hano omosubhe waache akubha anyi omuhöru. Amare aribha omosubhe waache araku, hayo naakubha huuru ghokwiru no omosubhe wowoose uno akwënda, amare omosubhe uyo abhe omokumi o Mutëmi.

1 Abhakorinto 7:7

Nengasiighiri abhaato bhoose bhabhe kinya bhuno eni neenyi, amare taanyi hangʼu gho kubha omooto woose Eryobha ndemoheere ekihaano keeche, umu kino, no owonde kiire.

1 Abhakorinto 7:8

Ibheere, ˆnekabhabhoorera abhaghuru na bhano bhaanyi abhasino ghate yaanyu, kubha n‑kumangi bhatakwira hamu ghokwiru, bhabhe kinya bhuno eni neenyi.

Abhagharatiya 1:19

Amare nterooche omotomu wowoose, nanyinga Yakobho, ömööbhö Omutëmi Yesu.

1 Timotewo 3:2

Mbe, asikoofu uyo, abhe omooto uno ataanyi ni isörö. Abhe no omukari umu hangʼu, na abhe ne ekirëngërë, wiiki abhe uno anyi na amangʼiini. Abhe omooto uno aghosooku, na abhe omooto uno asiighiri ghughënëhi abhaato, na uno eche kweghi abhaato angʼana e Ryobha.

1 Timotewo 4:3

Bhayo mbaheeghi abhaato kubha bhatighe ghokwira, na kobhahatëka bhatarë ebhiinyakurë nyarebhe. Amare Eryobha ꞉ndiitëëmiri ebhiinyakurë, kubha bhesongʼaanibhu gho ghwitabheri na bhano bhaghokumi na kumënya obhuhëënë.

1 Timotewo 5:2

abhakari abhakungu obharwache kinya bhaanyako, na abhaakë obharwache kinya abhasubhaati bhaacho. Ukörë hangʼu amare ukabhaahe otabhiighomba.

Tiito 1:6

Omugharuka o riikanisa, nakwëndëru abhe omooto uno ataanyi ni isörö ryoryose. Abhe omosubhe o mukari umu hangʼu, na abhaana bhaache bhabhe abhakumi, bhatabha abhatiriighanu hamu bhano bhataanyi na asooko.

Abheebhuraaniya 13:4

Obhokwiri mbokwëndëru ghosooku na abhaato bhoose, wiiki omosubhe no omukari bhiikabhaahane no obhutaari gho kubha Eryobha ndekobhatenera ekiina abhaato bhoose bhano bhaghuköra obhutaari.